ثعباني صاده تشنج ومات ؟؟

[بنوته]

اليوم تاريخ 29 يناير 2008 توفى ثعباني ..

ماعرف السبب
كنت في معسكر 4 ايام وخليت ثعباني ف الغرفه .. بس يوم رجعت كان كل شي تمام وحتى شليته ويتحرك وكل شي الحمدلله زيين .. وطلعته برى ف الشمس وكان الجو حلوو .. قام الثعبان فرغ بطنه بطريقة اول مره اشوفها .. كأنه يتشنج .. ويتحرك بطريقه غريبه ومره وحده وقف عن الحركه وو اكتشفت ان مات
ممكن تفيدوني بالسبب .. كان اول ثعبان لي نوعه بول بايثون عندي من كان صغير وو صارله سنه تقريبا وعمري ماواجهت مشكله معاه !!

[LiMiTeD]

والله صعب اني اقولج السبب الاكيد بس ممكن كانت الشمس عليه قويه وجفاف الجو ممكن هذا الي اثر عليه بس مو معقوله يموت بهالسهوله راجعي نفسج وشوفي شلي صار لم طلعتيه بره

[دينالي]

الله يعوض عليكي بس احتمال تكون درجة الحرارة بالغرفة واطية يعني الجو بارد عليه ولما طلع برا بالشمس ما تحمل تغيير الحرارة واحتمال ثاني كمان بسبب البرودة ما قدر يكمل عملية الهضم وتعفنت الفريسة وتسمم
كل هذه احتمالات بس حاولت المساعدة والله يعوض عليكي

[بنوته]

كان الجو زين ف الغرفه بس المشكله اني نسيت اخلي الليت مفتوح .. يمكن علشان جي ؟؟
اما عن الماي فانا ماغيرته ..
بس حركة غريبه .. فرغ اللي فبطنه ومات ؟؟
معني اول شي طلعته ف الغرفه وقام يمشي وكل شي لكن يوم طلعته برى ف الشمس مات معنه كان الجو حلوو ودافي وشوي كان فيه هوى .. ماظنيت ان راح يضره =(

[الخيّال]

المشاركة الأصلية كتبت بواسطة بنوته

كان الجو زين ف الغرفه بس المشكله اني نسيت اخلي الليت مفتوح .. يمكن علشان جي ؟؟
اما عن الماي فانا ماغيرته ..
بس حركة غريبه .. فرغ اللي فبطنه ومات ؟؟
معني اول شي طلعته ف الغرفه وقام يمشي وكل شي لكن يوم طلعته برى ف الشمس مات معنه كان الجو حلوو ودافي وشوي كان فيه هوى .. ماظنيت ان راح يضره =(

اذا انتي حاطتة في الشمس مباشرة اقدر اقولك 99 بالمية مات من الشمس حتى لو كان الجو زين الثعبين ما تتحمل حرارة الشمس المباشرة

[hellboy]

درجة حرارة الثعبان هــــــــــــــي: 25 الــــــــــــــــــــــى 30 واذا قلت تدرجيا او زادت تدريجيا شلت حركته الاتزانية ومـــــــــــات..
وان زادت البروده شلت حركه الثعبان ويعجز حتى عن الوصول الى مكان الحرارة...
ولو تلاحظ ان الثعبان في الطبيعة يتحكم بدرجة الحرارة بان يعرض جزء من جسمة في الشمس والاخر موجود بالظل لكي يحقق الاتزلن الاجمالي لحراره جسمه..اذا اشتدت درجة الحرارة يخلي الجرء الاكبر في الظل واذا انخفضت يزيد من الجزء المعروض للشمس وهكذا يستمر..
ودرجت حراره الثعبان المناسبه هي الدرجه المحيطة للثعبان..وليست المحيطة بك..

اما سبب وفات ثعبانك:
_ يوم يرجع الطعام ماكان يقدر يهظمة لانه الوجبه القديمه لسا ما اكتمل هظمها وبدرجه الحرارة كانت باردة وعمليه الهظم تكون بطيئة جدا..
و اذا كان الجو بارد على الثعبان وكان الاكل في بطن الثعبان تتعطل اجهزة الهظم وتتعفن الوجبه في الداخل وتسببله اتعاب.
_ سبب موته 100% من درجة حرارة الشمس كانت موجه علية كامله وماقدر يوازن جسمه في الظل وشلت حركته وامتد وهو يحاول الوصول الى الظل..

وان شاء الله بنزل موضوع عن هذه الاشياء قاعد اعده في الوقت الحالي.

[m.m.m]

الله يعوضك باحسن منه

[Bruce]

الله يرحمه ويعوضروحه الجنه

[روري قلب الكنار]

ويمكن جرعة زايده

[بنوته]

وااو مشكوورين على المعلومات الحلوه .. انا الحين شريت لي بورميس طولها متر تقريبا وإنشالله ماكرر هالأخطاء =(