الدرة المطوقة

[العلوان]

بسم الله الرحمن الرحيم
السلام عليكم ورحمة الله
اخواني عندي سؤال عن الدرة المطوقة
الدرة المطوقة اذا ماكانت اليفة يعني مثلا اشتريت ببغاء درة عمره كبير اكثر من سنة هل راح يصفر ويقلد الاصوات مثل الكروان لان الكروان حتى لو ماكان اليف وعمره كبير يقلد الاصوات لكن الدرة مادري فحبيت اسألكم لاني بصراحة اتملل من الصغار وتعليمهم
وشكرا

[*هاوي البادجي*]

انت غلط تفكيرك للحيوانات تقول امل ما يسير لازم تدربه على التصفيرات يمكن يقعد شهر على ما يتعلم الكلام والتصفيرات انت تمل اجل لا تشتري لأنك ماراح تتحمله لازم وقت يعني مو كل شي بيوم


تحياتي لك

[العلوان]

هههههه لاحبيبي انت مافهمت قصدي
انا امل من الطيور الصغيرة لان صار لي كم مرة اشتري فروخ درة ويموتون فقلت اخذ لي واحد كبير وبارز حق ان شاء الله مايموت بسرعة ومستعد اقعد وياه حتى لو سنة لين ما يتعلم يصفر لكن مابي اخذ صغير ويموت لان الصغار اكثرهم يكونون مرضى بسبب نقلهم من بلد الى بلد

[*هاوي البادجي*]

اها انا آسف اني فهمتك غلط

لا عادي اشتر واحد عمره سنه ونص او سنتين وانشاء الله بيكون زين معاك


لكن لازم يتعود على البيت يعني مو على طول يبي وقت شوي

[العلوان]

مشكوووور اخوزي هاوي البادجي ع الرد والتوضيح

[حماني العوفي]

اخوي علا حسب علمي انه الدره مو متكلم خطير وصعب انه يتكلم اذا كان كبير افضل لو تاخد صغيره لنه لو كبير صعب يتروض لنه الدره طير عنيد او صعب يتكلم

[ابو ميلان]

>> خوفتني عندي فرخ دره له شهر عندي وانت تقوول يموتون الفروخ بسرعه

[العلوان]

اخوي حماني
انا مو مهم عندي ان يتكلم اهم شي انه يصفر ويقلد الاصوات نفس الكوكتيل لان نفس ماقلت الكوكتيل حتى لو كان كبير بعد يصفر ويقلد الاصوات وانا عندي واحد بس حبيت اسال عن الدرة هل انها نفس الشي ولا اذا خذيتها بتضل ساكتة ؟
وشكرا ع الرد

[العلوان]

ابو ميلان
هههههههههه لا ان شاء الله مايموت عندك بسرعة بعدين ماتدري يمكن انا حظي مو زين هههههههههه