اشترك في نشرتنا البريدية ليصلك كل جديد

كاسكوكيه · 23-08-2009, 07:15 PM

السلام عليكم و الرحمه

أخباركم؟؟

حبيت أعرض لكم موقف مع ببغاواتي.. اتعرض له تقريبن يوميّا.. و هوه عباره.. عن اصواااات عااااااليه

بس أخر شي.. لازم يقولون كم كلمه اتطيّب خاطريه..

حبّيت اسأل.. كيف ممكن أعلمهم.. عشان يقللون هالصريخ.. أو مادري شو أسميه..

أخليكم مع الفيديو.. قولوا ما شاء الله.. و ما أوصّيكم ارفعوا الصوت

طير جديد · 23-08-2009, 08:07 PM

بالعكس هذا الطير ولا بلاش مشاء الله

كاسكوكيه · 23-08-2009, 09:00 PM

اقتباس:

المشاركة الأصلية كتبت بواسطة طير جديد

بالعكس هذا الطير ولا بلاش مشاء الله

اخوي طير جديد.. اعرف ان الصوت اخر كلام و هالشي حلو و ايجابي.. بس صدقني الصريخ يخليك تسوي...

فأنا اريد اعرف كيف أقدر اوجه طاقته هذي في الكلام... أو شي اخر غير الصريخ..

النادره · 24-08-2009, 01:04 AM

مرحبــــا كاسكوكيه ..
نفس حـــالة اللي عندي و أخف منه بعد .. بس بدون كـــــــــــلام

أسمع نادرا خرابيط .. ياليت أحصل كلمة وحده على هالازعاج

محب الكاسكو الرمادي · 24-08-2009, 02:05 AM

ماشالله طير حلو ومرح وباالعكس المفروض تفرحين لو الطيور الي عندي يسوون كده استانس

تحياتي

زينه ونحول · 24-08-2009, 04:39 AM

ماشالله تبارك الله ^____^

كيف شامبيه ؟! طلع له الريش ولا لسع ؟!

KING RSA · 24-08-2009, 05:13 AM

::

والله شيء غريييب !

الناس تتمنى ان طيورهم كل الوقت كذا

ماشاء الله ..

دعواتك لو يصير طيري كذا بس هههه

ابو محمــد · 24-08-2009, 08:31 AM

ماشاء الله تبارك الرحمن طير ممتع واعتقد اذا الطير ما عنده احد يبدأ يمرن القصبه الهوائيه ويعتبر هذا تدريب

ولكن لما يجيد الكلمه أو ينطقها الازعاج يروح,,

حسب خبرتي المتواضعه عاده الطير يصرخ اذا شاف مربيه بيتركه وبيخليه ,,,

أو اذا حس بخطر يبدأ يصرخ أو يجعر,

وفي نفس الوقت اذا حس بالاطمئنان يبدأ يظهر مواهبه.

وكل طير يختلف عن الاخر من ناحيه الجرئه وغيرها,وطيرك ماشاء الله هو المطلوب لصوته الواضح والعالي.

وبالتوفيق اختي كاسكوكيه.