والله ما عرفت اتعيد مع العالم ):

[أبو اوس ~]

السلآم عليكمـ ,,,


كل عام وانتم بخير ,,


من يوم دخل العيد قطقوطي [ ميلكي ] ما عاد ياكل إلا الداري فود [ رويال كانون البسكويت ] ,, ويشرب موية ,, بس


جبتله كل أنواع الأكل اللي يحلم فيه كل قط بالعالم ,, خلال اليومين هذي من معلبات كبيرة وصغيره وأشكال وأنواع وجبتله جبن مثلثات وسويت له بيض وعطيته الصفار ,, بس ماش حدث ولا حرج ,,


يشمـ الأكل وماله نفس ,,


ولكن إذا عطيته الداري فود يآكل كم حبه ,, مع العلم إني جبتله ثلاث أنواع إثنين رويال كانون بـ 55
وواحد نوع فريسكس أو شيء مثل كذآ ,,


وما أدري وش السالفه ,,


أفيدوني //

[الخبيرة ناديا]

كم عمر القط؟

لان سبب فقد شهيه القط ترجع الى عده اسباب كثيره ..

منها طلبه للتزاوج او ارتفاع حرارته او اصابته بمرض او تعب نفسي!!

[أبو اوس ~]

عمره سنه وشهر ,,

[الخبيرة ناديا]

لو هو ذكر ..احتمال يريد تزاوج من انثى ..

غالبا كل الذكور تتعب نفسيتهم اذا لم يجدون اناث يتزاوجون منها .

لو هو انثى بيكون نفس الشي طالبه تزاوج وتريد ذكر تتزاوج منه.

الان راعي التغيير في الاكل وقلل من اعطائه الدراي فود حتى يتعود على الاكل العادي

واعطيه فيتامينات ..منها تدعم جسمه ومنها تفتح شهيته للاكل .

مع مراعات عدم حبسه مده طويله او ايذائه بالضرب او الصراخ .

والله يخليه لك

[أبو اوس ~]

لآ هو ذكر وبالنسبة للفيتامينات ,, وين القاها ووش إسمها وكيف طريقة إطعامها للقط ,,

وبالنسبة للحبس فهو يتجول على كيفه في مساحة 1500 متر ولله الحمد ,,
وهو أليف جدآ وما يعظ ولا يمخش وعلى طول يجلس عندك ,,

ولا يوجد صراخ ولا ضرب ولله الحمد ,,


فياليت توضحين لي اكثر عن الفيتامينات ,,


خصوصآ إني عندي شك ,, لآن أنا أعطيه وجبتين يوميآ ولكن أهلي يحطون له الوجبات في أوقات غير منتظمه مرة يعطونه الساعه 1 ومرة يقعد للمغرب يعني ما يربون قط هم يأكلونه ,,

أما أنا صاحب القط فأربيه فهل تكون المشكله ممكن من أوقات الوجبات ؟!

[دلوعةقطوتي]

وعليكم السلام ورحمه الله وبركاته
لاتخلي الاكل قدامه لو مااكل شيل الاكل ورجعه بعد ربع ساعه
جرب اخلط الاشياء اللي يحبها اوجرب معلبات ريحتها قويه شوي عشان تغريه بالاكل بس مو دايما تاكله معلبات بس عشان تجذبه
ونظم له وجبات الاكل ولو طالب تزاوج بتقل شهيته كثير
بالنسبه للفيتامينات هذا رابط بيفيدك
http://www.2zoo.com/vb/showthread.php?t=177675