ارجو افادتي....الله يوفقكم

[alfarook]

السلام عليكم ورحمة الله وبركاته
كيفكم شباب...الله يعطيكم العافية...بجد لفت انتباهي منتداكم الرائع والممتع وهذا ما شجعني لك اسجل واكون عضو في هذا المنتدى الجميل.

عندي مشكلة بالكنارات وهي : لح قول قصتي وياريت ما تملو منها...وياريت لاقي جواب مفيد

من حوالي 3 اشهر اشتريت ذكر كنار كان خارج من القلش وما شا الله عليه نار في التغريد...وتغريد ليل نهار ما شا الله عليه...وبعد هذه الشهور ال3 حبيت اجبلو انثى ,
جبتلو انثى من عند رفيقي كانت عم تلف العش وجالسة فيه ...يعني جاهزة مية بالمية.

المهم ...حطيت كل واحد بقفص....ومتل ما اتوقعت الذكر تغريد ليل نهار ونشاط مو طبييعي وخاصة لما يسمع صوت الانثى....وكمان هي لما تسمع تغريده يجن جنانها وتصير تطير يمين وياسر وفوق وتحت وتصفرولو ......وبعد حوالي 6 ايام على هالحال دخلت الذكر للانثى وهي لم تكن قد لفت العش بعد .....صار حرب طاحنة بينهم بالاول وتاني نهار هديت الامور بينهم بس لسا كان في شجار بس على الخفيف....

وبعد يومين لاحظت مايلي :
الذكر يطعمي الانثى كل يوم مرة واحدة فقط....
الذكر دائم الهروب من الانثى...وهي تهوج عليه وتهجم وهو يهرب منها....
الذكر ياخد خيوط التعشيش ويحطها بالعش والانثى تجي وتكب الخيطان على الارض....
كل صباح يصير شجار قوي...والذكر يغرد بقوة فقط بالصباح.....و بقية النهار تلاقي الذكر يهرب منها...ومتل ما قلت سابقا احيانا اشوفو عم يطعميها......صدقا لح جن من التصرفات...ما عم اعرف شو اعملهم.....
اذا فصلتهم عن بعض ....الاحظ ان كل واحد منهم لح يموت لحتى يشوف التاني ....والانثى تتحرك متل المجنونة وقت اطلع الذكر عنها وهو كمان يغرد وبحسو لح يموت من شدة التغريد...يعني في شوق بالنص
ووقت عم يكونو مع بعض..يصير متل ما قلتلكم فوق....
ياريت تفيدوني وتشوروا علي شو ممكن أعمل.....وممكن تقلولي في تفسير لهي التصرفات....
وانا متاكد من جهوزية الاتنين....
اسف على الاطالة بس حبيت وضح كل شي ..مشان يكون الرد واضح
لانو مليت والله
وشكرا سلفا لتفهمكم

[alixxz]

اخي الكريم واضح من حكيك انه الجوز يلي عندك طبيعي جدا طالما الذكر والانثى جاهزين

انت اتركهم عن بعض وهاد شي طبيعي المناقرات وضربهم لبعضهم وانا بالنسبة الي ومن تجربتي الشخصية بحكيلك مقولة كنت وما زلت مصدقها على الاخر وهي " اول الجيزة طوشة" يعني كل جوز جديد مع بعضهم لازم يتضاربو وللعلم انهم ممكن يكون عندهم فراخ ويتضاربو وهاد طبيعي جدا ولاكن!!!

اذا استمر التضارب لاكثر من اسبوع مع عدم تلقيح الذكر للانثى ولا مرة واحدة على الاقل انصحك بفصلهم وجعلهم مقابل بعض لحتى تلف الانثى العش وبعدها دخلها عليه، وعندي ملاحظة اذا كنت حاطلهم اي شي مميز من الاكل مثل البيض المسلوق او اي شي تاني غير الاكل فانصحك بعدم وضع اي شي غير اكلهم المخصص لهم وهو البريق لانه يسبب كثير من المشاكل من ناحية ان كل طرف منهم يريد الاكل.

واذا تم التلقيح ولو لمرة واحدة فاحذر فصلهم عن بعض لانه بكونو اخدو على بعض وانشالله وقتها الانثى ما بتطول لحتى تبيض

[alfarook]

مشكور أخي alixxz ...والله يعطيك العافية
لح اصبر عليهون شي اسبوع....بس شو مشان انو الذكر عم ياخد خيوط للعش...وتجي الانثى تكبهون...هل لذلك تفسير ّ!!!!

يمكن انا غلطت انو دخلت الذكر على الانثى قبل ما تلف العش مو هيك !!!!

وشكرا مرة تانية

[alixxz]

اخي مو غلط انك تدخل ذكر على انثى ما لفت العش شرط انها تكون جاهزة

بس الاصح انك تصبر لحتى تلف العش لانها بتكون في قمة جهزويتها وتريد ان يتم تلقيحا باي طريقة

وبالنسبة لانو الذكر بيوخد خيوط العش هاد طبيعي ممكن يكون يلعب فيهم او اي شي من هذا القبيل بس ما بيلف العش غير الانثى

[alfarook]

شكرا كتتتتير الك أخي alixxz
والله يعطيك العافية

[عبدالله محمود مراد]

اخي العزيز اتركهم مع بعض وحاول ضعهم في مكان قليل الاضاءة نسبيا وطبعا حاول عدم وضع الطيور في اماكن لعب الاطفال ,,,,