انا منهاره وتعبانه نفسيتي قاعده اخسر قططي الجميل

[Boni]

سلام عليكم اتمنى تساعدوني اللي عنده خبره بلييييز وقسم بالله نفسيتي منهاره

انا عندي قطط مسويه لهم غرفه خاصه لهم اكل وماي وكل شي موفر لهم

واحد من قططي طلع للشارع ثلاث ايام ورجع مريض يستفرغ رغوه وشي اصفر

وتم بوم واحد وديته العياده عطوه ابره بس مات

بعدين انصدمت ان اثنين كتنز عندي بعد مامات قطي الكبير بعدها باربع ايام

بدا يطلع ممن اذنهم نفس الوصاخه وااايد وريحه مب حلوه وديتهم العياده

وعزلتهم عن اخوانهم طبعا العياده قالولي بيموتون لان فايروس هذا وعطوني ادويه

وماجا ثاني بوم الا مات واحد والثاني الحين مات يستفرغون شي اصفر ولا ياكلون واسهال


الحين الصدمه الثانيه ام الكيتنز اللي ماتو بدت اذنها تطلع الافرازات اللي لونها بني لها ريحه مب حلوه


وعيالها الكتنز وفي قطه ثانيه مربيه عيالها الكتنز فيهم مش عارفيه كيف انقذ قططي عندي مضاد حيوي اعطيهم مرتين فاليوم

انا ماطعمت القطط اللي عندي لان عندي فوق العشرين قطه ولا اقدر على مصاريف التطعيم خاصه فالامارات اسعار غاليه عندنا


يعني اعراض المرض

خمول

استفراغ لون اصفر

تفرازات الاذن بشكل فضيع لون اسود بني وكل شوي يحكون اذنهم واحس نفس صوت يوم يحركون اذنهم نفس سائل داخل الاذن

ولا باكلون
واسهال لونه اصفر بعد

الله يخليكم ساعدوني انا ماعندي بالدنيا غير هالقطط احبهم وتخليت عن كل شي بحياتي عشانهم

[Boni]

هذي الام جولي او يوم افرازات بس نظفتها بس بعد تطلع 💔

[Boni]

المصيبه ان كل القطط قاعده تنعدي منربعض

[nossa]

السلام عليكم
اول شيء حاسة فيكي لاني مررت بنفس تجربتك مع طيوري وكم هو صعب أن تفقدي عيالك
بالنسبة للمرض دام قال لك البيطري فيروس ومعدي يجب أن تزعلي القطط السليمة
بالنسبة القطط المريضة ماعليك إلا بأخذها للبيطري وبأسرع وقت
كل ما أقوله لك هو الصبر والدنيا لا تقف عند شيء واحد .تشجيعي واصلي ولا تيأسي والله يعينك

[Boni]

المشاركة الأصلية كتبت بواسطة nossa

السلام عليكم
اول شيء حاسة فيكي لاني مررت بنفس تجربتك مع طيوري وكم هو صعب أن تفقدي عيالك
بالنسبة للمرض دام قال لك البيطري فيروس ومعدي يجب أن تزعلي القطط السليمة
بالنسبة القطط المريضة ماعليك إلا بأخذها للبيطري وبأسرع وقت
كل ما أقوله لك هو الصبر والدنيا لا تقف عند شيء واحد .تشجيعي واصلي ولا تيأسي والله يعينك

شكرا لج لانج رديتي علي وشكرا لانج حسيتي فيني

شعور الفقد صعب لاني اشوفهم عيالي


ثاني شي انا كل اللي مرضو وديتهم وعلى الفاضي كل ماودي واحد وادفع الوف

بعدين يموت


مادري ليش مافي علاج لهم الحين اعطيهم مضاد واكلهم غصب الباقيين احياء

واحاول بكل مافيني يارب يارب ادعيلي يارب

[k.q8]

وعليكم السلام ،
الي صار لج صار مع قططي ماتوا 4 ولحقت على 2 وربي لك الحمد
اول شي قالي الدكتور " المكان ونظافته + عدم تزادحم القطط في نفس المكان + التطعيم السنوي "
هذا كلامه والي بالاذن قبل توقعته من " جرب الاذن " الموضوع عدوه وفطريات بالاذن وكان ينزل سائل
ماي اصفر وريحته قويه والقطط تنعزل ولا تاكل لكن كنت انظفه واحط لهم القطره و العصار الاذن وانظفه



القطط الي تستفرغ ولا تاكل " لازم تخلينهم بالعياده " ويعطونها مغذي وفي علاج انا استخدمه لقطي
الاخير والحمدالله بدا ياكل من ثالث يوم الدوا للترجيع ومضاد حيوي وطبعا الدكتور عطاه فاتح الشهيه و مضاد
حيوي وقال خلال 24 ساعه ماتحسن جيبه وتخليه بالعياده والحمدالله تحسن .. انا الصبح ان شاء الله
بعطيج اسم العلاج الي خذيته للترجيع والاحسن مافيه مفعوله قوي يعني مجرد اسبوع ومفعول الدوا
يتغير وماله فايده لكن نتيجته جداً حلوه ..


