اشترك في نشرتنا البريدية ليصلك كل جديد

شراسه · 27-01-2015, 02:16 PM

السلام عليكم ورحمة الله وبركاته
اولا : الحجم يصل طوله الى 65 سم وهو ضخم نسبياً لباقى الكلاب

ثانيا : اللون يكون لونه فى الغالب بنى فى اسود وهناك الاسود كله وهناك الابيض

ثالثا : مميزاته عن باقى الكلاب
اقوى
اوفى
اذكى
اشجع
اطيب او اشرس حسب تدريبه
تدريبه سهل جدا سواء طاعة او شراسة لشدة ذكائه
وهو ايضا من اضخم الكلاب
اجمل من كثير من الكلاب

رابعا : الفرق بين الكلب الاصلى (البيور) واللى مش اصلى الكلب الاصلى يملك عدة ملامح
1- اللون فى جسمه يميل الى النحاسى او الاحمر كلما اغمق اللون كلما تاكدت انه بيور (وهناك اللون الابيض حيث يكون لون الكلب كاملا ابيض)

2- الكسحة الكل منا سمع عن هذه الكلمة البعض لا يعرف معناها ومعناها هو ميل الظهر اى كلما مال الظهر الى اسفل وارتفعت الراس الى اعلى كلما زادت الكسحة كلما كان الكلب افضل بكثير

3- الذيل يشترط ان يكون مستقيما 100% مش ملولو ومبروم لانه لو ملفوف يبقى الكلب دة مش اصلى نهائيا ولو تلاحظوا كل الكلاب البلدى ديلها تلاقيه ملفوف مش مستقيم وهناك علاقة بين الذيل والكسحة كلما زادت الكسحة كلما كان الذيل على الارض واذا لمس ديل الكلب الارض اذا الكلب جيد اما اذا مال الذيل على الارض اى جزء كبير من الذيل على الارض اذن الكلب ممتاز

4- الاصابع طبعا لازم يكون الكلب متخنصر يعنى يديه الاماميان بهما 10 اصابع الواحدة خمس اصابع اذا كان الكلب يملك اربع اصابع فقط اى 8 اصابع فى اليدان الاماميان ليس اصليا الكلاب البلدى غير مخنصرة اى انها لا تملك سوى 8 اصابع فى اليدان الاماميان

5- هذه الاعلامة لايعرفها الكثير وهى النجمة فى الكلب الجيرمن شيبرد الاصلى يظهر شعر ابيض فى صدره على شكل نجمة ثلاث ريش

6- الوجة
اولا البوذ يكون اسود ومافيش شعر ابيض خالص فى الوجة عامة
ثانيا الفم سقف فمه يكون اسود وتكون اسنانه ليست خارجة عن الفم والجلد الذى حول الاسنان من الخارج يكون اسود
ثالثا الاذن اهم حاجة تكون منتصبة تماما
الفرق بين العصب المكسور والعصب الضعيف اللى مش مكسور
العصب بتاع الاذن لو مكسور يبقى مافيش امل ان الاذن تكون منتصبة غير بعمليات وادوية وحاجات كتير وعشان تعرف ان العصب مكسور ولا لأ لو مكسور هاتلاقى جوة الاذن حتة بيضة كدة زى مثلا لو معاك غصن شجرة ها تلاقية نازل على رفيع لو كسرته ها تلاقيه طخين ولو لفيت حتة قماشة حولية ها تعرف تفرق بينه وبين الغصن السليم العصب بتاع الاذن كدة ها تبص على الاذن من جوه ها تلاقيها فيها عصب ابيض طخين ونازل على رفيع لحد طرف الاذن دة السليم لو مكسور ها تلاقي عصب طخين ماشى ماشى ماشى وهب ها تلاقى مافيش ولا رفيع ولا حاجة يبقى دة عصب مكسور
هناك بعض الكلاب لا تنتصب اذنها حتى سن خمسة شهور او اربع شهور دة شئ عادى
والكلاب عامة لا تنتصب اذنها لمدة طويلة قبل سن 6 شهور

الفرق بين الذكر والانثى
الذكر اضخم بإنشين من الأنثى اى انك لن تلاحظ الفرق
ولكن غالبا الذكر اعلى فى الارتفاع واقصر فى الطول والانثى العكس
مع العلم ان الانثى اذكى من الذكر واشرس من الدكر بكثير نظرا الى ان خلقها الله بفطرة الشراسة اكبر من الدكر لكى تتمكن من الدفاع عن نفسها وعن اولادها