●|[ إَطعآمِ الثْعابَينْ [ آنوآعهْم ، الْحِي وٌ الميَتً ] ]|●

[|| PyTHoN ||]

بسم الله الرحمن الرحيم
السلام عليكم و رحمة الله و بركاته

مبارك عليكم الشهر و كل عام و انتو بألف خير
أول شي أتمنى قراءة الموضوع كامل قبل الرد و أي رد بيكون خارج
إطار الموضوع راح ينحذف =)





الحيايه تعتبر من الحيوانات المفترسه و الي تتغذى عاللحوم و تبدي من السحالي و الفيران و بعض الحشرات و المفصليات و الأسماك و بعدها الجرذان و الدجاج و البط و الأرانب و تنتهي بالغنم و الغزلان و بحالات ممكن أشياء أكبر كمره صارت فرس النهر =) ، شفنا موضوع لأخونا جاسم هني عن طريقة قتل الفأر لتقديمه للثعبان و صار فيه نقاشات وايد و الكل معارض لأنه قتل هامستر بدل من فار ، هل يعني الفار يجوز يتعذب او شي ؟ ، أولاً خلونا نتكلم ببساطه عن الأكل الحي و الأكل الميت بعدها ندخل بموضوع نوع الأكل ..



الأكل الحي vs الأكل الميت



أولاً الأكل الحي و الأكل الميت كلاً منهم له إيجابيات و له سلبيات بالنسبه لصحة الثعبان نفسه و للعلم أسعار الثعابين توصل للألاف ، و ما عندنا أي بيطري له خبره فيهم ، فالأفضل احنا نهتم فيهم بأكمل وجه قبل ما نفكر بالشغلات الثانيه ، الأكل الحي عادةً يزيد من شراهة الحيه ( للي يعاني من ضعف شهيتها ) و أيضاً يقوي الثعبان نفسه و يكون متعود عالأكل ، لكن ممكن انه ينعض او يصير شي ، و هالأشياء ما نبيها تصير فيلجأ البعض لقتل الفريسه بالأول و تقديمها بنفس الوقت عشان يضمن انه ما يكون في أي ضرر .
لكن بالدول الأجانب في ينباع عندهم فئران و جرذان مجمده ، يعني تاخذونهم و تحطونهم بالفريزر مع اكلكم و متى ما بغيتو توكلون الحيايه تذوبونهم بماي دافي ، و طبعاً الريجه && ، غير هذا احنا ما ندري اصلاً شلون ذبحوهم ولا حتى صحتهم ولا شي =)

فالأفضل قتل الفريسه بنفس الوقت ضربه بحديده الراس أو مثل أخونا جاسم ينحط بأي شي و ينضرب بالجدار ، صدقوني ما راح يحس بأي شي بموت بنفس اللحظه =)

فهالشي راجعلك تبي توكلهم حي او ميت ، و أيضاً يرجع على نوع الفريسه و الثعبان الي عندك ، يعني ما يكون الي عندك ماهو بذيك القوه او يخاف او شهيته مو بذاك الزود و تحط جرذ حي ^^



نوع الأكل



و هذا اهو السبب الرئيسي للموضوع قبل كل شي ، اشوف ناس تقول ليش ما توكلونهم لحم ولي يقول بيض ..

كل هالأشياء انتوا سامعينها من تلفزيون ولا بياع قالكم هالكلام و انا متأكد محد من الي دخل معارض ربى حيه من قبل =) ، اول شي احنا قبل ما نربي و نوكل و نذبح عارفين شنو الي نسويه ، بالنسبه للأكل ، أكل الثعابين 95% حي ، يعني الـ 5 % اهي البيض ، بتقولون الحين تقول ما ياكلون بيض و تقولنا الحين بيض .
الثعابين الي تاكل بيض معينه يعني تنعد بالأصابع و هالأنواع ماهي متوافره عندنا او ما تصلح كحيوان يتربى مثل الكوبرا الا للي لهم خبره كبيره بهالمجال ، لكن البقيه و الي اهم مفضلين عندنا البوات و الأصلات و الكورن سنيك و الأشياء هاذي كلها تعتمد عالفيران او الهمسترات ، بهالوقت ادخل موضوع ثاني قبل ما اقول للي يقول كتاكيت و هالأشياء ؟ لا ما ينفعون صح ياكلون لكن كثرتهم ضاره أفضل شي لهم القوارض و طبعاً نلجأ للتغير للي عباله معتمدين على شي واحد ، مره هامستر ، مره كتكوت ، مره فري ، مره ارنب ، كل مره شي ، لكن للكبار الأغلب ما يعتمد عالأشياء الصغيره يعني مو معقوله ينقط 20 كتكوت مثلاُ ولو ان تحتاج اكثر في حالات && ، فيفضل تتوكل ارنب واحد او جم فري ، يعني على حسب الموجود ، لكن مو فار لأنه حجمه صغير حيل و خلاص ما ينفع للكبار



