خبر سار بس عندي استفسار

[توتي&ميزو]

السلام عليكم

اخواني بغيت أسألكم

عصفورتي البادجي باضت بيضتين للحين ولله الحمد

السؤال

شو نوع الاكل اللي مفروض تاكله يعني في شي معين اسويلها اياه ؟؟؟؟

والشي الثاني كيف اتعامل معاها هل ممكن اساعدها بشي خلال هالفتره ؟؟؟

وبالنسبه للعش !!! العش فاضي مافيه ولا شي بس هي باضت داخله ... يعني المفروض العش يكون بداخله شي ولا فاضي م الاساس؟؟


واي نصيحه ممكن تقدموها لي ياريت تفودوني عسى ربي يسعدكم ويوفقكم

[الكادي هواها]

الف مبروك
الفتره اكفي بالحبوب الجافه اكل البادجي العادي
حتى يتم فقس اول بيضه قدم لهم البيض بالبقسماط لمده اسبوع
ممكن اتابعها بس بدون ازعاج وتتاكد من عدم حدوث احتباس لاسمح الله
واهم حاجه ماتفتح البيضه اثناء وجود الانثى داخلها حتى ماتفزع
والهدواء التام بالفتره
بنسبه للبياضه عادي مو لازم تحط فيها حاجه ولاكن بعد الفقس بـ5-10 أيام
ضع نشاره خشب حتى تحمي الفروخ من الكساح ويسهل تنظيف البياضه
وحتى تسحب الرطوبه من العش
النصيحه الهدواء وعدم فتح البياضه بوجود الانثى داخلها
وان شاء الله تشوف احلى انتاج

[الجوهرة هنادي]

آلف آلف مبروكـ آخي و ان شاء الله يفقص البيض

الحين اكتفي بوضع حبوب البادجي الخاصة فقط

بعد فقص البيض ان شاء الله حط بيض بالبقسماط آلآسبوع آلآول

آلآسبوع الثاني تقدر تحط غذاء كنت تحطهـ للجوز من قبل

و الخضر و الفواكهـ يتمـ تقديمها بكمية قليلة في آلآسبوع الثالث من الفقص

وفر هدوء تامـ و احذر من ازعاج الجوز و تجنب فتح البياضة

البياضة خليها فارغة حتى بعد فقص البيض بـ حوالي 5 ايآمـ حط نشارة خشب حتى ما تنتشر الاوساخ

و ما تصاب الفروخ بالكساح

موفق

[a7mddd]

وعليكم السلام ..
مبرووك اخى على البيض .. وانشاء الله بتشوف انتاج انتاجهم ..
وفى هذه الفترة اكتفى بوضع الحبوب فقط ...

[توتي&ميزو]

يعطيكم العافيه اخواني

ما قصرتوا

بس عندي كم سؤال ...

بخصوص البيض الحمدالله فقس

1- الحين كيف ادخل نشار الخشب للعش لانه الام ع طول داخل العش واذا طلعت ع طول من تشوف احد يقرب م العش تدخل داخل العش ؟ وهل ممكن اعوض عن نشار الخشب بالخيش ؟

2- شو نظام التغذيه اللي ممكن اتبعه ؟ للعصفورين الام والاب + المواليد

3- كيف اتعامل مع العصافير الصغيره ؟؟


واكيد لي عوده


مشكوريــــــــــــــــــــــــن

[الكادي هواها]

الف مبروك
1- بعد ان يكمل الفروخ اسبوع او عشره ايام
اطرقي على البياضه بهدواء استئذني من الام وعند خروجها
اخرجي الفروخ مع حفظ ترتيبهم ونظفي البياضه بعده ضعي النشاره
وتكون متوسطه الخشونه بعده رجعيهم بنفس الترتيب واهم شي حاول ماطولي
حتى ماتزعجي الانثى
لا الخيش ماينفع لانه ممكن يلتف على ارجل الفروخ من غير ماتلاحظي وتكون مشكله انتي بغنى عنها
2-الايام هذي قدمي لهم البيض بالبقسماط مع وجود الحبوب بشكل مستمر وتغير الماء بشكل يومي
بعد اسبوع تظيفي بقيه الاكل الي متعودين عليه طيورك ماعدى الخضار والفواكه تؤجل الي الاسبوع الثالث
حتى ماتصاب الفروخ بالاسهال
3- حاول ما تمسكيهم ولاكن بعد خروج الام تطمني عليهم وتاكدي من اطعام جميع الفروخ بشكل صحيح
موفقه

[Rami Ghabar]

اللللللللف مبروك و ان شاء الله يطلع فروخ حلوين يتربوا بعزك
خلال هذه الفترة ما عليك غير انك تطعميهم حبوب و ما تحط فيتامينات في الماء او اي اشي اخر عشان ما يصير تسمم مع الانثى و بعد ما يفقس الفرخ الأول حطيلهم مأكولات طرية مثل البيض بالبقسماط و القمح المنقوع و الخبز بالزبادي بس مو بشكل يومي عشان ما يصيب الفروخ اسهال يعني كل يومين او يوم اه يوم لأ و ابتعد عن الخضراوات هذي الفترة
بالنسبة للعش بس يصير عمر الفرخ الأول من 7-10 أيام أو أقل حط نشارة خشب او قطن عشان ما يصير مع الفروخ اشي اسمه الكساح الله يكافينا شره
و تقبل مروري

[توتي&ميزو]

الله يبارك فيكم ...

وان شاء الله بتبع نصايحكم

بس اليوم لاحظت انه الذكر يضرب الانثى ويحاول يمنعها تدخل العش

شو السبب برايكم ؟؟!!!!

مع العلم انه للحين بيضه وحده فقست ...!