بليز ممكن تجاوبوني

[DOo DOo]

السلام عليكم ورحمة الله وبركاته

كيف حالكم جميعا

بصراحه عندي استفسار عن حركه دايم يسويها ببغائي من نوع كاسيكو وعمره تقريبا سنه

الببغاء هذا توني اشتريته من اسبوع يمكن اليف يطلع على اليد بس احيانا لما اقرب يدي يطلع

عليها يحاول يعض بس يطلع وديته امس للطبيب قال ان بنيته شوي هزيله وعنده مشكله في

التنفس عطاني دوا له واللحين استخدمه بس الاحظ عليه حركه دايم يسويها انه يهز راسه بسرعه

فهمتوا يعني يحرك رقبته وراسه بسرعه مدري شنو معناة هالحركه الي عنده جواب ياليت مايبخل

علي واكون شاكره له لاني بصراحه خايفه كان عندي كاسيكو قبل شهر ومات وقبلها بعد كان عندي

كاسيكو ومات ومره احس تعقدت صراحه وفي شي ثاني بعد ببغائي هذا يتكلم يقول كلمتين تقريبا

بس الاحظ عليه مايتكلم الا الصباح ولا طول اليوم مايتكلم ولا يصفر بليز طلبتكم جاوبوني

[الحلم الوردي]

بانسبة لحركة الراس فهيا طبيعية

حتنى الكاسكو مالي يتم يحرك راسه

اطمن عادي وطبيعية ما في خوف منها

وان شاء الله الخوان بيفيدوك اكثر

[مجنون فلته]

هالأشياء عاديه انه يحرك راسه

اذا عنده مشكله بالتنفس اخذي من صيدلية الحيوانات افضل

لأنه البيطري ساعات يعطي الناس مضادات قويه ومايفتكر بأن الطير بعده صغير او ضعيف

واذا الطير شرب الدواء يهلك بسرعه ويموت

واذا حابه تعطينه من دواء البيطري خلي له قليل جدا وراقبي الطير كل ساعه هل هناك تحسن ام لا

وبالتوفيق

[guys]

آختي هزة آلرآس طبيعية جدآآآآآآآآآآآآ

حنــآ آطبــآئنــآ بــ آلسعودية آلبيطريين ((آغلبهم )) غير آكفــآء

وآغلبية اللي ودو طيورهم للبيطريين مــآ آستفــآدو شي لآنهم يصفون لك آدوية لاتتنــآسب مع حــآجة آلطير

و الطيور مو للتجــآرب.... اي غلط مــآت الطير

تحــيــآتي و مودتي

[DOo DOo]

مشكورين للي ردوا علي كلهم وافادوني طيب اوقف علاجه ولا شنو..؟؟

في شي ثاني اول كان اليف يطلع على اليد اللحين لما اقرب منه يعصب ويعض بس يحط رجل وحده على يدي والثانيه لا مب عارفه ليش..؟؟ ومايصفر ولا يتكلم ابد طول اليوم مع اني سمعته عند صاحبه يصفر ويتكلم

[guys]

آختي من نــآحية وقف آلدوآء مــآ آفتيك لأني مــآ عــآينت طيرك>>>مسوي طبيب هههه

نوعي له ((خضروآت + فوآكه ))مهم جدآآآآ

بس من نــآحية آلطلوع عــ اليد... آنــآ متأكد(98%) انك مخليته بــ القفص كثير و مــآ تطلعينه كثير


بس انتي خليك عنيدة و آفرضي شخصيتك ....يعني امممممم اذا عضك تحملي شوي وحــآولي مرة ثانية((هذي طريقتي)) بس اذا سحبتي يدك هو راح يستنتج ان العض ينفع و مــآ رآح يقصر بيدك

آلبسي قفــآز آو حــآجة

بس مو على طول تبينه يرقى على يدك حبة حبة
آول شي آمسحي عليه ((لأنه من الخوف يعض فــ اذا مسحتي عليه راح تكسبي ثقته ومـآ راح يخــآف))


من نــآحية آلــكلآم....آتوقع آلطير مــآ بعد يتعود عـليك ((خليه يــآخذ راحته وآلطير آذآ فرحــآن يصفر و يلعب))

و آنتظر آلنـــتــآئج

آتمنى آني آفدتك

مودتي و ودي

[DOo DOo]

guys

مشكور خيووو على ردك

ابشرك اليوم بدى يصفر وقال له كلمه

من ناحية الطلوع على اليد ابدن كنت حاطته بقفص اول مااشتريته بس فاتحه القفص له مفتوح من فوق وهو طالع عليه بس اللحين لي يومين حاطته على ستاند

