شباب هل ببغائي دبل يلوهيد ؟ ماني عارف نوعه

[kh2kh]

السلام عليكم

انا من عشاق الافريقي لكن قلت اغير واجرب الامازوني

واخذت هذا ماشاءالله عليه المزعج هذا

لكن ماهو نوعه اخواني تراني غشيم جدا في الامازوني





هذي شهادة حقته

[همس الصمت]

مشاء الله تبارك الله
نعم دبل يلوهيد

[kh2kh]

تسلم اخوي همس الصمت 🌹🌹🌹

الحمدلله يعني ماغشوني

[ابوووفهد]

ماشاء الله تبارك الرحمن جميل
دبل يلوهيد

[kh2kh]

تسلم اخوي ابوفهد على مرورك الطيب 🌹🌹

الحمدلله ، يعني انام متطمن كذا الحمدلله 😊

لاني بصراحة اخذته غالي شوي 😓

[ابوووفهد]

تطمن وانا اخوك الله يبارك لك فيه بس لاتهمله اهتم فيه خصوصا بالكلام والتلقين الصحيح

[mooosa]

ماشاء الله تبارك الله الله يبارك لك فيها
دبل يلو هد والمعروف بلون المنقار

[Cockatoo]

هذا اورنج وينج مليان بالسوق ،،، امزح
هذا دبل هيد ما شاء الله تبارك الله و خير ما اخترت ،، دام دخلت في موضوع الامزونيات راح تفضلها على الافريقي اكثر مع الايام
لمعلوماتك الطير تبارك الرحمن نادر لأنه من عائلة التريسماريا في الدبل هيد
اهتم فيه و حافظ عليه ،، الله يبارك لك فيه يا رب

[7ammad]

ما شااء الله .. يتربى بعزك بإذن المولى ..
طلبتك .. قوول تم .. كيف قدرت تشتري ذا الببغاا .. يعني من وين ..
لاني صج صج ودي احصل ع امزوني بلوفرنتد او دبل يلوهيد والمشكلة ف محلاات الطيور عندناا ف الامارات مستحييل تلاقي اللي تبغيه ..
لوو سمحت .. بس ودي الطريقة او الشركة او رااعي الببغااء ..

[hassan-55]

المشاركة الأصلية كتبت بواسطة 7ammad

ما شااء الله .. يتربى بعزك بإذن المولى ..
طلبتك .. قوول تم .. كيف قدرت تشتري ذا الببغاا .. يعني من وين ..
لاني صج صج ودي احصل ع امزوني بلوفرنتد او دبل يلوهيد والمشكلة ف محلاات الطيور عندناا ف الامارات مستحييل تلاقي اللي تبغيه ..
لوو سمحت .. بس ودي الطريقة او الشركة او رااعي الببغااء ..

بأرسل لك رقم واحد عندنا بالرياض أتوقع تلقى طلبك عنده ان شاء الله
وللعلم الأسعار تقريباً حسب معرفتي بالسوق

البلوفرند / يبدأ سعره بحدود 3500 ريال تقريباً وعلى حسب مواصفاته

الدبل يلوهد / تقريباً من 7000 ريال تقريباً وأيضاً حسب مواصفاته