منتديات تو زوو متخصصون في عالم الحيوان وتربية
المخلوقات الجميلة ويضم منتدانا أكبر وأروع تجمع لهواة تربية الحيوانات والطيور
والأسماك والأحياء المائية والزواحف والبرمائيات ولمتابعي تحركات الحشرات
والمفصليات ولمحبي الزراعة والعناية بالنباتات كما نوفر لكم من خلال سوق تو زوو
الالكتروني الكبير عرض سلعكم بالمجان وبعد ذلك كله تستريحون في استراحة الهواة
متمنين لكم طيب الاقامة لدينا
اسعد الله اوقاتكم اخواني وخواتي ,,
انا اليوم جديده بينك ,, وكنت من متابعيكم من ايام الطفوله =)
وقررت اني اسجل معكم افيدكم وتفيدوني ,, لكن تسجيلي ماصادف
الا ويكون قطي بخطر ,, ارجو المسااعده
او شي بقول لكم معلومات عن قطي ,, وهذي صوره له
ياليت تذكرون الله (( مشاء الله ))
اسمه Milky ( ملكي ) نوعه فارسي (( امه فاريسيه وابوه امريكي )) ربيته من عمر الشهرين ,, الى ان اتم سنه وشهرين
القط سليم ولله الحمد ,, نظيف هادي حبوب ومرح وكل الصفات الحلوه فيه
لكن ,, ايش المشكله
لما اتم السنه بدأ يهلس شعر كثييير بشكل مو طبيعي
الله لا يوريكم بس ,, لكن ماحسيت نقصان بكمية شعر << تدري شي غريب
المهم وديته للبيطري قال لي هذا لانه ياكل اكل مليان مرق ,,
انا كنت اطعمه من ويسكاس ,, ونصحني بالاكل الجاف
وسيت مثل ماقال لي بالضبط لكن بدوون نتيجه
الحين صار عمره سنه وشهرين وش صاار له ؟؟
لاحظت على قطوي انه لما بيتبول (( اكرمكم الله )) ريحة البول مش طبيعيه
مررره كريهه ,, وحسيت انه يتضايق اصلا لما بيتبول ,,
وديته للبيطري ,, فحصه وقال لي انه معاه حصاة في المثاانه ,,
ومسببتله عدم توازن في التبول ,, ويرش كثير لما بتبول بسبة هالحصاة
وكان هي اللي مسببه له تساقط الشعر
عطاني حبوب ماتكلم عنها كثير بس قال لي انها تساعده بالتبول ,,
حسيت الدكتور ماقال لي كل شي ,, كان مستحي من السالفه لانها حساسه
ونصحني الدكتور نصيحه ,,قال ليش ماتزاوجووه ؟؟
انا ماعندي انث اخليه يتزاوج معها ,, قلت بوديه الحديقه لكن الاهل رفضو
وقالوا لي اذا راح الحديقه ماراح يسكن معنى بالبيت لانو خايفين انه يمسك مرض
قلت للبيطري اني مااقدر اجيب له نثيه ابدا ,, وقال لي طب ليه ما تخصووه
هذا حله الوحيد ,, اا اخصيتوه بيرجع شعره طبيعي وكمان بيصير كويس اكثر من قبل
سؤالي هنا اخواني واخواتي ,,
هل اخصاء القط حرام ؟؟ مع العلم اني واجهت مشاكل كثييره بسبة بوله مع الرش
وانا احب قطي حب جما ,, مااقدر اتخلا عنه وابغى له كل خير ,,
قطي مره مدلل ,, واخاف عليه مره ,, حتى خايفه انه مايستحمل العمليه من كثر دلاله
ساعدوني تكفوون ,,
والله انا الحل بالنسبة وان شاء الله افيدك انك تشترين انثى .. طبعا بتساليني ليش اشتريه ..
بقول لك اشتريه لانه بيطلب التزاوج مو مره وحده بيطلي بشكل متكرر .. فخلي الانثى عندك احسن لك واحسن له .. وبالنسبة للاخصاء والله مدري عنها لكن العملية ما تاخذ وقت ولا راح تألمه .. سوي له .. والله يعينك
>>> بوسي لي ميلكي
اول شيء الخصاه حرام ليش لان ربي انعم عليه اللشيء هذا نقوم حنى ونمنعه منه وثاني شيء الشعر شوفي اختي حطيله مع الاكل زيت زيتون شوي لاتكثرين منه انا دايم احطله الزيت زيتون وعندي اوكي ماشاء الله وبعدين انتي بالدمام شوفي انا انصحك بدكتور بيطري والله انه عنده ضمير ولا يكذب ولا شيء اسمه الدكتور سامح هو موقع بالدمام شارع الملك سعود تقاطع شارع المزارع اسم المحل صيدلية جوزل البيطرية رقم جواله 0564203666 انا عندي انثى عمرها تقريبا 7 شهور اذا كنتي تبين تنتظرين لما تبلغ وبعدين يتزاوجون ماعندك مانع
اخوي مافيها شيء الواحد اذا سأل لاهو عيب ولا هو حرام كلن يستشير مافيها شيء هي ماعندها خلفيه تستشير وحنى بالمنتدى الحيوانات يعني الواحد يكون ماعنده المعلومات الكافيه والمنتدى توفر له المعلومات من الاعضاء والمشرفين