اشترك في نشرتنا البريدية ليصلك كل جديد

كيتي كات · 02-09-2010, 11:37 PM

السلام عليكم ورحمة الله وبركاته
اليوم دخلت قسم الخيول وقريت قصة كم وااحد فيكم وعجبتني قصصكم
اول شي أعرفكم على الاجواء الي با البيت

الي يحبون الخيول ومايقاومون لما يشوفونها أناا وسعودي أخوي

بابا:]يأيد ركوبي للخيل بشكل خياال ومن قبل ماينولد اخوي الي اصغر مني <<سعودي وابوي يوديني اركب خيول <<يعني واناا بزر
ماما:عادي عندها انو اركب الخيل لكن لما اسرع فيه تهاوشني

اخوي الكبير:لما يكون معانا مايخليني اركب الا بطلعة الروح لآنو في رجال

اخواتي الي اكبر من:<<مايهمهم عادي ركبت او لا

واناا: لما اشوف خيل ومجرد ماالمسه خلاص ابي اركب

سعودي :نفس الحاله بس مايتشجع الا لما اركب اناا..
فوفو : يخااف شوي من الخيول بس لما اقول تركب معي بعد تردد يجي

موقفي يوم كنا با الشرقيه ....

عمري 17سنه.. تحدااني ولد خالي نتسابق <<عمره 21
اناا قلت okالمهم ركبنا واناا رفعت عباتي وربطتها على خصري وقلت يلا وبدينا نمشي هروله بعدين قلت يلا نركض

وحددت له من وين نروح لآنو بنركض واكيد واحد بيسبق الثاني والي يخسر يعشي الي فاز من اي مطعم يبيه المهم قال اوكي ورحنا نركض تخيلو انا ركضت بالخيل ورجعت وفي شباب معاهم جيب شروكي ماشين جنبي في واحد بغا يطيح من الشبااك تحمس يقول حبتتتتتتتتتتتتتتتتتتتتتتتتييين

<<واناا مسويه ثقل ماكأني اشوف احد <<والله من الخوف خاف يوقفوني ويطيرون بي في سيارتهم هههههههه <<متأثره من الآفلام
المهم يوم رجعت للمكان الي وقفنا عنده الا الرجال ماتحرك ههههههههه قلت له زيتون ليش ماتسابقت اثاريك مو قد التحدي (زيتون) عيارته

قال هو اصلن اناا سبقتك من زماان راجع

قلت له احلف قال لا والله بس الصرااحه خفت يجيني شي <<قلت له لا ياشيخ واضحك عليه هههههههههههه الولد صار خايف مايعرف يلف با الحصاان يقول يعيي <<يرفض يقول حاولت فيه ورفع بس رفعه لا احسد عليها بغيت اطيح وفي شباب يشجعونه يحسبون هو يتفنن ههههههههههه<<والولد ماعنده سالفه
المهم رجعنا واناا فزت وعشااني من هرفي

بعد كم يوم رحنا للعزيزيه واتصلنا على رااعي الخيل الي اخذناه منه وجانا واخذنا الخيول ركبت وااحد بس هذي المره سعودي قال اناا بركب < عمره 11سنه

المهم ركب واناا كنت امشي جنبه وماادري ليش صقعت الخيل حقه <<لقافه ههههههههههه وطاار به
وسعودي يصاارخ ماااااااااااااااااااااااااااماااااااااااااااااااااااا
يباااااااااااااااااااااااااااااااااااه <<ملاحظين انتو ماما ويبه يقول الي يقول بابا خكري <<مسوي فيها شنب هو وخشته

اناا صورته ويوم قرب مننا الخيل هايج مدري وش قصته قسم بالله طاااااااااااااير كنه في سباااق هههههههههههه اناا وقفت خيلي يوم شفت سعودي طااااااااااااااار وهو راجع اصارخ سعودي شد اللجام سعووووووووووووووودي شده على ورا <<خربت الآخلاق واقول له الحبل هذا رجعه على ورا ووراي وااحد بدوي يضحك علي

قلت وش تبي انت قال الولد خيااال قلت اي بلاك ماتدري ان الخيل طاير به وهو متوهق قال لا لو هو مهوب خيال كان من زماان طااح قلت طيب طيب خيال ولا يهمك .. بعد ماتقطع حلقي من الصرااخ شد الحبل والخيل بكل سهوله وقف

ونزل سعودي يصيح ههههههههههه عاد البدوي قط معانا وقعد يرفع معنويات سعودي يقول ترا انت الي وقفته انت خياال ورجاال وبعد شوي بتساابق اناا وانت <<يستهبل عليه
قال سعودي لا والله معليش بطني يعورني

<< أخبر سعودي يقول هذا العذر اذا بغا يغيب عن المدرسه هههههههه

وعقب ماروق وريته شكله هههههههههه صورته فيديو وصور

وقعد يضحك على نفسه وكل ماتذكرنا هالسالفه نضحك

أن شاء الله تعجبك القصه ويعجبكم هبال سعودي وزيتونه