قطتي عندها قشور بينزل معاها شعر

[amo0orah]

السلام عليكم
مني عارفة كيف ابدا كلامي مرة من المرات كنا طالعين لمزرعتنا.. فجأة سمعت صوت رهيب رقيق كأنه صوت طفل صغير يبكي رحت ادور لقيتها قطيوة سغنطوطة وحلوة يمكن عمرها شهر او اقل بشوي نتفتلهاصدر دجاج وحطيتلها موية وابعدت عنها كانت جوعانة وضميانة من طريقة اكلها عرفت كذا ..
مشيت وخليتها لحقتني وجلست الاعبها وحطيتها بحضني وتعلقت فيها ب من تول نظرة
صراحة خبيتها بشنطتي واخذتها معاي للبيت وخبيتها في السطح وكل يوم اعطيها اكل وشرب. طبعا جلست على هالحال اسبوعين بعدها اكتشفت امي بالصدفة وعصبت تقول تجيب الامراض ةالثعلبة والقوباء طبعا بعد شد وجذب وافقت امي بشرط نوديها بيطري ويفحصها ويعطيها لقاحات..فحصها بيطري سليمة وعطاها لقاح يقةل بعد سنة تجي اعطيها
المهم جلسنا مع بعض احلى 8 شهور تلعب وتستناني لحد ماجي من الجامعة وتنام بحضني
بس مؤخرا لاحظتها اتغيرت واتوترت وصارت دايما بالحوش ماتدخل جوات البيت الا لمن تجوع تاكل وتطلع ..مرة هربت وحلست اسبوع مارجعت ودورت عليها في الحي ماحصلناها. بعدين لقيتها عند باب البيت وانا طالعة للجامعة كانت كذا تطلع صوت حزين وشكلها مرة متغير وذبلانة وهزيلة ونحفانة بالمرة اخذتها جوا كانت بس نايمة وماتاكل بس تشرب موية وصارت خاملة وتعبت مرة معاها خفت انها تموت وانا احبها جدا وطول ايام غيابها ادعي ربي يحفظها ويرجعها لي وتعبت نفسيتي اتخيلها مصدومة تحت تاير سيارة او ماكلها كلب واحس انها بتدورني ..المهم انو لاحظت فيها زي الغصة حاجة كذا كانها في حلقها مو راضية تنزل او تطلع وصوتها مختفي ويجيها حالات زي الغثيان كانها تحاول تستفرغ وينزل مخاط من انفها وعيونها فيها افرازات وشعرها يتساقط بشكل رهيب وديتها بيطري قال عندها ديدان ورشح داخلها برد ..عطاها حقن لمدة 3ايام كل يوم بوديها ويعطيها الحقن .. المهم رجعت تاكل واتحسنت وطلعلها صوت بسيط رحت وحممتها وانا اجففها بالاستشوار لاحظت زي الدوائر او البثور الحمرا وفوقيها قشرة جافة لونها بيج او بني ولنا انشطها بتنقشع معايا وبتشيل معاها خصلة شعر. وصراحة تكتمت ع الموضوع اخاف تعرف امي ترميها في الشارع وهي الاحظها تهرش نفسها وتعض حالها كذا مرة باليوم راجعت البيطري فحصها قال مافيها براغيث فيها فطريات صرفلي غسول لون العلبة بني اسمه بولي تار وصابونة حصلت الغسول لكن ماحصلت الصابونة.. الي بسئله هل لينا طيبة وراح تخف عنها القشور هذي صح انها مو واضحه ومو كثيرة وكمان الحبة بتطلع مررة صغيرة بس انا خايفة بتكون تعدي وتسبب لي تساقط او احد من اخواتي الصغار .. طمنوني عليها وهل راح تتشافى او اسيبها في الشارع مع انو قلبي مو مطاوعني ..وهي عنيدة بتكره الموية وتحميمها صعب بتجرح وتخربش باظافيرها الله يخليكم علموني ايش اسوي معاها