استشار عن الحمام الزاجل

[متابع من بعيد]

السلام عليكم

كل عام وانتوا بخير، وتقبل الله طاعتكم

استشاره بخصوص الحمام الزاجل للاكل

لغلاء اسعاره عندنا، حاب اشتري فروخ الزاجل (عمر ثلاث شهور تقريباً) وانطر عليهم كم شهر الى ان يكبرون وبعدها ازاوجهم وانتج، لكن قالوا لي ممكن تواجهني مشكله، ان الانتاج كله يكون ذكور او اناث وتتورط بالحمام! فـ ما الطريقه ؟؟ او ما الحل لتسهيل شراء الحمام

اتمنى اني وفقت لتوصيل الفكره!

وشكراً

[bird96]

اخوي مكان الموضوع خاطيء هناك قسم مخصص ل هواة الحمام واليمام ب امكانك دخوله ووضع السؤال في قسم سؤال وجواب

[ابـ اروى ـو]

منقول من قسم الدواجن
يفيدونك الاخوه هنا ان شاء الله

[متابع من بعيد]

اشكرك اخوي ابو اروى

والشكر ايظا موصول لك اخري بيرد


انا سؤالي كان عن الحمام فحطيته بقسم الحمام


شكراً لكم مره اخرى. وبانتظار الرد

[رائد ملكاوي]

اخي الغالي

من خبرتي انك تشتري ازواج بالغة ذكر وانثى مضمونين

الحمام اللي بعمر ثلاث شهور أكبر خبراء الحمام ما يقدر يفيدك بجنسه 100%

لكن اذا اشتريت حمام غير بالغ تقدر بعد ما يبلغ اذا طلعوا ذكور أو اناث تبدلهم

واحتمال يطلعوا ذكر وانثى خاصة اذا كانوا من نفس العش

[العتيبي2011]

حياك ياغالي
عند شراء الحمام الزاجل اللحم بسن ثلاث شهور
فانا لانصحك به
اولا من المعروف اللحم انتاج + لحم = اكل

فانت تريد طريقةة اسرع

ثانيا: ثلاث شهور لابد ان تنتظر 5 شهور للبلوغ + شهر الجهوزيه
يعني 6 شهور اي تكليف الاكل وشرب = قيمة الكبير
عند شراء جوز كبير منتج سوف ياخذ من الوقت تقريبا 14 الى 20 يوم وينتج معاك
اي في 6 شهور التي تنظره عند شراء جوز صغير سوف تنتج جوزين الى ثلاث ازوج
حسب قوة الزوج
اما اذا تريدهــ للطيران فانصحك بشراه وعمره شهرين
مع تحياتي واي خدمةة انا موجود والاخ رائد ايضا

[متابع من بعيد]

اشكرك اخوي رائد. واشكرك اخوي العتيبي على سرعة الرد

لكن ..

حسب اللي عرفته ان بلوغ الحمام بين خمسه الى ست اشهر

يعني لو اشتري عمرهم ٣ شهور! اصبح بعد ثلاث شهور ويتم التزاوج!! يعني الانتظار ٣ شهور فقط مو سته!!

بعدين انا طرت لي فكره! اللي هي اشتري بعمر ٣ شهور وبعدين ابيعهم ازواج بعد ثلاث شهور

يعني ما انتظر للتبييض والتفريخ! شرايكم بالفكره ؟؟ وهل جربها احد قبلي !!!


انتظر ردودكم

[رائد ملكاوي]

يعني انت تبي تسمين مثل تسمين العجول هههه

ايوه تقدر تشتري زغاليل وتربيهم حتى يكبروا وتبيعهم

لكن الاحسن انك تشتري امهات ويبيضوا عندك ويفقسوا وتبيع يكون احسن

وبالنسبة لسن البلوغ

بالعادة يكون بعد ست شهور واسبوعين

ومثل ما حكى اخوي العتيبي يحتاج أحيانا فترة من الزمن للجهوزية

وكل هاد تأخير عليك

[bird96]

انا مع كلام الأخوان ماشاءلله 100% صحيح ..

واذا بدك نوع سمين .. انصحك الكنج والمصري رائع والمودينا

[متابع من بعيد]

هههه اخوي رائد عن قريب راح تشوف دعاياتي بالام بي سي. شركة فلان الفلان للتسمين. عاد لاتدقق تسمين شنو هههه

اخوي بيرد انت تقول كنج. بس المطلوب عندنا اكثر شي (الزاجل)


زين خلونا نحسبها بالارقام. وانتم علقوا على كلامي

بالبدايه سعر الزوج عندنا بالكويت ( من ٨ الى ١٠ ) دنانير

وسعر الفرخ (الزغلول) من دينار ١ الى دينار وربع

راس مالي تقريبا ٦٠٠ دينار


مخصوم منها ( ٢٠٠ ) دينار محكر وخانات

يعني الباقي ٤٠٠ دينار

طبعاً عندي المكان متوفر مجاني والعامل كذلك. من غير اجار
--------------

الحسبه الولى في حالة شريت ازواج

٤٠٠ / ١٠ = ٤٠ زوج

انتاجها الاربعين زوج تقريبا ٨٠ زغلول كل شهر ونص تقريباً

٨٠ * ١،٢٥٠ = ١٠٠ دينار

نخصم منهم العلف التطعيم ٣٠ دينار

طبعاً الحسبه تقريبيه لاننا ماجسبنا النفوق والعلف تقريبا حسبته

يعني الناتج ٧٠ دينار كل شهر ونص

---

اما اللحين الحسبه الثانيه اللي هي لو شريت زغاليل وبيعهم ازواج

نذكركم الباقي من راس المال ٤٠٠ دينار

٤٠٠ / ١،٢٥٠ = ٣٢٠ زغلول بعمر ٣ شهور عالاقل

لو فرضنا خلال ٣ شهور لو حذفنا نص الزغاليل مابين نفوق وبين جنس زايد

يبقى لنا ١٦٠ زغلول = ٨٠ زوج

٨٠ * ١٠ دنانير = ٨٠٠ دينار

نشيل ١٠٠ دينار علف ثلاث شهور وفيتامينات

يبقى ٧٠٠ ارباح

٧٠٠ / ٣ شهور = ٢٣٣ دينار

----

النتيجه النهائية :

في حالة شريت ازواج بالبدايه ----> الارباح ٧٠ دينار تقريباً

في حالة شريت زغاليل بالبدايه -----> الارباح ٢٣٣ دينار تقريباً


شراااايكم ؟ بانتظار تعليقاتكم