السلام عليكم ورحمة الله وبركاتة رمضان كريم

[✌️hussein✌️]

اسف على الغيبة شباب ودجاجاتي الثنين يبيضن الان ومرتاح بيهن الديج نفس المشكلة لكن أهون من قبل المهم شباب اريد اعرف هل الدجاجة تكرك وحدة ام اني اخلية تكرك وياريت شرح مفصل لمسالة الكرك والتكفيف! وشكرا



Sent from my iPhone using 2zoo.com mobile app

[Hammod227]

اخي لما هي تنتهي من انتاج البيض سوف تلاحظحها تكون هادئة ومعتزلة وكثيرا ما تجلس وبعدها عليك وضع البيض وهي تأتي عليه وتجلس وسوف تلاحظ عند اقترابك منها سوف تخرج صوت غريب وتنفش ريشها اتمنى اني افدتك واذا تريد ان تسأل سؤال فاخبرني .......


Sent from my iPad using 2zoo.com mobile app

[✌️hussein✌️]

حبيبي اني اشكرك لكن اكو شي هل تصدر الصوت بعد ان تكف ام قبل واني اريد طريقة قبل لا احط البيظ كيف اتاكد انو هيه كاركة وللعلم السودة صارلة اكثر من مرة تكطع بيظ اما البرتقالية الجديدة فهي اول وجبة لم تبيض من قبل


Sent from my iPhone using 2zoo.com mobile app

[Hammod227]

عفوا اخي .....
اني سويت طريقة اني واضع بيض اصطناعي في المكان الذي تبيض عليه الدجاجة في يوم من الايام رايت الدجاجة صاعدة فوق في المكان الذي تبيض فيه حتى تبيض فباضت ونزلت وفي نفس اليوم شفتها صعدت وكانت هادئة وجمعت البيض الاصطناعي تحتها بعدين خروج الصوت عندما تقترب منها وهي جالسة على البيض سوف تلاحظ صوت غريب سوف ارسله بفيديو
فجرب هذه الطريقة وضع بيض اصطناعي في المكان الذي تبيض فيه الدجاجة وعندما تجلس الدجاجة اخرج البيض الاصطناعي وضع بيضها العادي
اذا اردت اي سؤال اخي اسئل ارجوك لاتستحي لاني انا كنت اعاني بعد من عدم فهم بعض الناس
وااسئل عادي
Ok ???



Sent from my iPad using 2zoo.com mobile app

[Hammod227]

اخي حسين هذا هو الفيديو لاحظ انني عندما اقتربت من الدجاجة الحاضنة اخرجت صوت غريب :

اتمنى انني افدتك .....


Sent from my iPad using 2zoo.com mobile app

[✌️hussein✌️]

يا اخي والله انت على راسي اشكرك جداً جداً جداً وافدتني فهمت الطريقة بقة بس سؤال بسيط واتمنى ما ازعجتك باسئلتي كم وجبة باضت دجاجتك قبل لا تكففة


Sent from my iPhone using 2zoo.com mobile app

[✌️hussein✌️]

وبعد سؤال حبيبي اذا ماكو زحمة اني من احطلة البيض احطة هيه وتبيض يعني تكف عادي او لازم من توكف بيض وانته بالفيديو حاط الدجاجة بمكان مرتفع عن الارض قليلا هل هيه من رفع البيض ام انته ويجوز اغير مكان البيض بعد ماتكف علية وشكرا


Sent from my iPhone using 2zoo.com mobile app

[Hammod227]

عفوا اخي كلش احرجتني واني بخدمتك وبالعكس انته ما ازعجتني بل اني احب اجاوب على الاسئلة
سوالك الاول : باضت هو طبعا تختلف كم بيضة تبيض الدجاجة مثلا اني هسه عندي دجاجتين الاثنين لونهن اسود لما باضت اول وحدة باضت تقريبا من ٢٠ - ٣٠ ما اعرف شكد بالضبط والثانية ماشاء الله باضت من ٤٠-٥٠ ف اني استغربت لانه المتعارف عليه هو ١٥ - او ٢٠ او ممكن ٣٠ بس الحمدلله كله خير وبركة

