◕‿◕(-ماتت توتو )-)◕‿◕

[ريماس صلاله]

راح ابدأ بأول تجربه لي مع الهامستر

قلت لازم أشتري لي هامستر و ما كنت اعرف عنه اي شيء

ودورت عليه في كل مكان بدون فايدة ومره رحت دبي وكنت قبل سمعت انه في سوق بالشارقه يبيع حيوانات ورحت وشفت الهامستر اه بس شفتهم ويا ليتني ما شفتهم
صرت مثل المجنونه<<بعيد الشر
وأشتريته اخذت ذكر واثنى واخذت لهم قفص
ونشارة خشب واكلهم الخاص ماخليت عليهم قاصر

ورجعت وانا بموت من الفرح<<ع بالي ملكت العالم

عدلت لهم القفص وحطيت لهم الاكل والنشارة

وخليتهم عندي على السرير وكل دقيقه اطل عليهم
بعد مرور اسبوع تقريبا اشوفهم يتضاربو استغربت عملت بحث حد يقول انهم مو من نفس الفصيله
مع اني ماخذه الروسي

وبعدها اخذتهم لمحل يشوفهم
طلعوا اناث خخخ ولكذا يتضاربوا
وفرقتهم واشتريت قفص ثاني
اهديت الهامستر لاختي
وانا احتفظت ب توتو حبيبه قلبي

مرت الايام والشهور وانا كل مره اتعلق فيها اكثر
صارت تاكل معاي في نفس الصحن واشربها واحضنها


ماكنت احبسها ف القفص كثير

هذي بطاقتها الشخصيه مع الصورة

الاسم:توتو
العمـر: سنه ونص
النـوع: روسـي
الجنس:انثى
الـلـون:رصاصي و فيها خط اسود في ظهرها
الصفات:مشاغبه. ما تخاف مني .سريعه. ذكيه .حبوبه





وتعلقت فيها اكثر واكثر واكثر
كانت تعشق الاكل
وتحب اللعب كثير
اشتريت لها الكرة

واشتريت لها بسكويت وكرون فليكس
كانت تحبهم موت<<فديتها
وتعشق الاندومي



كل اللي خاطرها فيه اشتريه

لاحظت عليه قبل 3ايام شىء مو طبيعي احسها ما تلعب مثل قبل ولا تاكل ولا تشرب استغربت اقول يمكن متملله طلعتها فوق السطح تغير جو
اشوفها تمشي شوي وتطيح قلت اكيد مريضه والقهر والمصيبه والمشكله ماعندنا بيطري ف المنطقه
شو الحل وشو اسوي
وانا ما افهم ف مرضهم ولا اعرف شو اعطيها
بكيت على تعبها وما صرت اكل مثل قبل مع اني مرهقه من الصوم بس علشانها يهون
عملت بحث في النت وعرفت مرضها

اه
اه
اه
عندها

امساك حااااااد

لا تستغربون ايوه امساك وماعرفت اتصرف
علاجها بالسوائل
عطيتها بس هي مارضت تشرب حاولت مره ومرتين و10 و100مره بس بدون فايده
كل ساعه احسها تضعف عن قبل وانا اتفرج مو عارفه اتصرف وين اوديها
نيمتها عندي على السرير وحاولت اسقيها الماء بالابرة بس بدون فايدة
فجأة تسكروا عيونها وما تفتحهم جبت لها الماء الدافيء واحطها على عيونها بس ما رضت
عدى اول يوم وثاني يوم وانا احاول وابكي بس بدون فايدة
وجاء اليوم بتاريخ8\8\2011
حسيتها تعبت اكثر من قبل وصارت تتنفس بطريقه غير عن الاول
واحس ان التنفس ينقص ثم ينقص ثم يختفى اه اه اه
اختفى ايوه اختفى وعرفت انها روحها طلعت
وهذا كان من الساعه 9بالليل الى الساعه5ونص الفجر وهي بتنازع الموت
وهي الحين بجنبي ميته وابكي
ولا هاين علي ارميها ولا ادفنها قلبي بيتقطع عليها
هذي صورتها وقت ماكانت بتموت




قطعت قلبي

[مـحـمـاس الـمـنـحـاس]

ربي يعوضك بأحسن منها ان شاء الله

[ملكة طيور]

كيف تعطينها اندومي ..
انا كنت اعطي همستري بطاطس واندزمي وبعد اسسبوع مات
الهمستر ياكل الخضار والفواكه والحبوب الي تجي معه غيره مافي وممكن تعطينها بسكوت البسكوت متعه للهمستر والله يعوضك باحسن منها يارب
وانتبهي واقرئي مواضيع عن الهمستر لان قوارض حسااااسه جدا
تقبلي مروري ^^

[محبه الحيوانات]

الله يعوضك

[Coupooo]

ربنا يعوضك ان شاء الله

[marshmallow]

يـآقلبي عليهآ ..

فعلاً صورتهآ تقطع آلقلب ..

وآلحمدلله عآشت معك كـل هآلفتره ..

لـآن آلروسي نآدر مآ يعيش آكثر من سنه ..

وهآمسسترك وصلت لـ سن آلشيخوخة وآنتهى عمرهآ ..

وآلمفروض مآ تقدمي لهآ آلبسكويت وآلـآندومي .. آكتفي بآلخضآر وآلفوآكه بَ كميآت بسيطة لِ تجنب آلـآمسسآك ..

وآعتمدي على آلحبوب آلمششكله آلخـآصه بآلهآمسستر و آلرز آلمسلوق ..

ع آلعموم آلله يعوضك آن ششآء آلله ..

وآلـآفضل تشتري هآمسستر جديد ..

عششآن يكون قريب منك مثل هآمسسترتك آلسآبقه ..

[artos]

حبيبتي ناس تجسسي وناس تروح أنا ليم سحر. رائحه البيطري فرضيتي قلبي لانها خشيتها تقول وحشيتها تقول مع السلام لاتنشيني

[مشاعل الرياض]

ياعمري وربي حسيت فيك موقفك مع هامسترك عشته افضع منه مع ارنوبي الله يعوضك

[مجنونة البسس]

ياقلبي عليها ذكرتيني بسبتي صغيرة كانت مريضة نفس السالفة حرام عليكي خليتيني ابكي
وه ياقلبي نفس المنظر يل يفي بستي يالبااااااااه الله يعوضنا للاحسن

[بــيــدوؤو]

يااااااا ربي بجيت ويااااج
اخاف ومليووون مرة اخاف من اليوم اللي بتموت فيه همتاروووو عله عمرها طويل انشالله
ودي تعيش معاي الى الابد اهيا ونانو

ربي يعوضك حبيبتي بس نصيحه روحي ادفنيها احسن لج ولقلبج خو ما صارت
الله يعينج ويعوضج

تقبلي مروري