أصحاب خبرة مع الروت

[العثمان]

السلام عليكم يا جماعه...

عندي بعض الأسئله لأهل الخبره مع الروتوايلر... من ملاحظتي للكلبين اللي اقتنيتهم ان الروت يحب المدرب الحازم الهادي... ولاحظت انه يختبر صاحبه من وقت لوقت...من عض على الساق و عض على الحبل...لاحظت ان التعامل بلطف ما يجني ثمار و التعامل بقسوة يزيد هيجان الكلب...فصرت أتعامل مع كلبي بهدوء مصر و ثقه تامه....

ودي لو أحد يفيدني من خلال خبرته مع الروت أسباب رغبة الكلب في اختبار صاحبه...و هل الحزم أفضل من اللطف أو القسوة...وكيف أستطيع اني أحتوي و أملك شخصيه هذا الصنف من الكلاب...يعني باختصار كيف أقدر أخلي كلبي يسلم نفسه لي ١٠٠ في ال ١٠٠

[عاشق الكلاب و القطط]

اخي الكلب طبيعي يعض صاحبه بعمر 2-3-4-5شهور

ﻷنه مرحلة التينين وتتوقف بعمر 6اشهر

اما اذا كان يعض بعد ستة اشهر فهذه عادة سيئة ويفضل

التخلص منها عن طريق ضرب الكلب ضربة خفيفة جدا ع الفخذ

مع الضراخ في وجهه بكلمة عييييب وراح يتعلم

وبالتوفييق

[العثمان]

المشاركة الأصلية كتبت بواسطة عاشق الكلاب و القطط

اخي الكلب طبيعي يعض صاحبه بعمر 2-3-4-5شهور

ﻷنه مرحلة التينين وتتوقف بعمر 6اشهر

اما اذا كان يعض بعد ستة اشهر فهذه عادة سيئة ويفضل

التخلص منها عن طريق ضرب الكلب ضربة خفيفة جدا ع الفخذ

مع الضراخ في وجهه بكلمة عييييب وراح يتعلم

وبالتوفييق

أخوي... كلامك عالعين و الراس...بس الروت اذا صرخت عليه يستانس...يحب الصراخ يحسبك تلعب وياه...وكل ما تصرخ يهدأ شوي ويعيد الين ما تصرخ و هذا ما ينفع...والعض يجي عند الجرو من التسنين و عند الكبير مع اللعب و السيطره...أنا كلبي اذا عض فهو يعض عض خفيف علشان يختبر هل هذا مسموح ولا لا و لا اذا يحس انه هو المفروض يسيطر أو اذا طاقته زايده وهذا طبع في الروت... أول ما يسويها أمسك طوقه و أخنقه على فوق و يفهم...أنا ما أشتكي من مشكله عض...أنا سؤالي عن السيطرة على شخصية الروت و تسليمه لي...بكل اختصار أبيه يهدأ ويسلم نفسه لي...كيف أقدر أشيل طاقته؟ المشي زين وأنا أمشي ساعه و نص يوميا بس أبي شي يحركه حركه قويه الين ما تروح طاقته...عندكم نصايح؟

[عاشق الكلاب و القطط]

اخي اذا صرخت في وجه الروت وايلر وضربته ع الفخذ وارفع صوبعك فوق

راح يعرف انه غلط وهذه معلوخة معروفه والجرو بمرحلة التسنين

دائما بيعض يعني مش اختبار هو في مرحلة التسنين

بيعض وهذا في كل الكلاب واذا كبر عمره عن سته اشهر

وفضل يعض فهذه عادة سيئة ويجب التخلص منها ﻷنه مع الوقت

راح يحاول يسيطر عليك

وبعدين ليش تريد تخلي ما فيه طاقة؟؟؟؟؟

عليك بالتمشية اليومية للمحافظة ع الجسم فقد

واذا كنت ما تريد انك تمشيه ممكن تجبله المشاية الخاصة

بالبشر وفي الاول راح يخاف منها لكن مع الوقت راح يتعود

[العثمان]

المشاركة الأصلية كتبت بواسطة عاشق الكلاب و القطط

اخي اذا صرخت في وجه الروت وايلر وضربته ع الفخذ وارفع صوبعك فوق

راح يعرف انه غلط وهذه معلوخة معروفه والجرو بمرحلة التسنين

دائما بيعض يعني مش اختبار هو في مرحلة التسنين

بيعض وهذا في كل الكلاب واذا كبر عمره عن سته اشهر

وفضل يعض فهذه عادة سيئة ويجب التخلص منها ﻷنه مع الوقت

راح يحاول يسيطر عليك

وبعدين ليش تريد تخلي ما فيه طاقة؟؟؟؟؟

عليك بالتمشية اليومية للمحافظة ع الجسم فقد

واذا كنت ما تريد انك تمشيه ممكن تجبله المشاية الخاصة

بالبشر وفي الاول راح يخاف منها لكن مع الوقت راح يتعود

أخوي...أنا أمشيه يومياً ساعه و نص...بس الكلب يحتاج جري قوي...ايش في تمارين تلخيه يتعب بعدها؟ يعني باختصار أبي ألعبه الين ما فمه يزبد من كثر التعب.

