هل وضع الحمام في الجمعي يؤثر عالانتاج او يقلله؟

[هاوي درجة اولى]

السلام عليكم

طبعا في البداية كلنا نعرف فوايد المحاكر , ومن فوايدها انها تعطي الجوز الجو المناسب للتزاوج والتفريخ بدون مشاكل , كما انها البيئة المثالية للي عندهم اجواز يبون يفرخون منها بسرعة ( مثل اللي عنده ريديوس مثلا ويخليهم يبيضون وباستخدام الحضان يزيد الانتاج) , لان في المحكر الجوز ياخذ راحته

لكن انا لاحظت ان في القفص او الجمعي , بعض المرات لما الذكر يجي يبي يلقح النثية , اتلاقي حمامة خربت عليهم , وفي الغالب اتكون هالحمامة ذكر

يعني اتلاقي الذكر يبي يركب النثية ويجي واحد ويخرب عليهم لو كانوا في الجمعي

هل الجمعي يقلل من الانتاج؟؟؟؟
ولاحظوا اني ماقلت ان الجمعي يمنع الانتاج , ادري ان الحمام يبيض ويفرخ في الجمعي

لكن اعتقد ان الحمام لو كان في محكر راح يبيض ويفرخ اسرع واكثر

[قطرررررررررررري]

اكيد فالمحكر بيكون افضل

بس فالجمعي اذا كان عدد الحمام مناسب لعدد لعشوش ومناسب للحجم الكلي للقفص

بيكون في انتاج حلو ومنظم

[باسم توفيق]

مشكووور على الموضوع الرائع

[مهدي تاون]

وعليكم السلام


اي نعم انا بعد لاحظت هالشي ... عند التزاوج اتشوف حمامة ثانية اتجي على طول اتخرب عليهم ... سبحان الله حتى الحيوانات ما يرضون

وبخصوص الانتاجية .. شي اكيد المحاكر راح اتكون افضل لانهم راح ياخذون راحتهم اكثر بس انت اللي راح تتعب اكثر واكثر في التنظيف وتبديل الماي والاكل ... بس عندي ملاحظة بخصوص الانتاج الجماعي .. طبعا اقصد انك اتربي نوع واحد بقفص كبير .. اول شي لازم اتوالف بين الذكور والاناث بحيث ان يكون لكل ذكر انثى في القفص . وقبل لا تخليهم بالقفص الكبير .. انك تحكرهم في محكر عشان يتوالفون مع بعض وبعدين اتخليهم بالقفص الكبير .. اهني راح تضمن ان الذكر ما راح يروح لأنثى ثانية .. وبخصوص التزاوج تقدر اتسوي لهم رفوف في القفص .. بحيث يكون رف لكل زوج وبنفس الرف موفر لهم فخارة عشان يبيضون فيها .. اهني راح يقدر الذكر يتزاوج مع الانثى بدون اي تخريب عليهم .. وانا عن نفسي أفضل الجماعي .. بس المحاكر للحمام الي من النوع الزينة واللي صعب تكاثرة .. نفس الشمسي (( اذا كان لونه مميز )) او البوفوطة والبخاري .. اما الحمام العادي مثل الايراني والمدينة والشيرازي وربعهم كلهم تقدر اتخليهم بالجماعي

طبعا هذا مجرد رأي .. وانشوف باقي الاعضاء والخبراء شراح يقولون


بالتوفيق اخوي

[hawy 7amam]

انا عندي زوج حاتنه في القفص و أتنج و الحمام ما خرب عليهم

[أسير الحب]

اد كان القفص كبير و مو مشحون فيه حمام واجد راح ياخدون حريه في التزاوج
وخاصه ادا خليت لهم اعشوش فوق موعلى الارضية و اداكان القفص كبير
راح ايروحون ابعيد علشان محد يخرب عليهم
و انا استخدم المحاكر للحمام الزينة و الغلي

انشا الله فهمتون قصدي

[The Spider]

اعتقد انه افضل...

[The black knight]

انا لاحظت عندما حولتهم الي قفص كبير زاد الانتاج...........................