لو سمحتووووووووووا ابي الفزعه :(

[سحايب شوق]

السلام عليكم

اخواني انا ضيفه جديده وعندي مشكله وابي منكم تساعدوني عليها الله يجزاكم الف خير

عندي بغبغاء افريقي كاسكو عمره 8 شهور وجنني ما اعرف كيف اروضه مرات يكون حبوب

وامسح على راسه ومرات يعصب ويكون ما له مزاج ويعض بقووووه ومرات يغرد ويطلع كم صووت..

ابي اعرف كيف اروضه واخليه ما يعض ابد وكيف اعلمه على الكلام دلوني على الطريقه الصحيحه..



:::اختكم صاحبة البغبغاء الغثيث:::

*****شــــــــــــــــــ سحايب ـــــــــــــــــــــوق*****

[الجااارح]

أختي / سحايب شوق

وعليكم السلام ورحمة الله وبركاته ،،،

بدايتا ارحب فيك واقول اهلا وسهلا فيك يالغالية بيننا وحياك الله وانشاء الله راح تستفيدين منا وتفيدينا يالغالية فأهلا وسهلا مرة أخرى فيك بين أخوانك وأخواتك في عائلة تو زو المتواضعة ...

بخصوص اسفسارك :

ما راح اجيب لك الا بعد ما تجاوبيني عن سؤالي :
كم للببغاء معاك من مدة ؟

وبعدها يصير خير ...

تقبليل مروري

[سحايب شوق]

اهلين فيك اخووووي

يسلموووووو على الترحيب الذوووق منك خيوووووو


يمكن لمدة الي جلس فيها معاي البغبغاء 4 شهور بس؟


شاكره للإهتماك الرائع......

[الأفريقي]

هلا والله اختي سحايب الشوووووووق .... المنتدى نورك بحضورك معانا بالقسم واعتبري القسم هذا قسمك والسبب الي كل الموجودين اخوانك واكثر .. وانشاء الله بتستفيدين معانا وبنستفيد منك لاتحرمينا من اي شي تبينه حنا حااضرين للطيبين ..!


اختي سحاايب .. صرراحه انا من نااحيتي الطير طول اكثر من المده في الترويض اذا كان عمر الطير حقك من اول ماشريتيه 8 اشهور يعني صار الحين عمره تقريبا11 شهر ونص .. تقريباا يعني الطير اشوي بتلاقين فيه صعوبه بترويض ... في مواشيع مثبته عندك بتفيدك في كيفيه ترويض الأفريقي ... وانا بعطيك خلاصه الطير عامليه كأبن لك وشوفي اشلون يطلع .. بالأخير زي العسل بس يبغاله صبر .. اشوي ... وانشاء الله اخوي الجارح .. بيفيدك اكثر مني لخبرته الأوسع . في هذه الهوايه الرائعه ..

وسامحيني على التقصير ..

[الجااارح]

أختي / سحايب شوق

أهلا وسهلا بك مرة أخرى

بالنسبة للترويض :

لا أعتقد أن هناك طريقة معينة وقاعدة نستطيع ان نمشي عليها فكل شخص له طريقة معينة للترويض فهناك مووضوع على سبيل المثال للأخ / mr.memo عرض لنا طريقته وفي مواضيع اخرى عرضوها لنا الاخوان ولكن انا راح اعطيك بعض المعلومات اللي انا اسويها وسر نجاحي بعد توفيق الله عز وجل في ترويض الطائر وهي عدم تركه مقفل عليه داخل القفص فحبسه في القفص قد تعطي نتائج سلبية في أغلب الاحيان فالببغاء طائر اجتماعي ومسلي ومرح يكره ان يقفل عليه داخل القفص وبخصوصك انت يعني فترة اربع شهور كافية لجعل الطائر يتعود على المكان الجديد وفترة كافية للتعرف على اهل المنزل فكل اللي باقي لك تسويه تحسسيه بالامان فقط وتفتحي له القفص ويفضل أن تفتحي الغطاء العلوي للقفص لكي يسهل عليه الخروج وبعدها بفترة بسيطة يعني اسبوع مثلا حاولي التقاطه بغطاء القفص ضعيه امامه وراح يطلع هو من تلقاء نفسه فيه وخذيه رفق والعبي معاه وحاولي تقربي يدك منه ولكن بحذر واستمري على هذا الحال فترة بسيطة من الزمن تجدي الامور انحلت بشكل اكبر من ما كان عليه سابق ...

وكلامي ليس بقاعدة تبنين عليها ترويض الطير فهناك العديد من الطرق وتختلف من شخص لآخر كل ما عليك فعله ان تحاولي ابتكار وسيلة اخرى وتعلمينا بها ونستفيد منك وان لم تستطيعي فجربي اللي قلت لك عليه ...