واقرب منه يعض بس مااخاف منه لان عضته مو قويه مره واحط يدي عنده يحط رجل وحده والثانيه مايحطها

بعدين ينزل رجله اخاف ارفع رجله الثانيه غصب وتجيه ردت فعل شرايك شنو اسوي معه

بس قبل كان يطلع على اليد اول يومين اشتريته فيها بعدها لا مدري شصار له
وبالنسبه لاكله انت تقول نوعي له

انا اعطيه خيار وتفاح وخبز وصفار بيض مسلوق في شي ثاني بعد اقدر اعطيه

عارفه ازعجتك بس تحملني بليززز

[guys]

مــآ شــآءالله تبــآرك الله بشــآرة تفرح



شوفي من نــآحية آلطلوع عــ آليد.... صــآرت لي ((نفس آلشي ابد)) و كــآن كاسكوي آليف بس مو رآضي يطلع عـ يدي...بــ آلموت صعد على يدي ((آنــآ آقرب يدي لــ رجله هو يمسكهــآ بــ فمه ويبعدهــآ )) آتوقع نفس طيرك ,,, و لآحظت ان قفص الطير آرتفاعه عن الأرض شوية كثير فــ نزلت القفص لــ الارض وخليته فوق القفص ((لان الطيور عندهم غريزة سبحــآن الله يحبون الآشيــآء المرتفعة فــ حــآولت قدر آلمستطــآع آستغلال هـ النــآحية ونجحت معي و الحمدلله)) فــ اذا كــآن القفص بــ الارض اقرب له و احط يدي مرة ..مرتين وقام يرقى ولآزم يــآ آختي تطولي بــآلك عــ الطير لانه ممكن يتعبك شوي...

واقرب منه يعض بس مااخاف منه لان عضته مو قويه مره واحط يدي عنده يحط رجل وحده والثانيه مايحطها

شوفي اذآ حط رجل وحدة عــلى ايدك ((كملي كــأنك ..آممممممممممم >>>مــو عــآرف يعبر


يعني انتي بــ تحطي ايدك عند رجله هو بيمسكها برجل وحدة فــ انتي استغلي هــ الرجل الوحدة((اللي مــآسكك فيــهــآ)) وكملي مو تسحبي يدك ...... كــأنك بــ الغصب تركبينه ((ان شاءالله فهمتي )) بس مو تمسكي رجله بيدك لانه ممكن يعصب وآكرر بــ الهدووووووووووووووووء

آول مــآ يركب عــلى ايدك بهدووووء آمسحي عليه 10دقايق كذا و آخذي فيه جولة في بيتكم ((علشــآن يتعرف)) و آستمري كذآ و آن شــآءالله تلآىحظي تحسن..




ومن نــآحية التنويع في الأكل....

اذا بقى من عشــآكم دجــآج آو حاجة نظفي الدجــآج واعطيه العظمة يلعب فيهــآ((مفيدة لــ منقــآره))
الفواكه((تفــآح+ خوخ + جحة ((طيري يموووت فيهــآ)) +مانجــآ + مشمش((طيري ياكل المشمش ويلعب بــ البذرة اللي تبقى يستآآنس عليهــآ مررة + موز))

الخضروآت((خيــآر + طماطم + قرع + جزر + بطآطس مفيوح )) طبعــآ هذي الأصنــآف اللي يحبهــآ طيري


طبعــآ ماتلتزمي بـ النظــآم كذا بس ....... جا يوم الاحد مثلا وانتي اشتهيتي تفاحة او اي شي فــ لاتبخلي تعطينه شوي..


طبعــآ الخضروات ((اعطيهم آيــآه الخميس))
طبعــآ الفوآكه ((اعطيهم آيــآه الجمعة))

وفي البدآية مــآتقبل طيري((الجوع ومــآ يسوي ))
...أنــآ احط الاكل الجمعة او الخميس الظهر...بعد صلاة المغرب او العشــآء اشيل الاكل واحط له آكله المعتــآد ((حب شمسي و فول سودآني))

عارفه ازعجتك بس تحملني بليززز

لآ لآ لآ عــآدي


اي استفســآر انا حاضر

لاتنسي تكتبي المستجدات هنــآ


مودتي و ودي

[DOo DOo]

فديييييييييييتك وربي ماقصرت بجرب طريقتك بوكرا اذا قعدت ياااارب تزبط

وبكون معك هنا ان شاء الله

[guys]

بــ آلتــوفيــق