اشترك في نشرتنا البريدية ليصلك كل جديد

ALaWi xX · 02-04-2013, 05:48 PM

السلام عليكم

اخواني البارحه شريت فرخ بلبول عمر اسبوعين

حاليا اغره علف ( طعام البلابل العادي بس مع ماي )

واليوم غريته بريد ..

المهم ابغى اعرف وش اغره شي غير بحيث ينمو بشكل اسرع ويكون افضل مستوى بالمستقبل ؟

يصير اغره موز أو تمر ؟

وهل فيه اطعمة تحسن مستوى التغريد ؟

هذي نقطة

النقطة الثانية التدريب .. متى ابدأ بتدريبه ؟
مثلا اذا ناديته يجيني طيران .. او اذا سويت تغريدة معينة يرددها معي وهكذا

انا قلت اسمعه تغريد للبلابل من الحين .. هل هالطريقة تعتبر عمل تدريبي بالنسبة للتغريد ؟

اخيرا هل استطيع تدريبه على الخروج خارج المنزل دون الهرب ؟
يعني اقدر اطلع به برا الشارع ومايهرب

أي نصايح اضافية اكون شاكر لكم

حي ومانسيت · 02-04-2013, 11:25 PM

اقتباس:

المشاركة الأصلية كتبت بواسطة ALaWi xX

السلام عليكم

اخواني البارحه شريت فرخ بلبول عمر اسبوعين

حاليا اغره علف ( طعام البلابل العادي بس مع ماي )

واليوم غريته بريد ..

المهم ابغى اعرف وش اغره شي غير بحيث ينمو بشكل اسرع ويكون افضل مستوى بالمستقبل ؟
الخلطة حقتك حلوة خلك عليها و فيه خلطة بريد مع موز وجزر بس تتعب و تكفي يومين بس ب الثلاجة وانا طول ماربي فروخ بلابل اغرهم علف بلابل مع موية بس ماشربهم موية تشريب لانه يخنقهم
يصير اغره موز أو تمر ؟
ايه يصير بس التمر خله كور صغار ووكله يحبه البلبل
وهل فيه اطعمة تحسن مستوى التغريد ؟
لا مافيه
هذي نقطة

النقطة الثانية التدريب .. متى ابدأ بتدريبه ؟
مثلا اذا ناديته يجيني طيران .. او اذا سويت تغريدة معينة يرددها معي وهكذا
سجل التغريدة الي تبيه يحفظها وشغلها عنده مدة ساعتين او 3 باليوم والتدريب على انه يجيك خصص تصفيرة وقت ماتغره واذا كبر الطير مجرد مايسمع التصفيرة بيجيك طيران
انا قلت اسمعه تغريد للبلابل من الحين .. هل هالطريقة تعتبر عمل تدريبي بالنسبة للتغريد ؟

اخيرا هل استطيع تدريبه على الخروج خارج المنزل دون الهرب ؟
يعني اقدر اطلع به برا الشارع ومايهرب
ايه اذا كنت تطلعه وهو صغير
أي نصايح اضافية اكون شاكر لكم

النقطة الاولى لاتقربه من مكان بارد
النقطة الثانية لاتحاول تروشة او تخليه يتروش
النقطة الثالثة حافظ على نظافة المكان اللي حاطة فيه
النقطة الرابعة لاتملي حوصلته ب الاكل خل فيه مكان شوي عشان يمديه يهضم
النقطة الخامسة حاول انك تطلعه ب الشمس ب الصباح او ب العصر مفيد لعظامه وريشةومفيد عشان يذبح الحشرات اللي تكون داخل الريش

واي استفسار عن البلابل لاتتردد و انصحك تشغله نغمة نوكيا هذا الرابط حقها

http://www.youtube.com/watch?v=4wi2Or-QqxI

ALaWi xX · 04-04-2013, 12:42 AM

مشكور اخويي ماقصرت رحم الله والديك

راح ابشركم بكل جديد ان شاء الله

حي ومانسيت · 05-04-2013, 03:52 AM

ننتظر جديدك + ممكن تعلمني كم وصلت اسعار الفروخ