القط هجم على الصيصان للمرة الثالثة و افترس !

[فرّي]

السلام عليكم


انا اربي صيصان عدد 4

جلسوا معي اكثر من اربعة اسابيع

وانا اضعهم في الحديقة المنزلية بدون شبك حماية من المجرمين !

وفي الاسبوع هذا هجم قط اثناء نومي على الصيصان و التهم الصوص الرابع
وفي اليوم الثاني هجم والتهم الصوص الثالث

ونفس الشي التهم الصوص الثاني


وبقي عندي صوص واحد والان اشتريت له 5 صصيان عشان يوسعون صدره


السؤال بارك الله فيكم

انا افكر اضع لحمة و اضع عليها صمغ فئران جنب الصيصان ويكونون تحت حماية الشبك بحيث لا يستطيع اكلهم


فـ لو وضعت اللحمة وعليها صمغ فئران عشان يموت القط ؟؟ هل فعلي هذا صحيح


هل أنا مخطئ ؟

[صمت الأمل]

وعليكم السلام ورحمة اللهـ وبركاتهـ



أول شيء أقول لكـ اللهـ يعوض عليكـ اللي راحوا ويعطيكـ خير الجدد اللي شريتهم .



بصراحة أنا ضد فكرة انكـ تبي تصيد البس بهالطريقة .



لأنهـ هو وش ذنبهـ ؟؟ لقى صيصان صغار بدون قفص أو حمايهـ وأكلهم .



يعني مثل الرزق لهـ .



هو المشكلهـ انهـ حفظ المكان ويلقى لهـ وجبات جاهزة .



فأحسن حل أنكـ اللهـ يعطيكـ العافيهـ تشتري لهم قفص يدخلون فيهـ وقت الليل .



وسكر عليهم وبإذن اللهـ ماراح يقدر يصيدهم .



وممكن انكـ اذا لقيتهـ يتمشى ويحوم عند الصيصان ياتخوفهـ أو تضربهـ ضرب خفيف بشيء خفيف .



مثلا قطعة قماش اجمعها ولفها بخيط لين تصير مثل الكورة الصغيرة أو الحجر .



عشان يخاف ولاعاد يرجع لكم .



والصيصان اذا شافو اللحمهـ بجنبهم راح يحاولون ياكلون منها أو يتأكدون وش هذا اللي نايم بجنبهم في الليل ؟؟



وتصير المصيبهـ مصيبتين ...!!!



اللهـ يوفقكـ ويعينكـ ويوفقكـ في حياتكـ وكل المسلمين يارب .




تحياتي لكـ .

[جزيرة الحب]

طبعا عمل خاطي ماتفعله
ايش ذنب القط انت اللي اهملت الصوص
والقط جائع وحب ياكل ما وجد امامه الا الصوص
ماله ذنب ابدا ومش غلطان القط

موفق اخي وربي يعوضك

[سحابة خير]

أحسن حل للتخلص من القطو

جيب صيادة ( قفص) إلي يصيدوا فيه الثعالب عرفته

وحط داخله لحم أو دجاج

أول ما يدخل القطو في الصياده راح تسكر عليه الصياده طبعا تلقائيا

وبعدها خذه لمكان بعيد


لكن المشكله إنه في قطط غيره

فالأنسب إنك تخلي الصوص في قفص لين ما يكبروا وبعدها تتطلقهم في الحديقة بدون خوف

[فرّي]

مشكورين على الردود صراحة القط دائما يشكل لي قلق حسبي الله ونعم الوكيل

[سحابة خير]

المشاركة الأصلية كتبت بواسطة فرّي

مشكورين على الردود صراحة القط دائما يشكل لي قلق حسبي الله ونعم الوكيل

والله أنا عندي نفس المشكلة

بس تدري لو كانوا الصوص مع امهم القطو يخاف يقرب صوبهم

تقدر تخليهم في الحديقة وانت مطمن

لكن المشكلة لو ابتعد الصوص عن امه شوي

راح تشوف القطو سريع الخطف يترقب وينتظر هذه اللحظه