ممكن اغسل الثعبان كل اسبوع

[thedevil]

انا عندى ثعبان ابو السيور عندى من اسبوعين


انا غسلتوا بالماء من اسبوع بسبب انة بيتلوث من البيض والرملة والماء


فيها حاجة لو اكرر الموضوع دة كل اسبوع



وشؤال تانى = كيف اعلم عمر ثعبانى وجنسة



ارجو الرد من اصحاب الخبرة

[كوبرا]

لا طبعا

[Q8kuwait]

هل يغسل ثعبان بايثون البورمية ؟

[petercola1982]

أولاً : لا ينصح بتقديم البيض للثعبان دائما لأن هذا سيجعله يعيا و يموت .
ثانياً : لا تصدق كلام البائعين أن هذا هو غذائه ، فأبو السيور لا يشرب من البيض إلا لعدم وجود ماء و إلا فكيف سيجد هذا الثعبان بيضة فى الطبيعة مفتوحة أو مكسورة ّ؟ !!
ثالثاً : غذاء أبو السيور من الفئران أو السحالى .
رابعاً : إشترى فأر على مقاس الثعبان ، فحجم الفريسة هام جداً ، مثلاً إذا كانت الفريسة أكبر بكثير من الثعبان فلن يقترب منها أصلاً ( الحجم المناسب هو مثل حجم أضخم منطقة فى جسم الثعبان أو مرة و نصف ) ضع الفأر مع الثعبان و ضع له عيش مكسور و مكان ليشرب منه الماء و إرفع البيض نهائياً و لا تخف فلن ينتحر الثعبان ( إسأل فى حديقة الحيوان عنه فسيقولون لك أنه عندما يجوع فهو يهاجم أيادى المربين أنفسهم و ليس الفئران فقط ).
خامساً : لا ينصح بغسيل الثعبان كثيراً فهو كائن صحراوى !!
و شكراً

[hellboy]

الثعابين الصحراوية لاتستحم بالماء فالماء يضرها.
وعن اعمار الثعابين فلاتسطيع معرفتها.إلى إذا كانت معك وهي فاقسة من البيضة او عن طريق خبير في علم الزواحف يستطيع معرفة اعمارها من حجم نقشات جلدها او طولها اوعدد خطوط بطنها واشياء مشابه كذالك.

[thedevil]

بجد شكرا جداجداجداجداجداجداجداجداجداجداجداجدا


وانا استفدت منكم كلكم وانشاء اللة هشترة بكرة فار لة ابيض



ولكن ممكن اطلع الثعبان كتير من الحوض

[Elrayek]

أخ ديفل
أولا ممكن تتطلع التعبان من القفص زي ما انت عايز وده كمان محبب لأن التعبان بياخد عليك ويتعرف على ريحتك وشكلك كمان خصة ابو السيور بيشوف في النور مهوش ليلي وكمان ما انصحكش تجيبله فران في الصيف لأن هتلاقيها غاليه مووووووووووووت الا لو لقيت حد بيبيعها رخيصه فياريت تقوللي او تبعتلي على الخاصه قبل كده كنت بجيبها من سوق الجمعه الجوز ب5 و 10 جنيه لكن دلوقت يقوللك الصيف دخل وبتموت بسرعه فيبعلك الواحد بعشرة جنية
وكمان انا شايف حكاية الغسيل دي عادي لأني بسل التعبان بتاعي تقريبا كل يومين تلاته لأنه بيوسخ نفسه بالمية فالرمل يلزق فيه بس مهم جدا المية ما تكونش ساقعه جدا ولا سخنه جدا وما انصحكش تتطرمه "يعني تشيل سنانه" لأنه سعتها هياكل بصعوبة و بيضعفه انت سيب سنانه زي ما هيا ماتشيلهاش لأن عضته مش سامه واسال مجرب ولا تسال طبيب وانا اتعضيت تريليون مرة ولسه زي القرد "أقصد يعني سليم لكن ما طلعليش ديل بتعلق بيه على الشجر"
وبالنسبه لأكله فاطمن التعبان ممكن يقعد شهرين من غير اكل و ممكن تجيبله كتاكيت زوغيرة ومش فارق الحجم لأن التعبان فكوكه مش مربوطه فبعض وممكن يبلع فريسه باضعاف حجمه لكن لو الفريسه كبيره قوي ممكن مايعضهاش غير لما يكون جعان جدا
وبالنسبه لأبو السيور العادي عشان تعرف دكر ولا نتايه الدكر بطنه بتبقى كلها صفرا وبتتدرج للأبيض من ناحية بين البطن والضهر لكن النتاية ما بتتدرجش انت بتلاقيها كأنك راسم خط ابيض بين بطنها وضهرها يعني في حد فاصل واضح جدا بين الأبيض والأصفر ولو بتسأل عشان تجيب تعبان تاني ويتجوزو انا اسمع ان الدكر بيتجوز نتاية اكبر منه او عل الاقل اتخن منه لأن ممكن تلاقي تعبانين من نفس النوع والطول لكن حجم بطنهم مختلف
ولو لقيت مشاكل في انك تجيب كتاكيت عموما هم صعب تلاقيهم من ايام انتشار انفلونزا الطيور فمش هتلاقيهم غير في سوق الجمعه الصبح بدري لغاية الساعة 11 او 12 وهتلاقيم الواحد غالي شوية ب4 جنية لأني كنت مفكر هلاقيهم زي ماكانو بيبيعوهم قدام المدارس بربع او نص جنيه
ولو عزت اي حاجه ممكن تبعتلي على الرسايل الخاصه او الايميل والناس لبعضيها