أول مـــوضـــووع ..!!!

[متصفح ..!!]

السلام عليكم


صباح / مسااء .. الـخـيـــر


ولله الحمد تم شراء اول طير ..((كــاســكو)))..

الطير صغير لا يتجاوز الـ7 أو 8 أشــهـــــر ...

الطير اليف بعض الشي ويجعر خفيف اذا حاولت المسه

ولاكن سؤال / هل أطلعه فوق القفص يوميا ...؟؟

لاني طلعته امس وبدأ يصفر وداخل الشبك ماصفر الا قليل

للمعلوميه الطير لم يتجاوز يومين الى االانارجوا مساعدتي وإفادتي ..!!

[abo abass]

حاول انك تلاعبه مو مشكله لو طلعته فوق القفص بالعكس يحس براحه
و مع الوقت حتى الجعره تروح بس يتعود على البيت

[متصفح ..!!]

المشاركة الأصلية كتبت بواسطة abo abass

حاول انك تلاعبه مو مشكله لو طلعته فوق القفص بالعكس يحس براحه
و مع الوقت حتى الجعره تروح بس يتعود على البيت

بيض الله وجهكـ يالغالي

ونبي معلومات يالغالي تفيد في تربية الكاسكو

لاني مثل ما تقول جديد وتنقصني الخبره والمعرفه ...

[xX7oSaMXx]

نصيييييييييييييييحه لك يالغالي لا تطلعه كثير مثلن في اليوم مرتين ثلاث


انا كنت اطلع طيري فوق القفص كل يوم واتركه فوقه طوووول اليوم ماتكلم الا بعد 10 شهور

لكن لو انه بالقفص راح يركز ذهنه على الكلام بس يسمع اصواتكم وكلامكم ويحاول يتكلم

وحاول انك انت الي تأكله على شان ينجذبلك ويحبك ومثل ماقلتلك لا تطلعه دايم

زي ماقلتلك مرتين ثلاث مرات في اليوم ورجعه للقفص واللعب معه ومشه في البيت طلعه بالحديقه

يعني هيك ^_^

[الشفق الأحمر]

يا هلا بك أخوي ، و يتربى بعزك الـ كاسكو
دام بدى يصفر خارج القفص فمعناته
أنه مرتاح خارج القفص و وقت
النوم رجعه داخل القفص
وبالمرة أشترله ستاند
جديد خله جنب
القفص على
طول

[متصفح ..!!]

مشكورين يا ااخوان

بيض الله وجيهكم ...

لاكن شنو الاستاند ..؟؟

تراي جديد لي 3 ايام بالكاسكو فقط هههه

[fiasl]

اخوي متصفح

هذا اربط راح ينفعك كثير

http://www.2zoo.com/vb/group.php?do=...scussionid=436[COLOR=%22Green%22

وتقبل مروري

[lll_o]

الف مبروك

اخوي طلع الطير خارج القفص نزله الحوش

عرضه للشمس

فترت قبل المغرب

او الصباح من 7 لين 8

لعبة ولا تخليه على طول في القفص

و فترت تلقين الكلام

خليه في القفص

و باقي اليوم في القفص

مثلا خرجه من الظهر لين العصر او قريب المغرب دخله القفص و نزله يتشمس شويتين

و بعدين في القفص طوول اليوم

[NAHHAS]

الف مبرووك عل الطير الجديد
اخوي اول شي حط بمكان مرتفع حوالي المترين بمكان مراقب للجميع
وفي غرفه تجمع الاهل الصالون مثلأ...
اذا بتحط صور بنفيدك اكثر في تحديد عمره....

[طير الهوى]

،،

ألف مبروك الطير يالغالي .. والله يخليه لك ويحفظه من كل شر ..

مادام ان الطير جديد عندك وجديد على البيت .. احرص ان هالفتره تكون فترة تعارف بينك وبين الطير ..

احرص انك تتواجد أمامه بشكل دائم .. وانك انت اللي تعطيه الأكل .. وطلعه من القفص .. وحاول تكلمه وتلاطفه .. الكاسكو بطبعه اجتماعي ومايحب العزلة والوحده .. فكن انت حوله وتفاعل معه بحدود المعقول .. استمر على هالمنوال فترة من اسبوع ونص الى اسبوعين .. أو حتى لين تحس ان الطير تأقلم وتعود وجودك وعرف انك انت المسئول عنه ..

بعدها عاد خذ راحتك .. تبي تولفه زياده .. او تبي تعلمه الكلام .. تسوي اللي يريحك ..

بس فيه كم ملاحظة وانا اخوك :

1/ الطير لا زال يعتبر فرخ فاحرص عليه زين .. وانتبه من التيارات الهوائية البارده .
2/ ابتعد عن ترويش الطير بالوقت الحالي .
3/ الخروج من القفص شي مهم وله ضوابط .. مثلا قرر انك تطلعه يوميا مرتين .. مره الصباح .. ومره العصر .. واستمر على هالنظام لين يحفظه الطير ويعرف انه مافيه طلعه الا بهالأوقات فقط .
4/ عند تقديم الأكل عوّد الطير على كلمة معينة .. بحيث تكون فيه كلمات تربط الطير فيك .. تفهمها ويفهمها .
5/ اذا طلعت الطير من القفص انتبه له من البيئة المحيطة .
6/ لو كانت جنحان الطير كاملة وغير مقصوصة .. من الأفضل لك انك تقصها تحسبا ً لكل طارئ لا سمح الله .
7/ تجنب استخدام المعطرات والبخاخات حول الطير .
8/ لا تتسامح مع الطير نهائيا ً .. ارسم له حدود تصرفاته .. كافئه عند كل سلوك جيد .. وعاقبه وانهاه عند كل سلوك غير محمود .
9/ الطير لا يمكن أن يعيش بدونك .. فكن له كل شيء .
10/ لا تنسى ان تربية الطيور .. هي مرادف لكلمة الصبر .. لذلك اصبر على طيرك ولا تيأس أبدا ً .
11/ اذا استمريت مع طيرك بالعلاقات هذي وتقربت منه مايكفي .. ماتحتاج لتوليف .. الطير اذا وثق فيك راح يسلم نفسه لك طواعية .. ويألفك .. ويحبك ولا يتخلى عنك أبدا ً .

هذا ماطرى ببالي وانا اخوك .. وآسف على الإطاله ..

وبالتوفيق يالغلا وعطنا آخر المستجدات كل فترة .. وصور للحبيب ^.*

،،