لقيت قطوه مسكينه.... ولكن عندي استفسار

[sultan_dj]

السلام عليكم ورحمة الله وبركاته


سالفة القطوة يا اخواني واخواتي الاعضاء سالفة

باختصار كنت في البيت وطلبت عشاء من المطعم ويوم وصل سائق المطعم
طلعت له علشان احاسبه والا اشوف الخدامه الله لا يبارك فيها تركض وفي ايدها العصا
عرفت على طول انها تلحق قطوة لان مب اول مره تسويها وركضت وراها والا اشوف القطوة
المسكينه متخبيه تحت السياره وهزبت الخدامه كالعاده ...
المهم شفت القطوه واستغربت من نوع القطوه كنت متوقع انها قطوة شوارع
والا طلعت قطوة بيوت وجميييله ما شاء الله...... ولكن

حالتها حاله الظاهر صار لها فتره تدور في الشوارع
انا بعرض عليكم الصور وياليت لو تشخصون حالتها وشو نوعها
لان فيها اكثر من شغله ما عرفت تفسيرها

طبعا الحبيب مستااانس ان جته قطوه ما خلاها في حالها مهبول


فرحان ويشمشم فيها


هي طبعا عاليسار


وهل هي حامل ام انها وضعت قريبا


وهذه خياطه في راسها ما ادري من شو


وهذه حالة شعرها المسكينه


وفي عيونها تطلع ماده تقريبا ورديه


ومثل ما قلت هل هي حامل ام ماذا ؟؟






بخصوص الحبيب الذكر ( توتو ) متخبل ويريدها وهي ما تخليه صار له ثلاث ساعات
الى الان وقت كتابتي للموضوع يحاول فيها... شو تنصحوني اخليه ولا افصلهم؟

ونقطه ثانيه هل حالتها فيها امل للشفاء ؟؟ وشو الخطوات اللي تنصحوني ابدأ فيها؟؟
لانها كاسره خاطري وهو فرحان فيها واهو نستفيد ونتعلم خبره ونربي كتاكيتهم

وانا في انتظاركم وشكرا