ماذا عن وضع الفرخ في مكان باارد

[Reyad]

السلام عليكم

انا شريت كاسكو هولندي فرخ عمره 5 شهور تقريبا , هل ممكن احطه بالبيت معاي بالصاله , حيث ان درجة الحراره بالبيت تتراوح مابين 22 الى 24 درجه والتكييف سنترال يعني مافي هوا مباشر, البعض نصحني اغطيه بس بالليل وقت النوم في شرشف , وانا جتني فكره جهنميه , قلت ابي اروح عند محلات تنجيد كشنات السيارات وافصلي غطاء كامل للقفص من البلاستيك اللي يلبسونه كشن السيارة بس اخلي جهه وحده مفتوحه , ابي رايكم يا اهل الخبره ومشكورييييين...!

[سكون الليل]

ان شاء الله يفيدونك الشباب بالموضوع

بس اللي اعرفه ان درجة الحرارو المنخفضة ( الباردة ) تصيب الطائر بامراض و دايم ينصحون اننا نبعدة عن البرد
و الله اعلم

[stt95]

35-30 هي الدرج الأنسب للطيور والفروخ خاصة


والفكرة مشاء الله جميلة وذكية في نفس الوقت

[يعقوب افريقي]

السلام عليكم

كلام اخوي stt9 صحيح درجة 30 الى 35 هي الانسب للطائر

اما بالنسبة للغطاء الذي ذكرته فأنا حصلت نفس الفكرة عند واحد من الشباب الغطاء مقفل من جميع الجهات الا جهة واحدة مفتوحة وايضا الجهات الثلاث الباقية بعضها يكون شفاف

[Salman sas]

السلام عليكم أولاً
فكرة الغطاء ممتازة بس لازم يكون من قماش مو من بلاستك .
والطير الفرخ , المناعة ضعيفة عند الطير .
الطير بحاجة إلى مكان رطب ( تكييف صحراوي غير مباشر ) . التكييف المركزي جاف .

[Reyad]

المشاركة الأصلية كتبت بواسطة Salman sas

السلام عليكم أولاً
فكرة الغطاء ممتازة بس لازم يكون من قماش مو من بلاستك .
والطير الفرخ , المناعة ضعيفة عند الطير .
الطير بحاجة إلى مكان رطب ( تكييف صحراوي غير مباشر ) . التكييف المركزي جاف .

شكرا اخوي سلمان على المشاركه,, انا فكرت بغطاء قماش , بس اللي خلاني اقرر اني اسويه من بلاستيك اني راح اخلي الغطاء على طول ماراح اشيله , فالبلاستك يقدر الكاسكو يشوف جميع الجهات من خلاله بس القماش مايبين شي , اخاف يضيق خلقه ,,, شرايك ؟؟ّّّّ!!!