مساعدة ضروري للبوا

[النمر الأبيض]

السلام عليكم ورحمة الله وبركاته
عندي ثعبان بوا من فترة وصحته كانت حلوة وياكل
صار له شهر مو راضي ياكل طبعا كان يبدل جلد والان خلص تبديل الجلد وإلى الآن مو راضي ياكل
واللي باط كبدي الغبي يخاف من الفئران كانهم هم اللي بيفترسوه مع انه كان ياكلهم
فأرجوا المساعدة في هالموضوع

[طرائف الطبيعة]

تأكد ان الحرارة مناسبة بالحوض لأن الثعابين تمتنع عن الاكل اذا الجو بارد

[salat07]

أيضا يفضل انك تطعمه فار ميت..لان الحي يقاوم بالعض او الهرب و هذا شي ممكن يؤذي الثعبان و قد يسبب في ان الثعبان يمتنع عن الطعام.
انا كان عندي ثعبان متخلف مايعرف يمسك الفار.. صار كل مايجري يبغى يعظ الفار, الفار ينقز و يخش اخينا الثعبان في قزاز القفص...و اتكرر الموضوع اكثر من مره و امتنع بعدها الثعبان عن الاكل لمده تقريبا 3-4 اشهر..والله اعلم سببها انه جمع مابين الفار والارتطام بالقزاز فاتخذ سبيل ابعد عن الشر و غني له.
الين ماجاع صح رجع ياكل.


باالتوفيق

[|| PyTHoN ||]

صارت معاي ، المشكله الفار ينحاش و انا عندي عقده من الفيران
قمت حطيت الفار و اهو حي بماي بااااااااااااااااارد عشان يخف النشاط
و لبست دس جلد و أشيله من ذيله و سويت Hand Feeding
و الحمدلله نجحت

و عادي لا تحاتي ^^

أسبوع أسبوعين ثلاث أربع ما منهم خوف و انشالله مافيها شي
لكن تأكد ان ما عندها إلتهاب او شي من هالأشياء

و موفق ~

[jassim99]

توضيح للالتهاب الي تكلم عنه الاخ بايثون :- فقاقيع تطلع من فم الثعبان من قدام او على الاجناب

و انت تاكد امسك راسها على جنب و افتح فمها بعود تنظيف الاذن اذا لقيت سائل لزج فهذا هو الالتهاب

ان شاءالله مافيها شي

سؤال :- انت حاطلها كهف او مكان تنام فيه ؟ اذا لا حطلها و خلها ٣ او ٤ ايام وجرب وكلها مره ثانيه

لان واجهتني هالمشكله مع بوا صغيره ورجعت تاكل يوم حطيتلها كهف

[الخيّال]

الموضوع بيسط والسبب هو برودة الجو

تأكد أن درجة الحرارة 30 درجة عند الاطعام

واذا رفضت تاكل انتظر لحد يعتدل الجو وراح تاكل هي من نفسها

[النمر الأبيض]

درجة الحرارة مناسبة وصحتها ممتازة ما فيه التهاب
بس ما ادري ليش مو راضية تاكل طبعا الحوض اللي هي فيه صغير عليها
مشكورين جميعا على الرد

[|| PyTHoN ||]

أول شي شنو نوع البوا أصلاً ؟
و جم طولها ؟
و ممكن صوره للحوض و قياساته ؟

[jassim99]

شباب الريال يقول كانت تاكل قبل و الحين بطلت تاكل يعني في شي مضايقها او خايفه

يا ماعندها مكان تنام فيه
او درجه الحراره او الرطوبه مو مضبوطه
او عندها التهاب بالجهاز التنفسي

[سمكه صغيره]

سبحها بماء دافي لين ما تستفرغ او اوسخ
و خلي درجة حرارة الحوض من 25-30
و رجعها لما تتاكد ان الحراره تمام
و اليوم الثاني اكلها
و شوف وش يصير