اشترك في نشرتنا البريدية ليصلك كل جديد

dahy · 16-12-2005, 11:24 PM

انا عندي كلب من نوع البلجيم شيبرد
سنه 3 سنوات
انا ماكنتش طعمته ضدد الديستمبر

الكلب دلوقتي تعب قوي ورحت بيه المستشفي قالولي انه عنده ديستمبر
وقالولي فرصة العلاج قليله بس في امل

بس انا قريت عن الديستمبر ان من اعراضه القئ والاسهال والحراره والتشقق في جلد الانف وجلد القدم وظهور صور من الطفح الجلدي

وكل ده فعلا موجود في الكلب بتاعي ماعدا الاسهال واللي خلاني اكتب الموضوع ده اني قريت في موضوع في موقع تاني ان من اهم الاعراض لمرض الديستمبر او مرض الالتهاب الرئوي المعوي السهال الدموي وانا الكلب بتاعي ماعندوش اسهال خالص
انا الاعراض اللي عند الكلب بتعاي بالظبط هي ارتفاع في درجة الحرارة
قئ بس مش كتير
يعني كل يومين مره وعند الانف في تشقق في الجلد وفي دم ودايما في افرازات من العين والانف
وكل دي اعراض ديستمبر
بس انا عايز اتاكد ازاي اعرف ان الاعراض دي ديستمبر مش التهاب رئوي
لاني زي ماقولت ماعندوش اسهال خالص
وحاجه تانيه لو عنده ديستمبر
الدكتور قالي انه لو عدا عشر ايام يبقي في امل كبير في علاجه
اما لو ...........................مفهوم طبعا
انا عايز اتاكد امتي اضمن انه في احتمال كبير في علاجه
انا الكلب بتاعي قعد يتعالج اسبوع علي اساس انه برد عادي
وبعد كده روحت للدكتور تاني وقالي ده ديستمبر وقالي حكاية العشر ايام دول
وفي سؤال تالت الجلوجوز ينفع يتاخد تحت الجلد ولا في الوريد وبس؟؟؟؟
انا عارف اني تقلت عليكم بس انا بجد زعلان جدا علي الكلب بتاعي وندمان اني ما اديتوش اللقاح بتاعه فياريت حد يطمني او يزعلني اي حاجه بس اعرف راسي من رجليا

لحن الخلود · 17-12-2005, 02:14 AM

أهلا بك اخي داهي
والآن كم يوم صارلكم وكلبك على هالحاله ؟؟

وهل يأكل أكل طبيعي أم قلة كمية الطعام أم توقف عن الطعام ؟؟

ومن أهم أهم أسباب الدستمبر الاسهال وكيف مافيه اسهال ؟؟

وإن كان دستمبر واستمكن منه المرض للأسف لايوجد له علاج
وكل الأدويه والجلوكوز ماتفيده مجرد إستغلال تجاري العمليه كلها
ولكن تأكد وإنشاء الله الخبرات الي معانا يفيدونه

dahy · 17-12-2005, 05:32 AM

اخي العزيز لحن الخلود
اشكرك يا باشا علي سرعة الرد
اما بخصوص فترة مرض الكلب فهو قعد اسبوع وانا فاكره برد عادي والدكتور كان بيعالجه علي اساس كده وبعد كده روحت له تاني وقالي ديستمبر يبقي بقاله تقريبا 9 ايام من بداية ظهور اعراض المرض اما بالنسبه للطعام فهو لحد اليوم السادس كان بيشرب لبن بس ورافض ياكل اي اكل غير سائل
لكن دلوقتي وقف الطعام خالص وعايش علي الكل اللي باكلهله غصب عنه بالحقنه في فمه
واما بالنسبه للاسهال فلايوجد اسهال خالص حتي بالرغم من انه ما بياكلش الا سوايل الا انه من نصف ساعه قبل كتابة الرد ده كان فضلاته طبيعيه
فانا مش عارف وحاسس انه نزله شعبيه شديده او التهاب رئوي
ارجو الافادة

لحن الخلود · 18-12-2005, 06:17 AM

ان شاء اله تكون نزله شعبيه واتعدي
مع اني شاك بأنها دستمبر
لأنه الاعراض تقريبا كلها موجوده
وهل حركته وقفت تقريبا
وان وقفت اعلم انها النهايه للأسف والله يعوض عليك
ولكن إن شاء الله لاء

وغير هذا سامحني فخبرتي المتواضعه تعجر
عن تشخيص مرض كلبك
والافضل إتباع إرشادات الطبيب

dahy · 19-12-2005, 08:45 AM

:ANSmile06 :ANSmile06
شكرا ليك يا باشا بس هيه اظاهر انها كانت التهاب رئوي لانا الكلب ابتدا يستعيد صحته تاني مع العلاج ورجع يتحرك ويجري :bdaysmile
و ابتدا يا كل لوحده بس بكميات قليله قوي بس بقا احسن بكتير
شكرا ليك بس احب اعرف انا دلوقتي ما اديتوش اي تطعيم خالص اديله تطعيمات اه (خد بالك سنه 3 سنين) واستني قد اه قبل ما اديله التطعيمات علشان يكون شفي من المرض اللي عنده :think:

ashrafamir · 20-12-2005, 02:35 PM

الف مبروك يا داحي و اهتم بية شوية لاني زعلت جدا جدا وانت بتقول ممكن ميبقاش في امل

بس انت مش عارف قد اية انا سعبد ددلوقتي انة بدا يتحرك و يجري

واللة الواحد بيصعب علية جدا لما يعرف ان كلبة تعبان بيحس انة بني ئادم مش كلب و هي كلة ارواح
عموما 1000 مبروك و خلي بالك منة وربنا يباركلك فية
اخوك اشرف

dahy · 21-12-2005, 02:03 AM

ربنا يكرمك يا باشا انا متشكر جدا بس انا نفسي حد يقولي اه افضل اكل ياكله قبل ما يبتدي يرجع لاكله الطبيعي واه الفيتامينات
ودمتم