اشترك في نشرتنا البريدية ليصلك كل جديد

Q8 Sailer · 19-08-2009, 09:28 AM

السلام عليكم ورحمة الله وبركاته ...

يا اخواني الكرام .. لكل يائس من تنتيف ريش الكاسكو ..

خل يشوف الصور هذي وبعدها يقرأ التعليق ..

طبعا هذي الصوره مبين فيها ان الكاسكو ريشه متنتف ..
-------------

لاحظو التغيير الواضح في هذه الصوره ...
------------

يا اخواني الكرام .. سبب التغيير أو التحسن في ريش الكاسكو هو :-

- تقليل الحب الشمسي (دوار الشمس)

- اعطائه الفيتامينات

- ترويش الكاسكو بماء دافي ومع الماء يكون فيه ديتول (وما اقصد صابون الديتول.. اقصد ديتول التنظيف للاسطح اللي ينحط مع الماء) (طبعا البعض راح يستغرب لكن انا مجرب هذي الطريقه .. ومن بعد ترويشه بماء وديتول تحسن عن قبل بكثير) لكن احذروا ان الماء يجي صوب عينه أو منقاره .. (كنت اروشه مابين كل 3 الى 7 ايام ..) وبالنسبه للكميه .. يعني تكون معقوله ..

- اعطاء الكاسكو الفواكه والخضروات

- وضع الكاسكو في مكان يكون فيه حركه واللعب معه ..

وهذي الطرق اللي استخدمتها حتى طلع ريش الكاسكو ..

لكن يا اخوان لا تتوقعون ان يطلع الريش في اسبوع أو اسبوعين ...

ممكن يحتاج من شهرين الى اكثر من ذلك ...

وللعلم ان الكاسكو مافيه أي حاله نفسيه ولا هو في فترة تغيير الريش حقه .. انا فحصته وخذو عيينه منه وارسلوها بره الكويت وطلع ان فيه فايروس .. ولكن الحمدلله تحسن من بعد ما سويت كل الطرق اللي كتبتها لكم ..

وان شاءالله تستفيدون من هالشيء وترتفع معنوياتكم ياللي تعانون من مشكلة تنتيف الريش ..

والسلام عليكم ورحمة الله وبركاته ..

كاسكوكيه · 19-08-2009, 09:33 AM

وعليكم السلام و الرحمه

ما شاء الله اخوي سيلر.. النتايج واضحه.. و سبحان الله الواحد يصبر ويتوكل على رب العالمين

و الله يخلي لك طيرك و اتجوفه من احسن لأحسن..

بس حبيت أسألك.. يوم قالوا لك انه فيه فايروس ما عطوك علاج له...؟؟ استخدمت علاجهم؟؟ نفع ولا لا؟؟

الله يبارك لك في طيرك اخوي.. و يوفقك امييييييييييين...

عطر شفاف · 19-08-2009, 09:40 AM

الله يجزاك الجنه أخوي
مشكلة اللي عندي أحسها حاله نفسية
لأنه اذا زعل مني ينتف ريشه
لدرجة اني اذا رحت أنام في وقت مو متعود اني أنام فيه يزعل
>> الأخ يبيني استأذنه حتى في النوم اذا يسمح ولا لا خخخخخخخ

تسلم ان شاء الله بخفف عنه دوار الشمس
والله يحفظ لك اللي عندك

Q8 Sailer · 19-08-2009, 10:07 AM

اقتباس:

المشاركة الأصلية كتبت بواسطة كاسكوكيه

وعليكم السلام و الرحمه

ما شاء الله اخوي سيلر.. النتايج واضحه.. و سبحان الله الواحد يصبر ويتوكل على رب العالمين

و الله يخلي لك طيرك و اتجوفه من احسن لأحسن..

بس حبيت أسألك.. يوم قالوا لك انه فيه فايروس ما عطوك علاج له...؟؟ استخدمت علاجهم؟؟ نفع ولا لا؟؟

الله يبارك لك في طيرك اخوي.. و يوفقك امييييييييييين...

هلا اختي كاسكوكيه ..

اي والله ان الصبر مفتاح الفرج ..

وتسلمين لي على دعواتك الحلوه .. وان شاءالله ربي يحفظ جميع الطيور لأصحابها .. ويحفظ اصحاب الطيور ...

بالنسبه للفايروس يا اختي الكريمه .. للاسف علاجه موجود لكن بعد ما تأكدت اكثر قالوا لي ان العلاج مو مضمون 100% وان في امريكا جربوا العلاج على بعض الطيور وبانتظار نتيجته ..

واسم العلاج اهو Neopogen
سبق وذكرتها في موضوع سابق وانتي قريتيه اعتقد

.. وللاسف العلاج غير متوفر في الكويت أو بمعنى ثاني ان خالص من الوكيل نفسه .. وهو علاجه للانسان بالاساس ويباع في الصيدليات العاديه ... وسعره غالي كثير ...

لكن العلاج الشائع بينهم هو تنظيم الاكل للكاسكو والتقليل من الحب الشمسي لأن في نسبة دهون كثيره .. والدكتور امس قالي الحب الشمس لا ان اهو زين ولا مو زين .. يعني مابين وبين .. والافضل اعطائه الفواكه والخضروات والفيتامينات ..

وشاكر لج اختي على اهتمامج

Q8 Sailer · 19-08-2009, 10:12 AM

اقتباس:

المشاركة الأصلية كتبت بواسطة عطر شفاف

الله يجزاك الجنه أخوي
مشكلة اللي عندي أحسها حاله نفسية
لأنه اذا زعل مني ينتف ريشه
لدرجة اني اذا رحت أنام في وقت مو متعود اني أنام فيه يزعل
>> الأخ يبيني استأذنه حتى في النوم اذا يسمح ولا لا خخخخخخخ

تسلم ان شاء الله بخفف عنه دوار الشمس
والله يحفظ لك اللي عندك

هلا اخوي ..

