تنبيه للي ينوي يولف أو يروض طيره عند هالاشكال ... أرجو الدخول

[nasser1430]

(( تـنـبــــيـــــه ))

إخواني وأخواتي أعضاء و زوار المنتدى الطيب

السلام عليكم ورحمة الله وبركاته

اليوم أنا رحت لسوق الطيور ( العزيزية ) عندنا في جنوب الرياض ... أخذت فره على المحلات

المهم دخلت أحد المحلات فيها مقطوعين الذكر ( البنقال ) .. لا كثرهم الله ... واللي شفته والله العظيم قهرني ..... تدرون كيف يروضون أو يولفون الطيور .

والله العظيم شيء يقطع القلب ..... طريقتهم كالتالي : -

1 - الطير يخطفه خطف من القفص أو الا ستاند .. كأنه يشيل شجره من جذوره ... والطير يجاعر حسيت إنه بتجيه جلطة أو إنهيار عصبي . حسبي الله عليه .
2 - يمسك الطير من رجوله ويعصرهم عصر .. كأنه بيسوي منه عصير برتقال ، وبعدها يخضه خض مهوب طبيعي أبداً .... كأنه بيسوي منه ( ميلك شيك ) ... بالعربي ( حليب مخفوق ) .
3 - إذا جاء ينزله على القفص أو الاستاند بعد هالحركات القذره ... يمحط به محط الويل لدرجة إن الطير كأنه يقول ... اللهم إني لا أسألك رد القضاء ولكن أسألك اللطف فيه .. سلمت أمري لله .
4 - يستعملون بالخفاء بدون ما يشوفهم إلا رب العالمين ( البنج ) نعم البنج اللي يستعمل عند دكتور الاسنان ... علشان اللي بيشتري الطير ... يقول يا حليله ... ما يدري إن الطير مهوب من كيفه إلا والله من اللي شافه ..
5 - ( خارج الموضوع ) ... الطير طبعاً يشتريه اللي ما يخاف الله مثلاً بـ ( 500 ريال ) بتقولون رخيص ، صح عليكم رخيص لأنه يجاعر و ما أحد بيأخذه ولا ( 1 ريال ) لأنه صاير صفارة إنذار من كثر الجعير والصياح اللي تفقع الاذن ... بس يطبق عليه ما ذكر آنفاً ... ويبيعه بعد كذا بأقل شيء ( 2500 ريال ) ... حسبي الله ونعم الوكيل ... الله لا يربحهم ،،، الشغلة ما تأخذ منه إلا يوم أو يومين وإذا الطير أعصابه قويه ثلاثة أيام بالكثير .

وباقي الطيور تقول إنها فاقده الاحساس ... وداخله جو غير الجو اللي حنا فيه ... بالعربي إتبلدت يعني فصل عندها الشعور بالغير

والله ما كتب هالموضوع إلا ... (( تنبيه للي يبي يحط طيره .... أياً كان ... مكاو ، افريقي ، أمزوني ، دره ... أي كائن حي .... أطلت عليكم .... بس حبيت أحطكم بالصورة ... وانـبــهـــكـــــــم .

والسلام

[ashrafco]

كسر الله دياتهم على عمايلهم هاي مو ترويض هاذا إجرام

شكرا لك

[العقرب الامبراطوري]

اخي انا شايف كثير مثلا كيف الكتاكيت يلونها يجبوها في سلة و يحطون اللون و يشلوها و يهزوها كانهم يصبغون قماس
اما فروخ الببغاء يشيلوها و يحطوها على اقفاص كبيرة هذا كله انا شايف في الامارات
لاسف ما تقدر تقولهم شي

[غسان الاشقر]

نشكرك اخى ناصر مليون مره على التنبيه

جزاك الله كل خير

وانا من هنا احذر جميع الاخوان بان لا يتعاملوا مع هذه المحلات وان يستفسروا ويطلعوا على جميع المواضيع بالمنتدى قبل الشراء.

وانصح كل واحد يرى طائر ويعجبه بان يذهب اكثر من مره باوقات مختلفه لكي يري الطير ولا يستعجل ابدا.

كل الشكر لك وبيض الله وجهك

حسبي الله ونعم الوكيل

[nasser1430]

إخواني ( أشرف ، مصطفى ، غسان )

شاكر مروركم العطر

وبيض الله وجهك أخوي غسان على الكلام الحلو

وتقبل النصيحة ... اللي والله من القلب

والقصد رحمة الطيور اللي ما له ذنب

[Čłάŝŝίç]

حسبي الله علْيهمِ ,.,

بًٍس وشًٍ بيدًٍنـآٍ نسويًٍ ,.,

وشـآُكرٍ علْى تنبيهًٍك ,.,

تَـَ‘حيـآتيْ

[nasser1430]

المشاركة الأصلية كتبت بواسطة Čłάŝŝίç

حسبي الله علْيهمِ ,.,

بًٍس وشًٍ بيدًٍنـآٍ نسويًٍ ,.,

وشـآُكرٍ علْى تنبيهًٍك ,.,

تَـَ‘حيـآتيْ

شاكر مرورك ... بس بيدنا إنا ننتبه وننبه غيرنا

وإن أمكن الواحد يروض أو يولف طيره بنفسه

[الشفق الأحمر]

لا حول ولاقوة الا بالله ، حسبي الله عليهم
في بعض المحلات يخلون صيصان الدجاج
يرقص ، تتوقع كيف ؟ يخلي الصيصان
فوق كلك نحاس وهالكلك تــحــتــه
النار ، ومن الحرارة الـصـيـصـان
تحرك رجولها كأنهم يرقصون
ماقول غير الله فـــــــوق

[بدرااااان]

حسبي الله عليهم

سوق العزيزية فيهم واحد اسمر شويب يلبس طاقية عمانين ..هذا ملك التدريب

[المحب للدرة]

حسبي الله ونعم الوكيل