الفار و الهامستر



أول شي في أنواع كثيره ما تكبر بحجم كبير فتبقى تاكل القوارض العاديه مثل الفيران و الهامسترات و غيرهم و احنا اغلبنا ما نعتمد عالسوق كل مره نروح و نرجع فنربي الأكل عندنا بالبيت ، و ما اتوقع احد يبي يربي فار ببيته ، يعني بتقنعوني يالمعارضين انكم لو مكاننا بتربون فيران ببيتكم ؟ ، اول شي اختيارنا للهامسترات أنهم انظف و ابطأ و حتى ما يعظون و يصلحون للتربيه و الإنتاج منهم ، و احنا بنحتاج أكل باحجام مختلفه ، مثلا المواليد للحيايه الصغار حيل و هالأشياء ..
دوم معتمدين عالهامسترات غير هذا انا ما اعرف الأسعار عندكم لكن بتكلم عالكويت ، الفار عندنا دبل سعر الهامسترات و نص حجمه ! ، يعني انا لو بوكل حيه هامسترات لو ببدلها بفار اوكلها 2 ، ـأعتقد من الغباء ان ناخذ فار ؟ وصخ و سريع و يعض و ما يتربى بحالة ان الحيه ما كلته ..



و مثل ما ذكرت بأول الموضوع هالموضوع للتوضيح للي ما يعرف طريقة الأكل و يدخل
معارض حرام و حرام و ليش توكلها و غيرها من هالأشياء

و تذكروا مثل ما انتو هواة القوارض او الطيور في هني هواة الزواحف =)
و احنا ما نقدر نغير من الأكل لكل نوع اكله المحدد و ما نطلع عنه ..



يعني بتقولون حرام ؟ و احنا بنقول حرام تقتلون النباتات للهامستر
و طبعاً الحيايه ينتقمون منهم و هذا السبب

أتمنى ما يكون في نقاشات حاده

و السلام خير ختام ..

حصرياً على 2Zoo
|| PyTHoN || ©

[الخبيرة ناديا]

ماشاء الله تبارك الرحمن

موضووع خطيير بمعنى الكلمه

ويسعدني اكون اول من يرد عليك

يعطيك الف الف عافيه

وبجد استفدت منه

كل التوفيق لك

[ahmadsos]

موضوع جميل ومشكور على المجهود

[العقرب الامبراطوري]

و عليكم السلام و رحمة الله وم بركاته
اي ربي فار امزج
يعطيك العافية على الموضوع الرائع
وضحت الفكرة اي واحد يرد على موضوع جاسم تعطيه رابط الموضوع
بس الصورة الاخيرة شدخلها في الموضوع
تقبل مروري اخي ~

[|| PyTHoN ||]

المشاركة الأصلية كتبت بواسطة الخبيرة ناديا

ماشاء الله تبارك الرحمن

موضووع خطيير بمعنى الكلمه

ويسعدني اكون اول من يرد عليك

يعطيك الف الف عافيه

وبجد استفدت منه

كل التوفيق لك

الله يعافيج حياج الله ^^

المشاركة الأصلية كتبت بواسطة ahmadsos

موضوع جميل ومشكور على المجهود

العفو

المشاركة الأصلية كتبت بواسطة العقرب الامبراطوري

و عليكم السلام و رحمة الله وم بركاته
اي ربي فار امزج
يعطيك العافية على الموضوع الرائع
وضحت الفكرة اي واحد يرد على موضوع جاسم تعطيه رابط الموضوع
بس الصورة الاخيرة شدخلها في الموضوع
تقبل مروري اخي ~

يعني مثل ما الغير لهم حيوانات محببه الحيايه مثل الشي يصيرون
فكره التوحش ولي ما تستأنس أبداً غير صحيحه و في وايد ناس
هوايتهم تربيتهم

الله يعافيك

[Elham]

مشكور يا بايثون عالطرح ..

خاطري اربي حية بس هلي موب موافقين :/

تقبل مــــروري

[مهووس الحيوانات]

المشاركة الأصلية كتبت بواسطة العقرب الامبراطوري

بس الصورة الاخيرة شدخلها في الموضوع

يقصد انك تقدر تعطي الثعبان أطفال صغار لو ما عندك هامستر
.
...
.

=-=

شكرًا يا بايثون على الموضوع الرائع و ينفع يكون مرجع ممتاز للي يبغى معلومات وللي يسألون

يعطيك العافية على الشرح

:)

[Abo_fahed]

|| PyTHoN ||

ياعيني ياعيني

مواضيعك دائما مميزة

بارك الله فيك

ومنها الى الامام والأعلى

يابطل وذخر توزو

[Animal-5-Lover]

| وعليكم السلـام ورحمة الله وبركاتهْ

ما شاء الله تبآركْ الله ، تسلم الـأناملْ
إسْتفدت منه كثييرْ

يعطيكْ العافية
.

[choosy]

موضوع مرتب و سـلس

اشكرك عـ الطرح و الافادة

و اختلف معك بمسألة تربية الفئران لهدف اطعام الثعابين
انثى الفأر الواحدة تولد مايقل عن 100 و يوصل 200 مولود في السنة
اضافة لقل متطلباتها و المساحة القياسية التي تحتاجها
يعني حوض بلاستك جاهز يكفي لـكم فأر
اذا ماقورنت بالهمستر و متطلباتها وعادة اكل المواليد و نسبية عدد الانتاج
و بقياس سرعة الفـأر البري شبيه الجربوع, تصير سرعة الفئران المستأنسة مو شي

وبالأول و الأخير هي خيار شخصي, فيه ناس تقول القطاوة وصخة و تجيب امراض!!

تقبل مروري



هذي لقطة من تصوير البيت, اهداء لك

[IMG][/IMG]