مشكور على ردك الجميل يا اخوي الكريم ..

خخخخخخخ ضحكتني والله (يبيك تستأذنه حتى في النوم) ههههههههههه

طيب اخوي جرب تجيب له كاسكو ثاني .. ممكن تتعدل نفسيته ..

أو اتبع طريقة الاخت كاسكوكيه لأنها طريقتها جميله وحلوه

وشكرا لك يا اخوي الكريم .. وصدقني اصبر مثل ما صبرت انا والاخت كاسكوكيه .. وشوف النتيجه اللي طلعت

.. شامبيه تحسن والكاسكو اللي عندي تحسن

ولله الحمد وان شاءالله يكونون باحسن الحالات ..
والله يحفظك ويحفظ لك طيرك

عطر شفاف · 19-08-2009, 10:18 AM

اقتباس:

المشاركة الأصلية كتبت بواسطة Q8 Sailer

هلا اخوي ..

مشكور على ردك الجميل يا اخوي الكريم ..

خخخخخخخ ضحكتني والله (يبيك تستأذنه حتى في النوم) ههههههههههه

طيب اخوي جرب تجيب له كاسكو ثاني .. ممكن تتعدل نفسيته ..

أو اتبع طريقة الاخت كاسكوكيه لأنها طريقتها جميله وحلوه

وشكرا لك يا اخوي الكريم .. وصدقني اصبر مثل ما صبرت انا والاخت كاسكوكيه .. وشوف النتيجه اللي طلعت

.. شامبيه تحسن والكاسكو اللي عندي تحسن

ولله الحمد وان شاءالله يكونون باحسن الحالات ..
والله يحفظك ويحفظ لك طيرك

العفو عالازعاج
بس يصير اجيب معاه دره واحطهم بقفص واحد .. يعني عادي يتوالفون ولا مايصلح
لأن الدره عجبني شكلها ^_^
هو عمره 7 شهور تقريبا وماعرف جنسه
ولو جبت له كاسكو ثاني تفرق الجنس؟؟

واعذرني ادري اني مزعجه
وعلى فكره انا اخت مو أخ

Q8 Sailer · 19-08-2009, 10:42 AM

ههههه

هلا اختي .. اسمحي لي حسبتك ولد ماعليه

يفضل نفس النوع ..

ومايهم الجنس ..

الاهم ان مايكون بروحه ..

وممكن تلاحظين ان راح يكونون كثير النجره والهواش .. لكن ماردهم راح يتوالفون مع بعض ..

باذن الرحمن ...

ودام هو صغير فرصه ان يتعلم الحين اسرع ..

الكاسكو اللي عندي جنني .. طلع لي قرون شكثر وانا اعلمه وماكو فايده ما يتعلم بسرعه .. وعمره قرابة السنه أو اكثر .. فأضل شيء انك تعلميه بهالعمر .. وجيبي له كاسكو بمثل عمره يلعبون مع بعض ويفضل نفس النوع مثل ما قلت لك .

وابد مامن ازعاج ..

كاسكوكيه · 19-08-2009, 02:19 PM

اقتباس:

المشاركة الأصلية كتبت بواسطة Q8 Sailer

هلا اختي كاسكوكيه ..

اي والله ان الصبر مفتاح الفرج ..

لكن العلاج الشائع بينهم هو تنظيم الاكل للكاسكو والتقليل من الحب الشمسي لأن في نسبة دهون كثيره .. والدكتور امس قالي الحب الشمس لا ان اهو زين ولا مو زين .. يعني مابين وبين .. والافضل اعطائه الفواكه والخضروات والفيتامينات ..

وشاكر لج اختي على اهتمامج

... يعني الفايروس كان في ريش الطير؟...

بالنسبه لشامبيه بديت انوع له الأكل.. حتى الحبوب يوم يبتها له كانت مخلوطه بنسبة كبيره مع الحب الشمسي..
مرات يتقبل الخضروات و مرات لا.. يعني مزاجي الأخ.. ههههههههه

يالله الحمد لله على سلامته.. ^_^

فارس مجهول · 19-08-2009, 02:30 PM

مابعد الصبر الا الفرج صبرت ,, ونلت والحمدلله على سلامة طيرك

واخر الحالات السيئه ان شاء الله طيرك وطير الاخت كاسكوكويه

اعطيتوا امل لكثير من اللي طيروهم تعاني من حالات مماثله لحالتهم

بانهم يتشافون ’’’’ تقبل تحياتي

Q8 Sailer · 19-08-2009, 02:55 PM

اقتباس:

المشاركة الأصلية كتبت بواسطة كاسكوكيه

... يعني الفايروس كان في ريش الطير؟...

بالنسبه لشامبيه بديت انوع له الأكل.. حتى الحبوب يوم يبتها له كانت مخلوطه بنسبة كبيره مع الحب الشمسي..
مرات يتقبل الخضروات و مرات لا.. يعني مزاجي الأخ.. ههههههههه

يالله الحمد لله على سلامته.. ^_^

لو كان الفايروس بريشه جان هانت ..

لكن اعتقد الفايروس داخل جسمه عرفتي .. هي اللي تسبب الحساسيه وان ينتف ريشه ...

وبالنسبه للخضروات ..

على حسب جوعه .. يعني مو المزاج لكن الجوع .. ان ماتقبلها جوعيه ..

وعطيه .. بهالطريقه راح يستسلم للاكل وراح ياكل ..

والله يسلمك يا اختي والحمدلله على سلامة طيرك بعد ^_^