استفسار بخصوص الكاسكو

[كوكي2012]

السلام عليكم

طبعا هذي اول مشاركه لي معاكم

عندي كاسكو افريقي عمره تقريبا 8 شهور شبه أليف اذا حطيت على يدي منشفه يطلع على يدي عادي بعد شوية عناد...لكن اذا بدون منشفه يقولي مع نفسك والله مااطلع على يدك حتى لو يكون اخر مابيننا
وش الحل..؟؟

حاليا اطلعه فوق القفص واقوله راسك ينزل راسه ويخليني امسح عليه عادي

اي نصايح لاتبخلوا علينا

[the_gostman]

وعليكم السلام...

في هذه الحالات أفضل استعمال ستاند وهذا رح يسهل عليك الترويض والصعود على اليد كثيراً ورح يغنيك عن استعمل المنشفه.


بالتوفيق

[أسيــــر]

وعليكم السلام ورحمة الله وبركاته
حياك الله اخوي
الصعود على الايد له عدة طرق
واولها التعليم وهو فوق الاستاند وراح يتعبك في اول المحاولات
الطريقه الاخرى التعليم بواسطة المجثم تطلع فوق المجثم وهو على الارض
طيرك نعوا ما اليف وهذي خطوه جيده
باماكنك ابعاد القفص عنه وحشره في زاويه وتطليعه على الايد كم مرا
وراح يضبط معك
موفق باذن الله

[Abu Thamer]

زي ما قالو الإخوان اهم شئ الصبر وتكرار المحاولة وكم يوم وهو طالع علي يدك

[محب الببغاء السنغالي]

اولا حياك الله بالمنتدى

ثاني شي الستاند

ثالث شي جوعه 3 ساعات

رابع شي خله يطلع على يدك بالمنشفه وعطه حبه اكل كل ما صعد

خامس شي بدل المنشفه بقفاز ونفس الطريقه الين ما توصل يدك

بالتوفق ^_^

خله يطلع على يدك

[الصقار الشمالي]

الله يوفقك

[شرارة]

ماشاءالله طيرك يعتبر مروض %90 الان الباقي عليك لازم ما تخاف

اذا الطير ما يعض ولو عض عته خفيفه خلاص قو قلبك وطلعه على يدك

دف يدك تحت صدره بدون خوف وبسرعه راح يطلع امسك رجوال وارفعه غصب

ووقفه على ايدك ولا ترفعه كثير عن الارض عشان لو طب ما يتعور كررها كثير

راح يتعود بسرعه والامر جدا سهل بس يبيله جرائه منك وعدم خوف

مادامه يطلع على المنشفه وينزل راسه لك تحكله ولا يعض بقوه

الان لازم تقوي قلبك وتكرر الحركه عليه عشان بتعود

اوالخطوه الثانيه تخليه يطلع على يدك وهو داخل القفص

ونفس الشي دخل يدك عليه وقوله اطلع بكل ثقه وقوه وعدم خوف

[كوكي2012]

الله يعطيكم العافيه ماقصرتم على الردود والنصايح

مشكلتي ماعندي صبر هههههههههههه بس بحاول

[شرارة]

كوكي ههههههههه لازم تصبر

اصلا تربيت الطيور تعلم الصبر واشيئ كثير حلوه راح تعرفها بعدين

المربي القديم والمحترف يملك روح شفافه واحساس مرهف وتواصل بينه وبين طيوره

يوصل لمرحلة التخاطب الحركي والاحساس بما يريد ان يقول طيره

شي رائع وجميل جدا لا يعرفه لا من علمه طيره كيف يستخدم الحاسه السادسة

نعم الطير يعلم صاحبه كيف يستخدم الحاسه السادسه

كلام لا يفهمه الا من وصل لدرجة الارتباط الوثيق والحب المتبادل بينه وبين طيوره

وبذات الطيور الناطقه تملك من الذكاء والتعبير عن احاسيسها شي يذهل العقل

سبحان الله سبحان الخالق المبدع




تمنياتي للجميع بتوفيق

وتقبلو تحياتي

[مارشميلو]

ههههههههههه
لازم تصبر
خصوصا لانها تكون بالبدايه مرا خايفه

بس مع الوقت والطلعه والدخله عندهم
بتتعود عليك وعلى اهل البيت بشكل عام

والله يوفقك

بس عندي سوال
كم جلس عندك
وكيف صحته
لاني ناوي اشتري بس خوفوني من المناعه وكذا