كيفية ركوب الخيل ......
اول شي انا فارسة وحبيت استعرض مواهبي على هالمنتدى للحاب يتعلم الفروسية ، انا الحين بحط كل الاشياء الي تلزم الفارس قبل مايركب الخيل ......
اول شي لازم يكون لابس الفارس البنطلون الخاص للفروسية علشان يسهل عليه القفز والضغط على السرج ....
وثاني شي لازم يلبس الفارس بوت الفروسية مب يلبس بوت يبيعونه في شومارت ولى محل ثاني لازم يشتري هالبوت من محل متخصص بس حق اغراض الفروسية او اترومون تشترون البوت من اي نادي للفروسية ولازم يكون هالبوت على قياس ريل الفارس علشان مايتلعوز وياالركابات وخاصتا عند قفز الحواجز.......
ثالث شي لازم يلبس الهيلمت او قبعة الفروسية لانها مهمة جدا جدا جدا ولازم يلبس الفارس الخوذة الي تناسب حجم راسه.....
ورابع شي لازم يلبس القفازات لان بعض الرين (هو الحبل الي يمسكه الفارس عند ركوبه الخيل) يقطع الجلد .....
خامس شي في شي اسمه بادي قارد هو مثل جاكيت ينلبس علشان اذا طاح الفارس ماينكسر عموده الفقري باختصار علشان يحمي ظهره .....
وهاي كل الاشياء الي يحتاجها الفارس علشان يركب الخيل ........
وانشاء الله ببدأ في المرة الياية بكتابة قوانين الفروسية في قفز الحواجز وسباقات القدرة ......
والتدريب بيكون على هالشكل....
في عندنا ستةكروت و الكرت الاول لمبتدئين وهو الكرت الاحمر
اما الكرت الثاني فهو للفرسان الي توهم يتعلمون يركضون بالخيل وهو الكرت الاصفر
اما الكرت الثالث فهو الكرت الاخضر مخصص بس حق التعلم اساسيات قفز الحواجز وتطبيقها وتبدأ اعداد الحواجز في هذا الكرت من اكسات عادية اتلامس الارض لين حاجز واحد جريب عن الارض بس مايلامسها...
اما الكرت الرابع هو الكرت الازرق
والخامس الكرت الاسود
والسادس هو الكرت الابيض
وشكرا"
|