أنا عضوة جديدة معكم في المنتدى ممكن تساعدوني ؟؟

[أم منصور]

مرحبا

هاذي أول مشاركة لي معاكم وبغيت أسألكم أنا ريلي اشترالي كاسكو عمره أربع شهور وقالي أني أنا اللي لازم أعلمه لأن هو مش موجود طول الأسبوع والكاسكو أول ما شافني خاف مني وما رضى ياكل من عندي بس بعدها بيوم بعد محاولات أكل شوي من ايدي بس بغيت أعرف شو أحسن مكان أحطه فيه ؟ وشو من الأكل أقدر أعطيه لأني حسيته الأشياء الجافة ما يقدر ياكلها ؟ وكيف أقدر أحمله لأن أول ما أدخل يدي على القفص يخاف ويخوفني معاه علما أني أنا أخاف شوي من الطيور بس بحاول أني ما أخاف وبعد أريدأعلمه يكون هادي و صح ان لازم ما أخليه جنب الطيور الثانية

إذا ممكن تساعدوني ؟؟؟
أختكم أم منصور

[|| كــروآن ||]

1-تحطينه في مكان هدووء..
2- تقصين جناحه عشان مايقدر يطير وتحطينه فوق القفص وتحاولين تقربين يدچ وتمسحين عليه و اذا ماعضّچ وكليه و اذا عضچ جوعيه شوي و وكليه وتشوفينه يقترب منك..

3- تقدرين توكلينه فواكه وخضروات..

اذا نجحت بشرينا.. ^^

[أم منصور]

مشكور أخوي كروان على الرد بحاول أطلعه اليوم على الاستاند بس انشاء الله ما يعضني ولا بتستوي علوم

[فارس مجهول]

هلا .. اختي ام منصور ,,ومبروك عليك الطير

بالنسبه لانه يخاف شي عادي اذا كان مصيود لكن

لو كان انتاج مزارع (محجل ) غريبه يخاف ... ممكن صار له موقف

اهم حاجه تتأكدي ان الطير في هالسن تعود ياكل الحبوب

لانه ممكن مانفطم ,,, والمكان الانسب انك تحطيه فيه

اكيد مكان تواجدكم الدائم,, عشان يتعود على كل

اهل البيت ... ومايرتبط بشخص معين بحد ذاته

وحاولي ترفعي القفص عن الارض .. عشان الطير يرتاح

وفي الاخير .. الله يبارك لك في طيرك

[مجنون الامازون]

اولا حياك الله اختي الكريمة بين اهلك واخوانك في المنتدى ..

بالنسبة لطائرك عمره صغير على المأكولات الجافة حاليا وزي ما افادوكي الاخوان يمكن ما انفطم ..

عموما حاولي تأكلي خضار مهروسة (مسلوقة) بالابرة .. الى ان تمتلئ الحوصلة ..

وحاولي انو يكون في مكان هادئ ودافئ ومرتفع عن الارض عشان يحس بالامان ..

[أم منصور]

مشكور أخوي فارس مجهول معلوماتك حلوة بس أنا حسيت أنه ما ياكل الا حبوب عباد الشمس بس اذا ما انفطم شو أعطيه ......

[أم منصور]

شكرا أخوي مجنون الأمازون والله ما شاء الله عليكم متعاونين بحاول اليوم أعطيه ها الخضروات المهروسه وشكرا مرة ثانيه

[فارس مجهول]

كويس انه ياكل الحب الشمسي .. انتي نوعي معاه

مدامه انه ياكل الحبوب بنفسه ... هذا شي مطمن

حاولي تعطيه اشياء لينه ذره مسلوقه .. خبز مع مويه دافيه

وشوي شوي راح يتعود على التنوع في الاكل .. لانه في هالسن

محتاج فيتامينات .. وتغديه سليمه وحاول ,, كل حاجه من يدك افضل

عشان يتعود عليك اكثر واكثر ...

[أم منصور]

أخوي مجنون الأمازون مادريت أنه يحتاج مكان دافئ تصدق أنا قمت أشغل عليه مكيف قلت بيموت من الحر مشكور على الإفادة

[أم منصور]

شكرا أخوي فارس مجهول والله العظيم أنكم أفدتوني ما تقصرووون