الثوم وفوائده لعالم الطيور

[عبيد العباسي]

موضوعنا عن الثوم للطيور
طبعا للانسان انتوا عارفين فوايده
بس بتكلم عن فوايده بالنسبه للطيور بكل انواعها

1- الثوم من اقوى المضادات الحيويه حق كل الجسم شامل كل اجزاءه

2- يطهر المعده ويطرد السموم من الجسم المخلوقات كلها تطرد السموم عن طريج العرق ما عدا الكلب حشاكم لان ما يعرق
فالحيوانات اكثرها محكوره بقفص ما تطير ولا تبذل مجهود عشان تعرق وتطرد السموم فالثوم يقوم بهالمهمه
3-والمهم بالثوم ان يذبح الدود بالبطن والدود يخلى الحيوان ضعيف ما يمتن فتقل حركته وحيويته وقوه على الانتاج فى واحد ذكى بقولى احط مضاد حيوى وخلاص انا اقولك لا لان المضاد الحيوى يقتل كل الدود والبكتيريا اللى بالجسم فى دود وبكتيريا تساعد على هضم الاكل الثوم يقتل الدود والبكتيريا المضره ويخلي النافع

3-ويساعد على هضم الاكل ومشهي للاكل طبعا

4- بما ان مضاد حيوى طبيعي يعني اكيد يذبح البكتيريا والفيروسات اللى تمرض الحيوان
يعنى لو تعطي الثوم كل اسبوع ماراح يمرض عندك حيوان باذن الله
على قولتهم درهم وقايه خير من قنطار علاج
عاد انا مادرى شنو القنطار بس سامعها جذى

5- والاهم منشط عام للجسم ويقوى الاخصاب عند الذكور (حتى للانسان
والحين موسم الانتاج شدو حيلكم
وطبعا فوايده اكثر من جذى بوايد وكافى ان مذكور بالقران الكريم

طبعا فى واحد ذكي منسدح ويفكر اشلون بعطي الكناري او اى حيوان الثوم
انا اقولك اشلون

اتييب فص ثوم حطه بجيس صغير وترعصها بيدك ترعصها عشان يطلع منها شويه ماي
وحطها بمكان الماي المخصص للحيوان او الطير وتصب الماي وتنطر ربع ساعه وبعدين تقدمه للطير
طبعا تكون شايل الماي من الطير ساعتين او اكثر بشوي
بالبدايه الطير ما راح يشرب لان طعمه غريب بس بعدين راح يشرب عادي
من يشرب الطير تشيله لا تخلى لا طول لان الثوم كل ما تخليه اكثر يصير حار اكثر
طبعا هالطريقه تفيد كل الحيوانات وخصوصا الطيور
بالاسبوع مره تسويها
واذا الطير تحس انه تعبان شوي مرتين او ثلاث مرات

طبعا إلي ما يحبون يمسكون إلثوم بأيدهم

يروح محلات بيع السمج بسوق الحمام او عند الصيدليه يبيعون ماى ثوم جاهز
تحط شويه منه وتصب عليه الماي .

[! هاويه الطيور !]

يطهر المعده ويطرد السموم

صحيح سمعت بهذي المعلومه
يعطيك العافيه

[عبيد العباسي]

إلله يعأفيـج ومشكورة على إلمرور إلرأئـع إختيُ ,,.

[سيد ديك]

مشكور ع الموضوع

بس حتى الدجاج ياكله؟؟

ويعطيك الف عافيه

[عبيد العباسي]

العفو ولو ،،،

إي أخوي إلدجأج يأكله ممكن أنك [تقطع] إلثوم وتحطلـه رأح يأكلـه وإذا مأ كلأه إمسكـ إلدجأجـه وإفتح فمها ووحط قطع ثوم لأنه حيل حيل مفيـد لهم ويقيهم من وأيد أمرآضُ

وإلله يعأفيكـ على مروركـ ألجميـ ـلُ ,,,

[ndeem55]

مشكور اخوي على المعلومات الجديدة والمفيدة

[imprezer_q8]

شكرا عالموضوع الجيد ..

لكن شنو أفضل طريقه اوكل الثوم فيها للدجاج ؟ بالماي او أقطعه او شتقترح علي ...

[عبيد العباسي]

يعطيكم إلعآفيـه على إلمرور ...

أفضل أنكـ تقطعـه قطع صغيره وتأكلـه

[HAMZA_07]

موضـعك جميـل أخي

[Badri]

بارك الله فيك و تسلم على المعلومات