مساعدة في شراء كوكاتو

[احلى طير]

السلام عليكم ورحمة الله وبركاته
شلونكم شباب........
ابي اشتري كوكاتو sulphur crested وين يبيعون هذا الطائر في البحرين؟
كم سعر الفرخ الغير متدرب؟
هل الكوكاتو يجعر (يصارخ) مثل الكاسيكو؟
هل الكوكاتو سهل الترويض؟
ارجو انكم تجاوبون على اسئلتي.

[madrule2002]

والله مادري في البحرين في السعوديه صعبه تحصل فروخ ولاكن ممكن تحصل ٦ شهور وانته طالع لاكن الاسعار فوق شويه الايام هذه في كل الحيوانات من يوم ما وقفوا تصريح استيراد الطيور والحيوانات بشكل مؤقت حتى صدور الائحه الجديده والقوانين الجديده بالنسبه لي الاستيراد والتصدير وكل شي صار دحين سعره دبل حتى الاسماك والطيور والكلاب وكل شي والله المعين

[احلى طير]

شكرا على المرور

[كاسكو البحرين]

الكوكاتو قليل تواجده في البحرين لقلة الطلب عليه واللي قايم سوقة في البحرين هو الكاسكو
والسنغالي والدرة والقليل من الامزون والمكاو + الكوكاتو

انا قبل شهرين رحت محل يقع في سوق واقف وكان عنده كوكاتو ابو عروة الصفراء
مثل اللي في الصورة



وكانوا صغار في العمر (فروخ) والسعر على ماعتقد ب450 دينار اذا ما خانتني الذاكرة
بس الحين امر احياناً على المحل بس ما اجوف عنده بس اذا حاب تزور المحل لتأكد
لانه صاحب المحل ينزل كل بين فترة وإسم المحل (الضاعن) ويصير خلف سوق اللحم في سوق واقف ومحلات الطيور متلاصقة مع بعض وما راح اضيع

وبخصوص الجعير انا من وجهة نظري اذا تجيب كوكاتو وتجيب كاسكو ولثنين بدون ترويض
راح تلاحظ جعير وصراخ الكوكاتو اكثر من الكاسكو وترويض الكوكاتو اتوقع اسهل من غيره
عكس الكاسكو عنيد وحساس وكذالك المكاو قوي وشديد

[احلى طير]

مشكووووووووووووور يا كاسكو البحرين على الرد