فرخ دره عمره شهر يعض

[ابوو عبدالله]

السلام عليكم ورحمة الله وبركاته

اخواني الكرام انا شريت فرخ دره غر وصارله عندي اسبوعين

الحين عمره تقريباً شهر

اليوم اخذته العب معه ولاحظت انه يعض وهذا سؤالي اللي ابي اسأل عنه

لأني اول مره أمتلك فرخ دره غر وحاب اللي عنده خبره يفيدني

طبعاً العض خفيف ماهو العض المؤلم

اول كان بس يتذوق يدي واليوم يعض

والسؤال هنا هل العض طبيعي من الفرخ ويعتبر لعب منه والا كيف

وهل اخليه يعض براحته او احاول امنعه

لأني اخاف اخليه ياخذ راحته في العض ويصير يعض بأستمرار

ابي افادتي في الموضوع هذا

ومتى اقص اظافره وجناحه في أي عمر

ياليت تفيدوني يا شباب

[تغاريد كناري]

الببغاوات بشكل عام
في هذي المرحله مثل الطفل
كل شي يبي يتذوقه كذالك الببغاوات كل شي تبي تعضه
و اللي في طيرك طبيعي جدا جدا
سبق لي امتلكت ببغاء روز كان مشاكس جدا و كثير مايعض اذني و المشكله انه يحب يعضها و انا كنت اتعذب منه
بنسبه انك تمنعه او لا حقيقه ما اقدر اقولك اكيد انه راح يتعود يعض ايدك
لاكن اذا كبر الطير و انت ضايقته بحاجه او مثلا تبي تمسكه و هو غير راضي عن حركتك ممكن يعضك كتصرف طبيعي لأن تصرفك مش عاجبه لاكن نادرا مايعض عضه قويه جدا مثل الببغاء غير الاليف ممكن يسبب جرح عميق
لاكن الاليف لا مجرد وخزه

قص الاضافر يعتمد عليك اذا احسست انك متضايق من حدة اضافره تقدر تقصهم لاكن
أحـــذر
لان قص الاضافر يحتاج خبره لأن يوجد عرق دم في كل ضفر و اذا قصيته صعب يوقف
و انصحك تروح في هذه الحاله للبيطري
و اما الجناح اذا كنت عارف كيف تقصه عادي تقصه بنفسك
اي استفسار اخر تفضل

[ابوو عبدالله]

يعطيك العافيه اخوي تغاريد ما قصرت

طيب بالنسبه للحاضنه متى اطلعه منها يعني اخليه يستغني عنها

واقدر اخليه يوقف على مجثم في العمر ذا

كم الوقت الكافي اللي اخليه معي في اليوم

بعض الاحيان يجلس ينثر النشاره برجوله هل هذا دليل انه متضايق

[AVOCADO]

انت الوحيد الي تقدر تحدد انه يعض عشان يدافع عن نفسه
او يعض عشان يلعب او يتذوق
واذا كان عشان يدافع عن نفسه معناته في احد مخوف الطير او الطير ما يثق فيك
اما ان كان مجرد تسليه فهذه سهله بما انه صغير تقدر كل ما عض تقوله لا لا لا بصوت عالي وتوخره عنك تخليه بعيد
عشان يفهم ان العض غير مقبول
طبعا محتاج وقت عشان يفهم
-----
مسألة الاظافر والجناح
احذر تلمسهم بالوقت الحالي
بما انه لا يطير وواظافره غير حاده لا تلمسه
اذا حسيت ان اظافره فعلا بدأت توخز اليد بشكل كبير قص راس الاظفر بس
اما الجناح لا تقصه ابدا لانه راح تأذي الطير بهالعمر بما انه عمره صغير
اذا شفته بدا يطير بعيد ويأذي نفسه وده محل متخصص ببغاوات يقصه لك

[ابوو عبدالله]

يعطيك العافيه اخوي ما قصرت

اما الاظافر بهذلتني وانا اخوك يوم احطه على يدي

[تغاريد كناري]

هم الفروخ كذا ائا وقف على اليد تحس ان الوخزه توصل للعظم
لأنه يكون خايف يطيح مثلا فـ يتمسك بقوه و راح تلاحظ الفرق اذا كبر و تعلم يطير انك ماتتأذى مثل الحين
الله يعينك تتحمل او توديه لبيطري يقصهم او انت بنفسك

[ابوو عبدالله]

يعطيك العافيه تغاريد كناري

بس ما قلتلي في اي عمر اطلعه في قفص

واقدر الحين احطه على مجثم والا لا

وكم ساعه في اليوم العب معه

[تغاريد كناري]

شوف طريقتي اذا كنت انت حاطه حاليا في صندوق خشبي مثلا
تضع نفس الصندوق في قفص بحيث الطير بنفسه اذا حب يترك الصندوق بيطلع منه و يبقى في القفص
و ركب في القفص عصا و هو الوحده راح يستكشف القفص و راح تلاقيه مع الوقت تعود عليها
بنسبه للوقت اللي تطلعه
الفرخ يحتاج اهتمام طبعا
بحيث انك كل يوم لازم تطلعه بس اهم شي تنتبه له خليه عليك او جنبك راح تلاحظه يستكشف المكان يلي حوله
و كل ماشفت نفسك فاضي طلعه
بس في مشكله ان لو تعود كثيييير ع الطلعه راح تلاحظ لو كبر شوي انك مجرد تعدي ع القفص تلاقيه يقفز من مكان لمكان يبي يطلع
بالتالي حاول انك ماتعوده كثير مره بحيث ان اغلب وقته خارج القفص خليك معتدل