أما بخصوص اسهل الطرق لتعليم الببغاء الكلام :

شوفي متى الببغاء يكون يصفر ويلعب وفي العادة يقوم بهذه الحركات في الصباح الباكر يعني بعد صلاة الفجر وطبعا الطيور تختلف ... لكن انت اعرف بطيرك شوف الوقت اللي يكون فيه يلعب ويصفر وحاولي تعطيه كلمة سهلة لا تزيد عن ثلاث حروف ولتكن على سبيل المثال :" ألو ، هاي ، مين ، هلا ... الخ " من الكلمات الاكثر سهولة وكرريها عليه وقت ما يكون هو يلعب ويصفر او من فترة لفترة حتى بعد فترة يصير يلقطها وبعدها عطيه كلمة ثانية وهكذا وهذ باعتقادي انجح الطرق واسهلها لتعليم الببغاء الكلام .


ارجوا من الله اني افدتك واستفتدي مني

واعتذر لك على الاطالة من كل قلبي ،،،

وانتظري باقي الاخوان اللي هم اعرف مني واكثر خبرة ومعرفة في هذا المجال لتعرفي ردودهم ويشاركوك انشاء الله تعالى ...

تقبلي مروري المطول مع تمنياتي لك بالتوفيق

[الأفريقي]

اخووي الجاارح وفيت وكفيت .... بالرد ...

[الجااارح]

المشاركة الأصلية كتبت بواسطة الأفريقي

هلا والله اختي سحايب الشوووووووق .... المنتدى نورك بحضورك معانا بالقسم واعتبري القسم هذا قسمك والسبب الي كل الموجودين اخوانك واكثر .. وانشاء الله بتستفيدين معانا وبنستفيد منك لاتحرمينا من اي شي تبينه حنا حااضرين للطيبين ..!


اختي سحاايب .. صرراحه انا من نااحيتي الطير طول اكثر من المده في الترويض اذا كان عمر الطير حقك من اول ماشريتيه 8 اشهور يعني صار الحين عمره تقريبا11 شهر ونص .. تقريباا يعني الطير اشوي بتلاقين فيه صعوبه بترويض ... في مواشيع مثبته عندك بتفيدك في كيفيه ترويض الأفريقي ... وانا بعطيك خلاصه الطير عامليه كأبن لك وشوفي اشلون يطلع .. بالأخير زي العسل بس يبغاله صبر .. اشوي ... وانشاء الله اخوي الجارح .. بيفيدك اكثر مني لخبرته الأوسع . في هذه الهوايه الرائعه ..

وسامحيني على التقصير ..

اخوي الكريم / الأفريقي

يعطيك العافية اخوي على اطرائك لي بهذا الاسلوب يالغالي ...

اختي /سحايب شوق

آسف نسيت اذكر لك شيء آخر فكرني فيه الاخ العزيز / الأفريقي

وهو الصبر الصبر هو كذلك من اهم الامور اللي لازم يتحلي بها المربي ...

وكلمة اعجبتني من الأخ العزيز / الأفريقي هي عامليه كأبن ..

أعتقد انها تفي بما كتبت لك من أول ...

يعطيك العافية اخوي / الأفريقي مرة اخرى على الإطراء وعلى المفيد المختصر " عامليه كإبن "

أخوكم / الجاااارح

[سحايب شوق]

يسلمووووووووووووو اخوي الافريقي واخوي الجارح على الملعلومات المفيدة وانشاء الله استفيد

منها.

نسيت اقولكم شغله هو البغبغاء اطلعه من القفص يعني من الظهر لحد 11 بالليل بس مو دااااايم

يعني ثلاث ايام اطلعه ويوم يجلس بالقفص لاني اخاف يطلع برى ويطير وبعدين يذبحني اخوي و

احيانا تجيه موجات لما اقرب منه يعض واحيانا لا ينزل راسه وامسح عليه. واحيانا يصفر اوقات

الظهرو المغرب. ولاحظت عليه انه شديد الحذر لما احد يقرب منه ينفش ريشه ويفتح فمه

تقول مواجه وحش مو انسان. وساعات يتفرج على التلفزيون لما يكون صوته عالي وشديد

الملاحظه في كل شيء .

[الجااارح]

سحايب شوق

هلا وسهلا مرة ثانية ،،،


بالنسبة للخوف والقلق عن طيران الببغاء لا تخافي قصي جناحة ويكون بكذا انتهت المشكلة ولا خوف بإذن الله ..

الأوقات اللي يصفر فيها :

زي ما تكرمت الظهر والمغرب استغلي الفرصة هذا وحاولي تعلمية الكلام في هذا الوقت ..

أما من ناحية خوف الطائر :

فإنشاء الله فترة وتعدي وطبعا ما يسوي الحركة هذ الا عشان يخليكم تبتعدوا عنه بس هذ الحركة فترة بسيطة وانشاء الله تروح كل اللي عليك تسويه تخليه بوسطكم بس...

وبالنسبة للتلفزيون :

شيء عادي ولكن احيانا يسبب مشكلة وترتب في نقطتين هامة ورئيسية :

أولا : إجهاد الطائر وخاصة وقت النوم او الخروج من المنزل وترك التلفزيون شغال لفترة يجهد الطائر ..

ثانيا : حفظة لبعض الكلمات من التلفزيون وينطقها بشكل خاطئ يصعب فهم الكلمة اللي ينطقها


عموما :

طائرك بحاجة الا وقت والا صبر وراح تنحل مشاكلك انشاء الله تعالى ....

مع تمنياتي لك بالتوفيق