سلحفاتي ماتاكل وش السبب بلييز ابغى ردودكم..

[كويا]

السلام عليكم ..
انا اشتريت سلحوف قبل اربعة ايام بس ماكلت شي من شريتها واذا عطيتها شي دفته بيدها
وانا خايفه عليها مررره لانها مررره صغيره..
والشيء الثاني ان صدفتها مره لينه من تحت وانا اخاف عليها مرره وش انسب مكان احطها فيه هل اخليها داخل الماي طول الوقت مع انه قالي اخليها داخل الماي 4 ساعات وبرا الماي 4ساعات وانا احس انه مايدري وين الله حاطه ولايعرف شي عنها لأني كانت عندي سلحفاة قبلها وسويتلها نفس الشيء وماتت..وما ابي يصير نفس الشيء مع هاذي ..
ادري اني طولت عليكم بس انتو افهم مني وانا ابغى خبراتكم وياليت تساعدوني ..
وشكراً..
اختكم::كويــــــــــا..

[hellboy]

اختي كويا افهم من كلامك ان سلحفاتك برمائية
طيب..هي من اي نو عاديه (حقت المستنقعات)؟
او نهريه مثل ( ذات الاذن الحمراء)؟
وهي صغيرة او كبيره؟

[مشاعر طفله]

هلااااا كوياااااااااا
اممم مادري يمكن السلحوف خايف منج
لان اول ما اشتريت السلحفاتين اللي عندي
ما كانو ياكلون و بعد اسبوع قامو ياكلون عادي و يلعبون في الحوض
و انا بعد لاحظت ان صدفه السلحفاتين اللي عندي لينه مع اني اطلعهم
من الحوض و العب وياهم و بعدين اردهم في الحوض

[كويا]

مشكورين على مروركم..
اخويhellboy سلحفاتي حقت المستنقعات وهي صغيره..


((((بس للاسف مفروض انكم تعزوني))
انا خليت كل المواقع حقت الحيوانات وجيت المنتدى حقكم لاني توقعت انكم تردون علي بسرعه..
لكني لمن رديت من المدرسه لقيتها طافحه على الماء >>+_+

بس على العموم الله يرحمها ويرحم ارنوبي..
والحين مابقى من حيواناتي غير (((صقري>>عربجيه حق مقناص..وسمك بأنواعه..وسلحوف بحري..وحمام منوع))..
وشكراً..