مشكلتي مع كلبي لاكي

[حيواناتي7]

السلام عليكم
مشكلتي مع كلبي لاكي
انو ربيتو من هو صغير وعلمتو على بعض التمرينات لكن جاء اليوم اني سافرت فيه عادي ماصار فيه شيء
وخليته لاخوي لكن اخوي مايقدر يسويله شيء الا انو يعطيله الاكل
بس قالي اخوي انو صار فيه عادة سيئة انو لما يعطيله الاكل يزمجر ويطلع اسنانه لين مايروح اخوي
قلتله لما يزمجر شيل منو الاكل تقريبا ربع ساعة وبعدين رجعه واذا سوالك شيل ---- الخ لكن اخوي ماستمر لانه صار يخوف
والله اني حزنت على الخبرلاني ماتخيله يصير كذا
ايش الحل وهل راح يرجع زي اول الييييييييييف ؟؟؟

[خبير كلاب2]

على ما اضن ان الكلب لا يشعر بالامان عندما يأكل فلذلك يزمجر إلى ان يذهب الشخص الموجود
و على حسب خبرتي المتواضعة اذا رأك سيشعر بالامان و الله اعلم

[mr>محب الارانب]

شي طبيعي لان الشخص غريب امكن انت مدربية ع الشراسة او شي لاكن اتوقع اذا رجعت راح يعرفك ويرجع طبيعي

[Octopus]

طيب حاليا كم عمره لاكي يا اختي

[الهولي]

ماشاءالله على الشباب
وعلى المحولات في مساعدتك احيهم من قلبي
صحيح كلامكم
وممكن ان تشيل منة صحن الاكل وقت الزمجرة
مدة عشر دقائق مع كلمة NOO
بصوة عالي
وبعدها تعطية الصحن واذا لم يزمجر شجع الكلب
وملاحظة اكثر الكلاب لاتحب احد يشاركها في الاكل
وهو ينظر إليك بأنك سوفة تشارك في الاكل
وانت تستغرب من حركات كلبك انو خاين والعكس صحيح
انشاءالله وصلت الفكرة
مع السلامة

[Abo_fahed]

كلام الهولي نجمنا سليم ميه بالمية


والمهم



لا يجب أن يتعود الكلب على هذا الموضوع

خصوصاً انه سيصعب عليكم أمور كثيرة

وخصوصاً انه راح يتملك أغراض أكثر وممكن يتمادى

[jassim99]

كلبك فيه فود دومنت نفس ماتفضل بوعلي وبوفهد

و مايرضا احد يقرب على اكله خصوصا الي مايثق فيهم

وهذا يرجه لترتيب الكلب بالبيت... المفروض ان يكون ترتيبه الاخير... ولكن على ما اعتقد ان ترتيبه الثاني بعدك

لكن اذا اخوك صغير ماراح يقدر يدخل مع الكلب بتحدي وخصوصا انك مو موجوده

الكلب ماهو شرس عشان يرجع اليف

اهو مجرد يحمي طبق الاكل حقه

[حيواناتي7]

خبير كلاب2
شكرا لك اخوي

mr>محب الارانب
شاكرة لك مرور بس اخوي مو غريب عليه لانه متربي معنا من هو صغير

Octopus
بارك الله فيك
حاليا عمره تقريبا 9 او 10 شهور

الهولي
جزاك الله اخوي على اقتراحك وان شاء الله اقول لاخوي ويرجع زي اول

Abo_fahed
ان شاء الله اخليه يجرب فكرة الاخ الهولي وتنجح وشكرا لك على اهتمامك

jassim99
شكرا لك اخوي بس مافهمت ايش يعني الترتيب ؟؟
وان شاء الله اعلم اخوي لانه ماله خبرة بالحيوانات ابدا

[jassim99]

المشاركة الأصلية كتبت بواسطة حيواناتي7

jassim99
شكرا لك اخوي بس مافهمت ايش يعني الترتيب ؟؟
وان شاء الله اعلم اخوي لانه ماله خبرة بالحيوانات ابدا

الكلاب حيوانات تعيش في مجموعات

احنا اذا ربينا الكلب في البيت يصبحون افراد البيت ضمن المجموعه الي يعيش فيها الكلب

*** هناك كلاب تعتقد انها رقم 1 بالترتيب (القائد) و هذا مصيبه وهو ممكن انه يعطي كوركشن بالطريقه السيكولوجيه لصاحبه وتلاقينه يجر صاحبه حتى اثناء النزهه و يمشي قدامه و احيانا ممكن ينبح عليه

*** اما اذا كان الكلب رقم 2 بالترتيب نفس كلبك الي قاعد يعطي اخوك شوركشن و يقوله هذا الاكل حقي وانا اسيطر عليه... لا تقرب

لان رقم 2 يحترم رقم 1 فقط ولا يعطي اهتمام لباقي اعظاء المجموعه

*** و رقم 3 يحترم رقم 2 و رقم 1 فقط

*** ورقم 4 يحترم 3 و 2 و 1.......... وهكذا على عدد اعظاء المجموعه (البيت)

الكلاب لازم تحترم جميع افراد البيت وتكون الاخيره بالترتيب عشان ماتحاول تسيطر على شي

سواء كان الشي لعبه او اكل او حتى انتي

اتمنى تكون وصلت الفكره

[حيواناتي7]

jassim99
جزاك الله الف خير
بس معليش ممكن الطريقة الي اخلي الكلب في الرتبة الاخيرة
ومعليش على كثرة الاسئلة