اشترك في نشرتنا البريدية ليصلك كل جديد

كتكوته · 11-04-2006, 07:38 PM

السلام عليكم .. شلونكم شخباركم .. انشالله تكونون زينين

المهم هذي أول مشاركه لي

.. وأول مشكله من مشاكلي مع لقطاوه وانشالله تفيدوني لانه امي متظايقه من لقطاوه بسبت مشكلتين وناويه تبيعهم والصراحه انا ما أقدر أستغي عنهم وخصوصا ان انا توني شاريه أول قطوه بحياتي عقب معانات وحنه وزنه ودموع تماسيح

.. الي صدمنه القطوه كانت حامل وولدت في بيتنه ويابت 4 قطاوه حلوين وكيووت حيل وعمرهم الحين شهر ونص وكانت أحلى صدمه بحياتي وانا احبهم حيييل وياله بالموت قنعت اهلي اني اشتري هذي القطوه الي يابت لي 4 كتاكيت

بس شسوي

_ المشكله الاولى : ريحت لتراب مال لقطاوه خايس على الرغم انه تراب مخصوص مال لقطاوه وانغيره يوميا
_ المشكله الثانيه : لقطاوه لصغار يسونها ( أكرمكم الله ) بأي مكان واهم عمرهم شهر ونص وتقدرون تقولون 40 يوم تقريبا

أتمنى ألاقي الحل عندكم وبأسرع وقت قبل لا تبيعهم امي وأخسرهم كلهم

Dan · 11-04-2006, 09:30 PM

اول شي مبروك ماجاك ويتربون بعزك وانشاءالله ماينباعون

ثانياً اهلاً فيك بالمنتدى وانشاءالله يكون اعجبك ونفيدك بأسألتك انا والاعضاء مايقصرون يعطيهم العافيه

ثالثاً والاهم

المشكله الاولى: شوف مهما ما سويت اكيد راح يكون فيه ريحه لكن فيه وسائل تقلل:
سبب عام :

*التراب لازم يكون خاص فيهم
*التغيير انا ماادري وش قصدك فيه اذا كنت تغير التراب نفسه كل يوم هذا بيكلف عليك مره :| اما اذا كنت قصدك تنظفف هذا شي اكيد وضروري
انا بصراحه اغير التراب كل اسبوعين بس انا اطلعه للشمس يوم ورا يوم بوقت الظهر اعرضه للشمس علشان ينشف ويرجع جديد

لكن اذا جلس اسبوعين يبدا يروح مفعول البودره الموجوده بالحصى
والتنظيف انا انظفه كل 12 ساعه
*ماشاءالله العدد كبير وهذا يخليني اتسأل كم حوض للتراب موجود وهل الكميه تكفي بأن القط يغطي فضلاته بالكامل مع زياده ؟
*موقع التراب انصح ان يكون في مكان تهويه للخارج " مثل الحمام وفتح المروحه على طول "

سبب سلوكي:
* هل اساساً القط يغطيه " وهذي يرجع للسلوك" لانه اذا غطاه كامل اكيد بتختفي الريحه

*سبب طبي:
*هل البراز طبيعي ام سهال ؟ اذا كان سهال هذا اكيد راح يكون ذو رائحه قويه ويجب معالجه قطتك من الاضطرابات المعويه

كل ماذكر يساعد على المشكله الاولى

*المشكله الثانيه :
اهل القطط الصغار يعرفون اكثر مني لذلك ماااقدر اعطيك الجواب الا كلمتين فقط

لكن اعرف ان الذي عنده قطط صغيره يكونون محجورين بمكان صغير جداً لكي يحصرون وجود الفضلات واذا وصل الى الشهرين او اكثر يبدا بالتعليم الحقيقي

اتمنى اني اكون افدتك ولو بشي يسير والاعضاء مو مقصرين معك انشاءالله

فطوم · 11-04-2006, 11:44 PM

هلوو اختي مبروك عليج القطاوه وبخصوص التراب انا استخدم تراب الاصفر اللي عليه صوره قطوه سوده نسيت اسمه جنه اسمه تومي على اسم القطو مالي