ونصيحه مني لج العدد الي عندج كبير وانتي مو قادره على التطعيم خففي من العدد كثر ماتقدرين
وحاولي تطعمين القطط السليمه فقط اما المريضه تتعالج .. وياليت اعرف شنو قالج الطبيب وشنو عطاج بالضبط
ماشاف الحراره لان الحراره مهمه

[Boni]

المشاركة الأصلية كتبت بواسطة k.q8

وعليكم السلام ،
الي صار لج صار مع قططي ماتوا 4 ولحقت على 2 وربي لك الحمد
اول شي قالي الدكتور " المكان ونظافته + عدم تزادحم القطط في نفس المكان + التطعيم السنوي "
هذا كلامه والي بالاذن قبل توقعته من " جرب الاذن " الموضوع عدوه وفطريات بالاذن وكان ينزل سائل
ماي اصفر وريحته قويه والقطط تنعزل ولا تاكل لكن كنت انظفه واحط لهم القطره و العصار الاذن وانظفه



القطط الي تستفرغ ولا تاكل " لازم تخلينهم بالعياده " ويعطونها مغذي وفي علاج انا استخدمه لقطي
الاخير والحمدالله بدا ياكل من ثالث يوم الدوا للترجيع ومضاد حيوي وطبعا الدكتور عطاه فاتح الشهيه و مضاد
حيوي وقال خلال 24 ساعه ماتحسن جيبه وتخليه بالعياده والحمدالله تحسن .. انا الصبح ان شاء الله
بعطيج اسم العلاج الي خذيته للترجيع والاحسن مافيه مفعوله قوي يعني مجرد اسبوع ومفعول الدوا
يتغير وماله فايده لكن نتيجته جداً حلوه ..


ونصيحه مني لج العدد الي عندج كبير وانتي مو قادره على التطعيم خففي من العدد كثر ماتقدرين
وحاولي تطعمين القطط السليمه فقط اما المريضه تتعالج .. وياليت اعرف شنو قالج الطبيب وشنو عطاج بالضبط
ماشاف الحراره لان الحراره مهمه

شكرا على ردج ماقصرتي

ااول واحد برونو قطي يوم وديته فحص دكتور قال مافيه شي وعطاه الره

وتكلم عن الاذن بس لكن برونو مات نفس اليوم


اما الكيتنز فحصتهم الدكتوره قال هذا فايروس وقالت اسمه طويل

ولاحظت اول اعراض المرض الاذن تبدا تطلع اوصاخ

بس الحمدالله اليوم في قط عمره شهرين كان يستفرغ ماستفرغ

عطيته مضاد حيوي بس ماياكل انا اكله غصب

وللحين سهرانه وياه عل وعسى ربي يشافه

وانا اشربهم جلكوز غصب فالبيت واعطيهم مضاد واكلهم غصب

[Boni]

حد يعرف كم مره اعطي القطط مضاد فاليوم انا اعطيهم مرتين

واعطيهم فلوستاك ابره اظن جي اسمه

واعطيهم فيتامينات سائله لونها وردي تنحط مع ماي

[Boni]

ممكن حد يجاوبني

القطط اللي عندي وقف عندهم الاسهال والاستفراغ
بس للاسف جاهم امساك ويعانون في الليتر بوكس

[بنت العين 88]

المشاركة الأصلية كتبت بواسطة Boni

ممكن حد يجاوبني

القطط اللي عندي وقف عندهم الاسهال والاستفراغ
بس للاسف جاهم امساك ويعانون في الليتر بوكس

بسم الله انا ياما ربيت قطاو ماصارت عندي هالحاله بس كم مره مرض كم قط ووديتهم البيطري وفعلا تعافن والحاله هاي مامرت عليا ابدا عكثر القطاو الي مرت عليا ماشاء الله الله يعينج بس في الغالب المضادات هي الحل وهي الي تسوي الامساك شربيهن ماي لاتنسين الله يعافيهن ويعينج


Sent from my iPhone using 2zoo.com