[wolf qtr]

اخوي العثمان الكلب اذا كان جرو انت تشكله على كيفك ومافيه هذا كلب اتعامل معاه بحزم وهذا
شوي ادلعه ويطيعني !! دامه جرو تقدر تخليه وحش وتقدر تخليه خيخه على قولت اخوانا المصريين !!

اهم مافي الموضوع تكون انت المسيطر ولا تنقاد لطلبات الجرو مثلا اذا يبي يلعب تلعب معاه !! اذا يصيح
ويعوي يبي يطلع من الغرفه تستجيب له !! حاول ان انت مابغيت الشي تعمله ولا تنتظر منه حركات ونباااح علشان تستجيب له !! وبعدين سالفة انه يعض شوي شوي هذي كل الكلاب الصغيره تسويها خصوصا
اذا انت امعوده تأكل من يدك تعطيه المكافأءه من يدك تلقاااه اول ما يشوف ينقز غلى يدك يشوف فيه اكل
ولااا !! !! الفعل الغير مرغوب فيه اصرخ فيه بحزم بكلمة لاااااااااااااااااا طبعااا كيفك تبي اتكلمه انجليزي براحتك
بس انا كل كلابي ادربهم باللهجه المحليه حتى كلمة جب استخدمهااا ههههههههه

يعني تقوله لااااا معا رفع اليد في وجهه !! مانفع تمسكه من خشته بيدك وشوي ترص وتقول لااااااااااااااااااااااااااااا
بيفهم الكلب انه الشيء هذا غلط !!

واهم شي ان الكلب يحبك وتكون انت الحب الوحيد في حياته !! لان الكلب الصغير اذا كثروا اللي يهتمون فيه يتشتت من هو البيق بوس ماله !! ويمكن يحب واحد من المجموعه ويطنش للبقيه

على العموم تو الناس على شخصية كلبك باقي عليه بعد سبع او ثمان شهور بتوضح اكثر الشخصيه والحاجات
الغريزيه فيه واهم شي في الكلب (( البري درايف )) وهي غريزة الطرد وملاحقة الاشياء وعضهاااا ,, اتمنى انه تكون غريزيه فيه كلبك وانت تقويهااا وتطورها فيه وانت تقول تبي كلبك يتعب لين يزبد اللعب معاااه بالحلبل او الكوره يلحقهااا ويعضها وانت تشدهااا منه لين يتعب وكل مره ارميها له عشر دقايق بتشوف كلبك خذذذ الارض من التعب ولسانه قدامه طوله مترررر

[ibrahim sherif]

اخوي الغالي الاجابة تتلخص في كلمة

(الحزم)

[العثمان]

مشكورين جميعاً عالردود و الاجابات...طيب يا اخوان من تعاملكم مع الروت ايش تقييمكم عن شخصية الكلاب اللي تعاملتو معها... عطوني أمثلة تجاربكم السابقه مو كلام عام عن الصنف.

سلامي للجميع.

[ahmed D]

اخي اذا كانوا كلابك ما يمشوا معاك زين بالحزم و الكلام نضطر الي استخدام الضرب قليلا لنجعله يسمع الكلام و اذا ضربته و زام عليك اقف ادمامه بحزم و قوله لا او نو مره واحده و اصبعك مرفوع بوجهه و و لا تقلق مهما سويت معاه اي شيء لن يعضك ابدا عضه قاتله و هذا التمرين مع كلب مره و الاخر مره و ان شاء الله بتشوف نتائج جيده بالتوفيق
و عن التقييم لكلاب الروتاللي نتعامل معها انها تكره الغريب جدا ولديها عزه نفس و حريصه من اي كلب او شخص او اي حيوان جديد لا يعطيه الامان و اكيد هم عنيدين و الروت محتاج ابذال مجهود كبير مثلا زي ما انت تسوي تمشه ساعه و نص او اكتر لكي تسطيع السيطره عليه و طبعا هذه هي شخصيه الروت الطبيعيه لكن هذه الصفات تتغير حسب نشأه الكلب و تقليبه و نوعه اذا كان الماني او امريكي بس

[ibrahim sherif]

ﻻتستخدم الضرب معاة

وﻻ ترفع اصبعك ﻻنه وقتها بيخاف من رفعة الاصبع وبيعتبرة مصدر خوف ورعب