لاتشترين الصغير اشتري الكبير في حجمين ثاني شي مثل ماقال اخوي دان عرضيه للشمس واستخدميه الشبل اللي في فتحات ونظفي التراب كل يوم وبخصوص الاطفال اذا وصخو بمكان انا سمعت انج لازم تخلينهم يشمون ريحت وصخهم وبعدين تودينهم بالمكان المخصص لهم عالعموم انا مادري عن صحت هالمعلومه بس انتي كل ماشفتيهم وصخو طقيتهم طقه خفييييييفه يعني مو شي يعور بس عشان يحسون هالشي غلط وعلى طول شيليهم حطيهم بالتراب وخلي ترابهم دايم جدامهم وكل ساعه حطيهم فيه عشا يشمون ريحته وماعتقد انه القطاوه بهالعمر يهتمون اذا في احد غيرهم يستخدم ترابهم بعكس القطط الكبيره فاذا امهم كانت ترفض استخدام نفس الحمام الي عيالها يستخدمونه فلازم يكون عندها حمامها الخاص وكلامي عن تجاربي وتجارب رفيجاتي واكيد باجي الاعضاءراح يفيدونج بتجاربهم

كتكوته · 12-04-2006, 09:38 AM

مشكـــــــــــــــــــــــوورين اخواني دان وفطوم وايد وايد وايد لأنه الصراحه نصايحكم وايد فادتني وانشالله أطبقها اليوم

قطو_Q8te · 12-04-2006, 05:10 PM

[ كتكوته ]

المشكله الاولى : ريحت لتراب مال لقطاوه خايس على الرغم انه تراب مخصوص مال لقطاوه وانغيره يوميا

التراب لو انشالله كان طبي ويمتص الروائح بيطلع ريحه
انا انصحج بالتراب الكريستال
بس بسالج انتي من وين ؟ بالكويت ؟؟؟ اذا بالكويت امس اكتشفت محل يستورد من امريكا اغراض
ومن ضمنهم تراب الكريستال
نفس الي بهالصوره

هذا جدا" مفيد وجيد لدرجه يقوم بتحليل الروائح والقضاء عليها . بس اعتقد سعره غالي ماركزت على سعره
وبعد نشارة الخشب من اروع المواد الي تستخدم لقضاء حاجة القطه لانه يمتص الروائح
فانصحج بنشارة الخشب ان صعب عليج الكريستال
ونشارة الخشب موجوده بسوق الحمام بدينار ونص عطيه 1 دينار وامشي

_ المشكله الثانيه : لقطاوه لصغار يسونها ( أكرمكم الله ) بأي مكان واهم عمرهم شهر ونص وتقدرون تقولون 40 يوم تقريبا

اوكي .
ماشممتيهم قبل التراب ؟؟ اذا لا
فحاولي تشممينهم التراب وان مانفع وياهم شيلي " برازهم " وحطيه على التراب وخليه يشمون واكيد بيعرفون لانه توه صغار فسهل تدريبهمـ ...
واذا مانفع حاول تصرخين عليهم اكيد بيتأدبون

..
ان مارضو جربي نشارة الخشب وشوفي ؟!!!

و طبعا" شكر؟" Dan&فطوم

كتكوته · 13-04-2006, 12:28 AM

ثااااااانكس قطو كويتي D:
اي انا بنت ديرتك (( احم احم كويتيه )) اذا ممكن تقولي اسم المحل الي اكتشفته ووين صاير ! ماعليك أمر

.. وخووش اقترااح اني أصرخ عليهم لووووووووول p:
وانشالله ادز لكم صورهم عن قريب

قطو_Q8te · 13-04-2006, 12:32 AM

لوووووول ياهلا فيج :>
المحل صاير بالري اسمه هاردوير
وين الغانم الي بالري ؟ دشي يصير في محل اسمه هنوف ادشين عاليمين بعدين كملي سيدا وتلقين اسمه هاردوير
في وايد اشياء للقطط والكلاب والعصافير ...