قطه من الجيل العاشر ولدت امس...!

[Lonely Hunter]

في شي غريب صاير ببيتنا


ماجذب عليكم اذا قتلكم ان خلال 12 سنه اللي طافوا صارت عندنا 9 ولادات بحديقة بيتنا


و وحده بالسنترال....!!


كان وقتها خربان و القطوه لقتلها فتحه دشت منها وولدت داخل ...الموقع....بالصاله


الغريب مو جذي ... الغريب انهم كلهم .....سوود


نادر ماتيي ولا دات فيها الوان ثانيه ..بس همن لازم يكون منهم سود


من الجده العوده الكبيره اللي بدت السلسله الى الحين ... كل اللي يولدون عندنا سود


سلاله كامله من الينانوه اولدوا عندنا

و اخر وحده اليوم اكتشفتها ... والده بالحديقه اللي جدام و يايبه 2 لون برّي و 3 .... صح مثل ماتوقعتوا .. سود


و لا, مو بس جذي ,اذا تبي اتحاول اتكشهم .. يخزونك بنظرة احتقار بعدين يلفون ويهم

و يكملون تمشيهم بالحديقه , مايخافون



في احد صارلتها هالشغله ولا بس عندي ؟


اتوقعون ان القطوه اذا اولدت, العيال يرجعون حق نفس مكان الولاده على شان يولدون ؟!

[sisi_moon]

ههههههههههههههههههههههههههههههههههها

حلوووووووووة هذي

سلاله كامله من الينانوه اولدوا عندنا

هههههههها يلا عادي يبااا يتربوون بعزكم

ومادري شكل بيتكم فييه شي غريب يجذبهم ايش هواا مااااااااااادري

الحين القطوة العبده هذي اللي ولدت عندكم ولا من النت

مشاءالله شعرها يلق لـــــــــق >> يلمع يعني

[hmoode]

بسم الله الرحمن الرحيم


انصحك نصيحه اخوي لا تقربهم ترا الرسول متعوذ منهم

[sisi_moon]

لالا اخوي اذا لهم ظل مافيييها شي

اذا مالهم ظل

هههههههها هنا المشكله

[cute cat]

ترا السود حلوين مو ينانوه علي قولتك
بس سبحان الله
لولا اختلافها لضاقت

[La Fragola]

لا انا بخاف من القطط السود

[Lonely Hunter]

sisi_moon
و الله مادري شيحبون ببيتنا لدرجه ان الاجيال السابقه و اللاحقه ماترضى ان تتركه

الظاهر ان بيتنا بالنسبه لهم اهيا .....أرض الأجداد

اما الصوره اللي حاطها فلاقيها بالنت ....كنت قاعد انطر الام ترجع على شان اصورها بس تاخرت .... فمليت فنزلت الموضوع بهالصوره على ما اصور الام

و ارجعت الام قبل شوي و صورتها و يبتلكم الصور ... و على فكره .. اكتشفت ان واحد من العيال اللي لونهم بري اختفى.. يمكن الام كلته لاني عطيتها اكل و كانت تاكل بنهم شديد , كانت يوعانه حيل او يمكن كلته القطوه اللي لقيتها عندهم لم ييت بصور

على العموم هذه اهيا الصور

الام...العيال ورا الزرع اللي ورا النافوره


العيال ....ورا الزرع



كأنها تقول: كأنه عيالي مو عاجبينك




للحين عميان


القط الاخر اللذي تواجد في مكان الجريمه...أيضًا اسود


hamoode
اهمه قطاوه سود بس مو ينانوه صج ...اليني مايطلع الا بالليل
و هذولي قاعدين يتشمسون بعز الظهر


sisi_moon
لوووول
شهالمعلومه اليديده...عيل بشب عليهم ليت بالليل على شان أتاكد اذا كان لهم ظل ولا...... لأ (;;^^)


cute cat
اهمه حلوين ...بس
مره سمعتي عن يني تشكل على شكل قطو ..ابيض


La Fragola
عيل مانصحك اتقرب من بيتنا .... بتشوفها اتحوس تحت السيايير و عزكم الله الزباله

[hamtora]

لا القطط السود ماتناسب ذوقي وانا اخاف منها
احب كل الوان القطط الاخرى الى السوداء
بالطبع هي بتخيفني في الليل
بالمناسبه شكراعلى الصور والصغار كثير حلوين

[صمتي يحكي لك]

ياااااااااي مشالله مره يجنون
انا اعشق للون لاسود
وعندي ذكر لونه اسود بس المشكله كل عياله ماجو سود عليه
لووووووووووول حتي لارانب السود اموت فيها والهمسترات السود
مدري ليه الناس تخاف منهم الاسود ملك لالوان
حتي ودي بجاكور اسود

[Lonely Hunter]

hamtora
اهمه اكثر شي يخوفون لمه مايخافون منك بالليل ... اتحاولين اكشينهم و يخزونج و مايوخروون .. اهني صج يبدي القلب يرقع P:

صمتي يحكس لك
اي والله الاسود ملك الالوان بس حلو على القطوه الشيرازيه ,مو مالت شوارع شعرها منتف P:
و مو ضروري يطلعون اليهال على الاب مثل ماصار مع قطوك

و تسلمين على المرور