Mu Ball Python .. MEM

[>>>كل الغلا<<<]

بسم الله الرحمن الرحيم ..
اول شي .. السلام علييييكم ..
أخباركم إن شاء الله طيبين ...
اممممم من زمان وانا من عشاق الثعابين .. وكان السببين اللي مانعيني عن تربيتها ..
1- الدجَة
2-الوالد مايبيها ..

وكانت تجربتي الاولى مع ثعبان اسود ياكل سمك (برمائي) ..

سبب لي بهاق بس نيقاتيف يعني صار حول فمي لون اسود ... عشاني كنت اخليها تتنفس بوجهي ..

وكنت مو مقتنع انها هي السبب لاني كنت اسوي اشياء ثانية ..

المهم .. هذي الحية كنت شاريها بخمسين ريال

وجيتها مرة والاقيها ميته .. حزنت شوي .. ورميتها بالزبالة .. وانتم بكرامة ..

وبعد اسبوع اختفى اللي بوجهي ..

المهم .. يوم بلعت حزنها .. ومر شهر ع موتها .. جا ابوي وفيه الابتسامة الشريرة حقت توم اللي بتوم وجيري .. وقال شفت ياوليدي انها هي السبب ...

يوم رشيتها فليت وماتت راح اللي بوجهك

آنا هنا وجهي صار كذا ..

بس بعدين اكتشفت انه صادق ..

المهم جاني كم ريال هالايام .. واشتريت بول بايثن .. صرت كاش واشتريت كيج لها معها ..

واقنعت الوالد وخليته يرحمني

طولها تقريباً 94 او 97سم .. عمرها سنة او حول ..

الزبدة حياتي معها اوكي .. بس ماتاكل وانا فيه .. وتهايط احياناً .. طبعاً هي أوونثى

اممممم وشو بعد .. ايه وتوهقت مافيه بالقصيم فيران تجارب .. وصرت اضطر اشتري لها هامتسر ..

طبعا اول هامسترين ما اكلتهم .. واحد موتته .ويوم جيت وفقعت فلاش الكامرا بوجهها حامت كبدها .. شكلها تذكرت ساهر<< الباب انقلع ياسامج ياظريف

والثاني طاح من فمها بصحن الماء ولا اكلته ..
الثالث الحمد لله .. راح بس ماشفته كويس كنت بعيد بسريري ...

امممممم وشو بعد ..

ايه وابشركم اليوم عيونها رمادي مايل للسماوي ..

احسبها مريضة بس الحمد لله يوم قريت بالمنتدى اثرها بتغير جلدها .. قلت الحمد لله ...

وعاد ابي اسألكم كم تبي من يوم .. وشوفوا لي الكيج وباركوا لي .. والعبوا علي قولوا تجنن وانها حلوة P:

وهذي الصور ..

وشكرا لتحملكم قصة حياتي ..