ادخلو لتعم الفايده ع الجميع

[مالكي مطنوخ]

بسم الله الرحمن الرحيم



السلام عليكم ورحمة الله وبركاته

اما بعد......



اليوم اخذت الببغاء حقي من نوع افريقي ورحة بقص جنحانه وبسوي اظافره


الموهم قالي ب20 اقصها قلت طيب لان توي ماعرف شي قلت نتعلم
المهم كتف الببغاء مادري وش سوا فيه وعضه ولعب فيه لين طلع جناحه وقالي قص طبعا سحب ثلاث حبات من الريش وقال ذي اتركها وابدا قص ع حد الريش القصير وطالعة ولا الشغله جدا سهله

يعني مجرد ماتفرد الريش راح يجي ريش قصير تقص على حده

وخلاص


قلت طيب اظافره

قالي اخذ 20 اول مره قالي 30 طالعة ولا حسيت الشغله فيها لطخ خصوصا لمن انا بنفسي قصية الجناح
قلت طيب عطني قصاصة اظافر واخذت لي حبه ب20 ريال

المهم شريتها جيت بقص ولا ماعرف شي وخايف من العض لان عليه عض يقص الاصباع

(((قلت اسالكم عن طريقة قص الاضافر ؟؟؟)))


وبعدها شريت لي كالسيوم الحبه بعشره ريال تنربط بنفس القفص مربعه

وشريت له مراية معلق فيها جرس وشريت له زي العصايه ومعلق فيها دواير طبعا هذي لها ثلاث ايام الاشياء ذي ولا قرب منها ولا فكر فيها
عندي ببغاء مهستر مدري وش يبي بحياته




والشي الثاني اللي بسالكم عنه

لمن اجي امسك الببغاء داخل القفص او اقرب منه صار يسوي حركه جديده ماقد سواها

اذا قربت
يرفع جسمه من ورى ويصير وجهه والصدر كذا ع اسفل ويبدا يجعر
مادري فيه مشكله ولالا

واتمنى كل واحد عنده طريقه جديده او شي يجيبها ويطرحها هنا عشان يكون مرجع لعضاء المنتدى في الموضوع هذا

[ali awami]

انا طيري اول ما اخدته مقصوص وانا عشان كدا زعلان ما احب الطير ناقص فيه شي ..
استنى يكمل سنه عشان انتف كم الريشه الي مقصوصه عشان يقوم الي ريش جديد بدل المقصوص .. لان انا ما اطلع برا البيت وفي البيت احين يطير عااادي بس مو درجه الطيران الكامل ..

وانتبه اخي في قص الاظافر لان احيانا في القص يمكن يسبب اليه نزيف وانا من شفت اخر موقف واحد يقص اظافر طيره طلع منه دم .. انا خفت على طيري قمت كله ابردهم اليه بمبرد ولا يخااالف .. انا انصح البراد افضل من القص ..

ولا تخاف اخي الجعير لان كدا بدايه اذا انقص جناحه بيظل خايف اول يوم

[مالكي مطنوخ]

بالنسبه للقص انا اخذته وقال اقص جناحه قلت لا ابي كامل
بس جلس عندي طفشني بس يطير ويتعلق بالنجف وماعاد اقدر اوصل له ولا يولف بسرعه من وجهة نظري

بعد القص احسه راكد مايقدر يبتعد عني

وبالنسبه للجعير طفشني اي احد يقرب منه لازم يجعر بس مستغرب حركته في نزول جسمه

وبالنسبه لقص الاضافر شفت مقاطع كثير وبقصها بنفسي ماهي صعبه وبقص شي بسيط بس مادري كيف امسكه لان بدل مابقص اضافره بيقصص اصابعي

[ممنوع الاقتراب]

والله ياليت الاعضاء يفيدونا

انا قصيت جناح الكاسو تبعي وشوهت جناحه
شعره طويله وشعره قصيره

والاضافر حاولت بس كل ما امسك رجله يخاف ويعض

[مالكي مطنوخ]

والله الجناح مجرد ماشفته وقصيت بنفسي صار شي سهل جدداااااا

اصلن لمن تفرد الريش بيجيك ريش اقصر من الريش الطويل ونااعم قص على حده وانتهى امش في خط مستقيم


وبالنسبه للاظافر والله مثلك خايف من العض وتاركه

بس اليوم قام يصفر لااول مره من يوم شريته له حول ثلاث اسابيع واليوم صفر مرتين يمكن لان مشغل مقطع ببغاء يصفر صفر شوي وسكت قام ينام

يحب النوم بكثره

[old-alkasiko]

مبيروك على الطير أخوي .
من ناحية قص الأظافر أنصحك أنك أنت ما تقصها ودها لواحد ويعلمك الطريقة وبعدين أنت تقصها و لا تستخدم القصاصة الخاصة للطيور بالعكس استخدم القصاصة تبع أظافر الأنسان أزيلك ، ومن ناحية أنه ينفخ ريشه ويجعر فهذا شيء طبيعي مع الوقت بتروح والتدريب بتروج أن شاء الله وخل الطير عند مكان فيه ناس عشان يتدرب معاك بسهولة .
والأخوان يفيدونك أكثر ..

[mrmzizo]

الف مبرووك ع الطير .. والله لا تخاف التجعيير شغله اسبوعين بالكثير ويروح .. واما لاظافر والله زيك ما قدرت اقصها كل يوم اقول خليها بكره ... اللي عندي صفر تصفيير على كيفك بس من قبل 3 ايام ساكت وراكد بس ياكل ويلعب شوي من غير تصفيير الزكام وما أدراك ماالزكام

[مالكي مطنوخ]

هذا له عندي حول ثلاث اسابيع مازال يجعر ولا صفر غير اليوم لاني مشغل مقطع وشاف شكله في المرايه صفر حبتين وسكت


والله يبارك فيكم جميعا

ان شاالله يولف واوريه شغله هو حاليا ياكل من يدي مره ياكل مره يجعر حبه ياكلها وحبه تجعير وزي كذا هع

[الكاكي]

بالنسبه لقص ريش الجناح هذي صوره تبين كيفية القص

لقص الاظافر : اولا : افرش منشفه او بطنيه .
ثانيا :انزع غطاء القفص العلوي .
ثالثا : واجعل الببغاء يتعلق بغطاء القفص من الداخل و اقلب الغطاء بحيث يكون ظهر الببغاء على المنشفه وتكون اظافره ومنقاره على الشبك وابدأ بقص طرف الاظفر بسيط ولا تضغط على الغطاء بقوه علشان ماتعوره .

بالنسبه لترويضه لابد من التحضير له بمعنى تعلقه بمكان مرتفع 1.5 متر وتخليه لمدة لا تقل عن 10 ايام
ولاتعمل شي تضع له الاكل والماء فقط حتى يطمئن لان من اولويات الافريقي الحاله النفسيه والامان .
وبعد ذلك تبدأ معه الترويض .
وبالتوفيق

[مالكي مطنوخ]

معلومات حلوة يعطيك العافيه
استفدنا قص الاضافر وقص الجناح وباقي الترويض لان كل واحد يعاني منه