سؤال لاهل الخبرة الكاسكو

[شرارة]

السلام عليكم يا اخوان
عندي كاسكو من ثلاث شهور وعمره الان سنه ونص حاولت اروضه
بس قدرت اخليه يطلع على اليد اذاكان برا القفص وهو على القفص
او الاستاند مايرضى ولان صار عضته خفيفه لاني استعملت معه
الماء والعسل فتره طويل وصارمايعض بقوه الطير يا اخوان عنديد
جدا جدا وعصبي جوعته عشان ياكل من يدي ياخذ الاكل ويرميه
بطريقة تحس فيها تحدي لدرجة اني خليته نص يوم بدون اكل وكل ساعتين
اجي اوكله ونفس الشي يرمي الاكل وحتا لما حطيت له الاكل ما ياكل
قدامي اذا رحت عنه اسمعه ياكل الطير عنده تصفيرات حلوه وعلمته
على كلمة بابا وصار يقولها احياننا بصرخه بصوت مره مرتفع
قدامي يصفر وهو على يدي وقال بابا كذا مره وهو على يدي
تحس فيه جرائة وقوة شخصبة بس مشكلته العناد والعصبية ارجو من اهل الخبرة مساعدتي لاني مليت وتعقدت من هل نفسية الغريبة .

[شرارة]

ارجو من الاخوان اهل الخبرة في الكاسكو مساعدتي لاني في حيرة

[the_gostman]

اخي الكريم..

حاول وضع الطائر على الستاند في وسط البيت.. في مكان تمر في العائله
وحط في بالك الاصرار.. وانشالله توصل لشئ يرضيك.. الصبر مفتاح الفرج.

موضوع تطلعه على اليد.. اذا كان أليف انت بحاجة تدريب متواصل فقط لمدة يومين تخيل @@

امسك الببغاء من رجوله وامسح عليه الى ان يعتاد على المسح والمسك من الرجلين.. وقعده على يد..ورح يتعود انشالله.. وبعدها عوده التنقل بين اليد والآخرى..

بالتوفيق عزيزي
أخوك رمزي

[شرارة]

مايخليني المسه وهو على يدي يخاف خوف مو طبيعي ينط على الارض
ولا يعض تعبت معاه عشان يطلع على اليد كنت املا البانيو ويطر انه يطلع على اليد جدا صعب التعانل معاه مع العلم
اني مروض قبله اثنين كاسكو ودره لاكن مثل هذا مافد مر علي انا اتوقع
راعيه اللي شريته منه كان معذبه ماتتخيلون الخوف اللي فيه من يشوفني
ومن ناحية الصبرمافيه اصبرمني له ثلاث شهور وانا صابر اوقات اخليه سبوعين عشر ايام
بس احطله الاكل والماء واروح قلت يمكن يروح الخوف بس مدري وش قصته
اتوقع عنده عقده نفسية وتوتروخوف الله لايطرحكم في طيرمثله والله يكرهكم
في الطيور كلها . لاكن انا راسي وراسه الا يتروض ان شاءالله

[كاسكو محبوب]

اخوي انت لو تحط قفصه بوصط البيت يتعود يشوف الرايح والجاي ويعر فاهل البيت ودايما الترويض يحتاج له صبر جداجدا وانت اقعد معه باليوم 10 دقايق اقعد انت وياه ولا تسوي اي حركة يخاف منه تمام عشان يطمن لك ومايخاف منك

[عزوزالعبدالله]

حبيبي دام ضمنت ما يعض الحين هههههههههه
خله على الاستاند

وخلك قدامه وحرك يدك بهداوه جهت رجوله مو بسرعه تفجعه بهداوه ولا توقفها تحته تنتظره يطلع
خلك متواصل بحركت يدك حتى لو وصلت رجوله كمل كانك بتدفعه مع رجوله غصب بيطلع اول مره تحصله يطلع ويحاول يطير عنك كرر الحركه 10 مرات يومياً بس شرط يكون على الاستاند

وبتظبط معك 100%

ولما يكون على يدك حاول تحطه قدام صدرك قربه لجسمك ملاصق للصدر وحاول تمسح على راسه

من ناحية الاكل خلك على نفس الطريقه اللي تسويه احقره بياكل
طيرك مفجوع فيه خوف مرت علي الطريقه هذي
لا تسوي اي حركه قدامه بسرعه لما يكون على يدك او تكون عنده انت يبيله صبر

بالتوفيق

[نايف البرقاوي]

السلام عليكم اخوي
فيه واحد اسمه يوسف الدوسري ماشاء الله عليه له مقاطع باليوتيوب في الترويض
المهم هذا الشخص يقول عادي تجوع الطير الكبير فوق السنه لمدة يوم .
اقتراحي لك
جوعه يوم واغصبه تطلعه على يدك واذا طلع عطه اكل (نظام مكافئه)
اتوقع راح تنجح الطريقه لان الطير راح يكون محتاج اكل ، وراح يسوي لك اللي تبي
اذا شافك تكافئه كل ماطلع
اتمنى اكون افدتك
وبالتوفيق