قطي الذكر شرس لماذا (صور)

[Bo IGOR]

السلام عليكم
عندي مشكله واتمنا اني اسمع رايكم
عندي قط ذكر عمره سنتين و صارلا عندي سنه , هو قط مسالم جدا ودلوع و عمره ما عصب او شمخ بشر, ولكن المشكله مع القطط, يكره جميع القطط الإناث والذكور , حاولت اخليه مع اكثر من 4 اناث وكان يظربهم بقوه لدرجة انهم يفقدون فروتهم , واليوم يبت انثى في البيت فجن جنونه, وحتى لو أخذته الى بيت الانثى فيتصرف نفس التصرف.
الرجاء المساعده وإذا في اي احد عنده إقتراح لعلاج المشكله
وشكرا
هذا هو القط

[f2me]

انت تقول صار له سنة معاك اعتقد والله العالم هذا طبيعي الي يسويه مع القطط لان الذكور مثل ماهو معروف عنها تحب السيطرة ويعتبر البيت والي فيه ملك خاص له واي قطو او قطوة يدخل البيت يعتبر دخيل عليه .

اذا جبت له انثى لا تدخلها عليه على طول وتصك عليهم
لا خلها على مراحل لين يتعود في البداية دخلها عليه وخلك قريب مهنم وخلهم يتطاقون شوي ثم اسحبها من عنده وبعدها بكم من ساعة كرر الحركة ورجعها له مرة ثانية وبعد كم من يوم وتكرار الحركة السابقة بتلقاهم سمن على عسل

والله أعلم ومنهم اخبر مني يمكن يفيدونك اكثر

[نوني]

اول شي ماشاءالله تبارك الله قطوك قمه في الجمال حافظ عليه


وبعدين اللي ذكرته شي طبيعي جداا لان المكان يعتبرها بيئته ومايحب يكون له منافس لان راعي المكان هذا فكذا راح يتهاوشون اسبوع بالكثير انت جيب الانثى عنده وهي داخل الصندوق

وخله يشمها ويشوفهاا وراح يتهاوشون حتى وهي جواا الصندوق بس عادي خلهم

وبعدين خل الانثى بمكان والذكر بمكان وكرر الحركه وبعدها اجمعهم جميع بدون حاجز بس ضروري تكون عندهم

[Bo IGOR]

مشكورين إخواني نوني او f2me
انا جربت من قبل او خليت النثيه اكثر من اسبوعين معاه بس ماكو فايد , كان إطقه حيل لدرجة انه ما تتحرك من مكانها , صارت ما تاكل او اتوصخ تحته من الخوف.
او هم جربت وديت الذكر بيت النثيه او هم سو نفس الشي
انا مستغرب من تصرفه
يعطيكم العافيه

[DANA AL SAYDALI]

اول شيء الله يخليك ياه بيجنن ثاني شيء انت بتقول ان بيكره القطط ممكن لان من هو وصغير مو متعود على القطط لهيك ما بيتجاوب معهم ثاني شي ، شي طبيعي يكره الدخيل الجديد على البيت لكن انت بدورك لا تغصبهم على ان يقتربو من بعض وبالتالي افصل اكلهم ورملهم خلي كل واحد لحاله ممكن اذا التقو يتقاتلو
انت لا تعصب على قطك ممكن يزيد لكن ضع ايدك بينهم فهم لحالهم بيتوقفو وحاول انك ما تعطي اهمية انت ويلي معك في البيت للقط الجديد خلي كل اهتمامك بقطك ممكن يغار ان شاء الله كون افدتك بشيء

[سعودية]

كما قالوا الاعضاء

هذا عادي عند كل القطط

ولكن يوجد قفص يكون كله من شبك حديد

وارضيته خشبيه

حط الانثى فيه

والذكر بالخارج

وحطهم قريبين من بعض

خله يصارخ عليها ويضارب

ماعندك مشكله الانثى في مكان امين

الى ان يتعودون على بعض

هذي هي الطريقة التي استخدمها مع قططي والقطط الدخيله عليهم

وثاني شي

قطوك مره جميل

الفارسي البيور

الله يخليه لك

[Bo IGOR]

شكرا يا اخواتي السعوديه ودانه
وانشالله انا راح اجرب نصيحتكم وانشالله اتفيد
واذا ماكو فايده انا ناوي اسويله عمليه عشان ما ينجب , علشا ن الريحه او عشان اصير هادي,
ولا شرليكم؟

[pink cat]

اعتقد ان يكره القطط الاخرى وهذا شي طبيعي عند كل القطط وممكن يكون خايف انو القطط الاخرى تاخد صاحبهاو انت احبس القطط الاخرى بمكان اخر وشوي شوي طلع احد القطط وصدقني
انا قططي كانو دائما يتهاوشو بس الان ما يقدروا يبعدوا عن بعضهم
اتمنى اكون افدتك