سؤالك الثاني : انته لازم تحط البيض لمين تخلص الدجاجة تبيض البيض واني حطيت بيض اصطناعي علمود اسهل الطريقة تكون لاني اذا حطيت بيض طبيعي راح يفسد من الحر فاني حطيت اصطناعي علمود اذا اريد اعرف انه قعدت راح تقعد عليه لمين تخلص بيض فأ اكو شي لازم تعرفه :
مرات الدجاجة لما تبيض تروح تقعد على البيض الاصطناعي لانها مو رأسن تبيض تقعد وتلمه جواهه وهمه هيه راح تخرج صوت بس هذا مو معناه حضنت او قعدت على البيض ... انته شلون تعرف انها راح تجلس اذا انته شفتهه راحت للمكان الي بي بيض اصطناعي باضت بعدين راحت بعدين بنفس اليوم راحت قعدت مره ثانيه معناته قعدت او حضنت البيض ...
وعلى جواب الجزء الثاني من سؤالك اني دجاجتي كانن يبيضن بغير قفص بمكان كانن يصعدن فوق بعدين يبيضن في صندوق الي انته شايفهه بس لما شفتها حضنت البيض اخذت الصندوق وحطيت القش وحطيت البيض فوقه بعدين هيه سبحان الله لما شافتني اروح لبيضهه الزمه اجتني وصيحت ولما رحت اجتي قعدت على البيض سبحان الله وقعدت ورتبت البيض فميصير تحط البيض على القاع بعدين احتمال ينكسر ولما يفقسون الكتاكيت راح يمشون على القاع وهذا شي غلط لازم توفر لهم بيئة امنه فجيب صندوق نفس الي بالفيديو وحط القش علمود لمين تقعد الدجاجة يخف الضغط على البيض وعلى الدجاجة وانشاء الله يخرجون كتاكيت يبقون تحت حضن امهم ويدفون
اسف على الجواب الطويل بس احسن مو صح ؟ واذا اردت اي سؤال الله عليك اسئل زين ؟؟
اخي اردت ان اسئلك سؤال هل الدجاج مالك يبيض وكم بيضة جمعت وهل الديك يتزاوج مع الدجاج ؟؟
واتمنى اني افدتك


Sent from my iPad using 2zoo.com mobile app

[✌️hussein✌️]

حبيبي اشكرك جدا
اما من ناحية سؤالك الدجاج يبيض لكن السودة موكلش متابعة لان غريبة في قطع البيض على مزاجها مو على عدد الايام ودجاجاي البرتقالية تبيض ايضاً الان من ناحية البيض تركت هواي من البيض اني لان كالو اول وجبة للدجاجة تكون غير مكتملة وهاي الامور ف هسه اني جمعت كمية ورجعت حطيتة بالثلاجة السبب انو الى الان ولا وحدة من دجاجاتي كاركة وتضهر علامات تريد تكف اما من ناحية الديك الى الان لا افهم السبب يجي يريد يلقح الدجاجات تهرب منة وهوه ليس عاجز او قاصر يلزم راسهن هنه يشردن لان من الزمهن اله يجي ويلقحهن واتمنى عندك حل


Sent from my iPhone using 2zoo.com mobile app

[Hammod227]

انا احس انك احسن تغير الديك وتجيب ديك احمر وعمره لاصغير ولا كبير اما ديكك هناك انواع لاتحب التلقيح او لاتلقح كثيرا وديكك اظنه ديك مصلحة ؟ ( ديك ذبح ) صح لو لا ؟
جيب احمر يكون يلقح وبظل يمسك بالدجاجة لحد ماتقبل ...
هذا صورة الديك الاحمد والله اذبح هذا اذا تريد ( الديك الابيض ) وجيب بلدي احمر لانه معروف انه هوايه يحب يلقح




Sent from my iPad using 2zoo.com mobile app