ديدي وزنه اقل من الطبيعي و عنده اسهال شديد

[dede]

السلام عليكم ورحمة الله وبركاته

مساكم الله بالخير والبركات

بسي دودي كان عنده دود في بطنو و اتعالج من كم يوم

بس ما خلصت من مشكله الا وقعت في تانيه مع دا النوع الحساس

الدكتوره قالتلي نموه مره بطيء بالنسبه لاختو ديدي و كمان وزنو مره اقل من الطبيعي

دحين وزنه 1.1 كيلو و عمرو شهرين و نص تقريبا

انا باكلو المعلبات باللحم او الدجاج

وكمان باكله سيريلاك بالقوه عشان يتخن و يتغذى شويه و لحسة عسل و فيتامين كالسيوم

الاكل الناشف مو راضي يتقبلو او ياكله ابدا

المشكله التانيه اللي وقعت فيها ان جاله اسهال شديد وبرازه الله يكرمكم مره سايل وسمعت ان الاسهال خطير على البسس


ايش الحل في رايكم و البديل للاطعمه اللي تنعمل في البيت
وبالنسبه للادويه ياريت لو تكتبولي دوا يتباع في السعوديه واقدر اشتريها من الصيدلية البشرية

في انتظار ردكم بفارغ الصبر

هادي صورته قد كف يدي

[size=4]This image has been resized. Click this bar to view the full image. The original image is sized 576x324 and weights 20KB.[/URL"]http://up2.m5zn.com"][/URL]

وهادي صورته بياكل مع بساسي ... البسه البيضه ديدي بعمره شهرين و نص بس حجمها بيختلف عنه واكبر منه

[size=4]This image has been resized. Click this bar to view the full image. The original image is sized 689x486 and weights 43KB.[/URL"]http://up2.m5zn.com"][/URL]

وهادي صورة الاكل اللي باكله هوا

[size=4][/URL"]http://up2.m5zn.com"][/URL]

في امان الله

[Octopus]

زين حاولي تستخدمين زيت الزيتون أو زيت الحوت

[dede]

المشاركة الأصلية كتبت بواسطة Octopus

زين حاولي تستخدمين زيت الزيتون أو زيت الحوت

الله يعطيك العافيه اخوي octopus على الرد ... قرات ان زيت الزيتون يسببل للقطط اسهال

وهو يعاني من الاسهال الشديد يمكن المعلومه اللي وصلتني خاطئه

تسلم على ردك اجرب ان شاء الله

[josy]

الله يحفظهم
حبيبتي لاتعطيه حليب او اي مشتقاته لانو يعملهم اسهال مع الاكل المعلب
حاولي تعطيه دراي فود بس كسريه صغير
ولاتعطيه عسل لانو يسبب حساسية للقطط
واعطيه فيتامين او فاتح للشهية

واعطيه دجاج مسلوق شيلي عنه الاكل المعلب هلق لانو اوقات يسبب اسهال ومايخليهم يسمنو
الله معك

[dede]

الله يعطيك الف عافيه اخوي gosy على الافاده وحعمل بنصيحتك و اوقف عنه العسل يكفي مره في الاسبو ع

والحليب مره موقفتو بس السيريلاك اوقفه ولا استمر ؟

[فقع]

لا ما عليك وما اتخافي السبب الرئيسي اللي خلاه كذا وجود الديدان عنده اهم حاجة انك تتأكدي انو انتهى منها بس على فكره الديدان لما اتصيب مره ممكن ترجع بسهوله مره ثانيه اهتمي بنظافتو اول شي وراقبي افرازاتو علشان مايكون فيها دود لأنو الدود مصيييييييييييييييييييييييبه بيعمل على فقدان الشهيه والضعف وعدم الرغبه في الأكل وفقر دم الخ ....
اهرسيلو دجاج وكبده في الخلاط مفيده
بس صدقيني انو حلوووووووووووووووووووو خاصة انو قزم صغير

[sisi_moon]

وآآآآآي عليه

يهبــل

أظن انه قزم

في وحده معروضه للبيع عمرها تسع شهوور وأكبر منه بشي بســـيط بس

ماكبررت أكثرر

بس عالعموم الاسهال / اقطعي عنه المأكولات البحريييه والحليب والمعلباات والسيريلاك والعسل وكلوو

أعطيه دجاج مسلوق مع بطاطس

وطبعا لازم دوا اسهاال .. فيه كابتين .. استخدميه مانفع .. جربي كلافوكس .. واثنينهم من الصيدليه البشرريه

بس اول شي كابتين .. لان الكلافوكس حق الاسهال الي يجي معه بكتيرياا

واعطيه بيبي لايت اللي للأطفاال

عشان مايصيبه جفااف

لان زي ماقلتي الاسهال للقطط بعمر صغيير يضرهم كثييير لو صابهم جفاف

والدراي فود .. اخلطيه له مع الدجاج والبطاطس وبيحبه شوي شوي

وشوي شوي بتتحسن صحته

[dede]

الله يعطيكم الف عافيه فقع و sisi-moon من جد ردودكم رائعه ووافيه

وعجبتني اكتر شيء تشخيصكم انه قزم 8_8 كده حبيتو زياده

وان شاء الله اشتريله الدوا من الصيدليه دحين و اهتم بيه زياده

بس حابه اسال يش هوا البيبي لايت حق الجفاف ؟

انا دحين باكله علبة من اكله مع الدري فود المحطون ومرقة لحم خلطتهم مع بعض ةبالقوه باكله

وان شاء الله الوجبه التانيه اكله دجاج مع البطاطس

في امان الله

[sisi_moon]

البيبي لايت .. هذا محلول للجفاف

هو مثل الماي .. تحطينه للقطو بدل الماي .. وتشربينه اياه بالابره بين كل كمن ساعه عشان نضمن انه مايجيه جفاف بعيييد الشر عنو

وايوا خلص من بكررا اترركيي المعلباات .. لان مهما صاار .. أكل البيت والدراي فود أحسن و أفييييد

والله يخليلج هالقمــر

[لولي الحلوه]

ماشالله ديدي يهبل الله يخليه لكي

انا قطوتي ولدت وجابت نفس لونه اعشق القطاوه الي لونهم كذا

ولاتنسي تتطمنينا عليه اذا تحسنت حالته..