حبي ل كروانة كان ممكن يودني في مصيبة

[بنور]

هحكلكو قصة ممكن تقولو عليها ان ده جننان
انا اول مره شفت الكروان عشقتو عالطول رحت اشتريت عطفور صغير تقريبا كان عمرو عشرين يوم و كنت باكلو بالسلايراك طبعا و لا كنت اعرف جنس الطير و لا اي حاجه و كبرت العصفورة و عرفت انها انثي جميلة سمتها كوكي طبعا كانت بتحبني جدا و تحب تفضل معايا اول ما اجي في البيت حستها ان هي بتفهمني ممكن تقولو عليا اني حساسه زياده علي اللازم لان كنت بفهما لما بتكون عاوزه حاجه المهم جت ظروف و لازم كنت اسافر مده طويلة و قلت هخدها معايا رحت طلعتلها تصريح من مستشفى بيطري و كل حاجه تمام لان كنت بشوف ناس واخده قطط و كلاب قلت اكيد مش هيقولو حاجه علي عصفورة المهم حسيت ان مش هيوفقو رحت اتصلت بشركة الطيران و قالولي ان اصلا الطيارات بتاعت شركة الطيران دي ممنوعه فيها اصطحاب الحيوانات لانها الطيارات مش مجهزه للحيونات و مكنتش اقدر اغير الشركة لان ما فيش حجز و كان فترة اجازه و كل الشركات فل و مكنتش اقدر اغير التذكرة كنت هخسرها ده غير بقي كلام امي و اخواتي انتي اتجننتي بالعصفورة دي و كلام بقي من اخواتي الي يقلي هطيرها من انتي نايم و الي يقولي هدبحها و اسلقهالك و تريقة و ضحك عليا و بقيت مضحكة العيلة بحبي لعصفوره قالو انتي اتجننتي خلاص جت المصيبة بقى تاني يوم و انا مسافرة و كان قلبي متقطع الا و اخدها معايا رحت حطتها علي كتفي و حطت الطرحة بطريقة واسعة و ما تتخنقش الطير طبعا كوكي متعوده ان تقف علي كتفي و كانت هاديه بس كانت بتصفر لانها انثي زي ما عارفين مش بتغرد طبعا و انا داخله المطار كان قلبي هيقف و عامله افكر في التفتيش و لو شفوها معايا هبقي مضحكة في المطار و هتفضح في الجرايد و اكلم نفسي و اقول هي مغامره و خلاص و سبحان الله كانت الامور متيسره ولا حد فتشني و طلعت علي الطيارة عالطول و طول الوقت العصفورة ساكتة مش بتصفر ولا طلعلها حس دخلت بها حتى حمام الطيارة تشرب ولا تاكل ابدا و اصعب لحظة عند ختم الجواز و دخلو التفتيش بتاع الطيارة مكنتش مصدقه اني سافرت بالعصفورة عاوزه اقلكو ان اهلي لما روحو البيت و اكتشفو ان العصفورة مش موجوده اتجننو ههههههههه و مش مصدقين اني عملت كدا كانو خايفين عليها و كنت مضحكة العلية و بقيت معروفة اني مجنونة عصافير طبعا عاوزه ان كوكي كانت متعلقة بيا جدا لدرجة جبتلها 3 ذكور يونسوها و تتجوز ابدا كانت بتضربهم لحد ما جبتلها واحد غلبان اعجبت فيه و اتجوزو و جابولي احلى الوان كروان لحد دلوقتي شوفت احفادها كمان طبعا كوكي اتغيرت بعد الجواز اتلهت في عيلها و جوزها بس اوي ما اطلعها القفص تيجي عالطول في كتفي طبعا انا عارفه ان كلامي كثير بس قلت اشاركو القصة دي لان ما اعتقدش حد ممكن يصدقني بس و الله بجد ده انا عملتها مره تانية مع عصفور روز حتى صورتها صوره في الطيارة للذكرى بس امى زعلت جدا اني عملتها مرة تانيه ووعدتها اني ما اغمرش كدا مره تانية و توته توته و خلصت الحكاية


Sent from my iPhone using 2zoo.com mobile app

[غجرية]

ههههههههههههههه فعلا حدوته ولا حكايات الاطفال
انتي مغامره انا بحب الطيور جدا بس مافتكرش اغامر وطلعهم معايا الطياره ههههههههههه
خاصه انه تحت الطرحه هههه
المهم الله يخليلك كوكي وتشوفي انتاجها كمان وكمان
بالتوفيق

[The male nurse]

جميل جداً حبك وتعلقك بهذة الهواية

ونحن كمربين و هواة للطيور نفهم جيداً سبب مغامرتك بأخذ الطير معاك بالطيارة

استمتعت بطريقة سردك للقصة

استمري في حبك للهواية ولا ترددي في طرح اي موضوع يخصها

تحياتي

[بنور]

بجد شكرا ليكو علي مشاركتكم الحلوة دي و ان ضحكتو شوية علي مغرتى المجنونه دي بجد سعيدة جدا ان لقيت حد بيشاركني و بيفهمني في حبي للطيور وجميل اوي الموقع ده انو بيفتح من الموبيل سهل و سريع و انو عرفني عليكو تقدرو تشوفو صور كوكي و اولادها من الانستجرام انا حاطة كل زكرياتي الحلوة هناك banouraaa


Sent from my iPhone using 2zoo.com mobile app

[omar4o3]

Sent from my SM-J710F using 2zoo.com mobile app

[Bagz]

بصراحة مغامرة منك وقلب جامد بس الي بيحب حاجة ما يقدرش يستغنى عنها 😎😎😎

Sent from my SM-N910C using 2zoo.com mobile app

[بنور]

شكرا علي تعليقك Bagz


أرسلت بواسطة iPhone بإستخدام 2zoo.com