سؤال لأهل جدة

[Wedah]

السلام عليكم ورحمة الله وبركاته

عندي كم سؤال بخصوص الكاسكو
أبغى مكان رخيص يبيعها في جدة فين ألقاها بس مو الحراج، عشان الحراج بس للأولاد أبغى مكان أنا اقدر اروح بنفسي
أنا كنت اشتريتها قبل كم سنة واحد ب700 والثاني بعد ه بفترة ب 1200
بس الان الأسعار نار
أمس رحت لمحل قالي ب3000! سلامات!

كمان أبغى اعرف عن التمنه من جد ذا الببغاء غبي أبغى اعرف
اكثر من موضوع قريته يقول انه غبي بس سعره رخيص يعني ممكن يكون ب500
من فين ممكن اشتريه ! وهل فعلا سعره رخيص
و مررره شكرًا

[أسيــــر]

وعليكم السلام ورحمة الله وبركاته
الاسعار فعلن ارتفعة 700و1200راحة ايامها
الان اتوقع الفرخ الصيد من 1500ريال ونت طالع بنسبه للكاسكوالافريقي وحسب الحجم ونظافة الطير
التمنه بالعكس ماهو الطير الردي ويجي منه لكن لانه مافي اهتمام بتربيته مثل الكاسكو وتلغينه
اتمنى الاخوان يفيدونك بمحل اسعاره مناسبه عبر الخاص

[Wedah]

مشكور أسير الله يجزاك خير ما قصرت
ننتظر معلومات عن الأماكن والأسعار من أهل البلد

[ابوسهيل]

وعليكم السلام ورحمة الله وبركاته
اختي الكريمة زيما قال الاخ اسير الاسعار ولعت
لكن اعرف مكان في كيلو 2 كان عنده 3 ببغائات كاسكو
اعمارهم حول السنة
ويومها قلي الواحد ب1500 ريال
الله اعلم لو لازالت عنده او لا
ودي ارسلك اسم المحل برسالة خاصة
لكن مشاركاتي لم تصل 50 مشاركة
لكن روحي على كيلو2 في جدة كلهم على بعضهم 5 محلات جنب بعض
وفالك التوفيق

[كوكتيل2]

المشكلة المحلات الي اعرفها كلها زي الحراج كمثال سوق الاهدل في يمكن 7 او 9 محلات بس ما ينفع تروح البنت لحالها الله يعينك و الاسعار فعلا غليت وسارت نار

[ابوسهيل]

المشاركة الأصلية كتبت بواسطة ابوسهيل

وعليكم السلام ورحمة الله وبركاته
اختي الكريمة زيما قال الاخ اسير الاسعار ولعت
لكن اعرف مكان في كيلو 2 كان عنده 3 ببغائات كاسكو
اعمارهم حول السنة
ويومها قلي الواحد ب1500 ريال
الله اعلم لو لازالت عنده او لا
ودي ارسلك اسم المحل برسالة خاصة
لكن مشاركاتي لم تصل 50 مشاركة
لكن روحي على كيلو2 في جدة كلهم على بعضهم 5 محلات جنب بعض
وفالك التوفيق

للاسف اليوم عديت على المحل لكنه قد باع كل اللي عنده
بس لقيت عنده كاسكو هولندي محجل اقل من سنة ب2300 ريال
طبعا اليف

[Wedah]

الله يجزاكم خير ماقصرتوا يا ابو سهيل وكوكتيل
صحيح ابو سهيل أنا رحت أمس المحلات اللي قلتها وكانت الأسعار بالفعل بين 2200 و 2300 وكلها اليفة
لقيت واحد في اخر محل ( كان أحسن محل، عنده يلوناب ويلوهد ماشاءالله) المهم كان ب1550 بس مسكين مررررره خواف ويجعر
لو كان عمره صغير كان اشتريته بس شكله كان كبير.
و مازال البحث مستمرا
الله يكتب لي بغبغان ابن حلال

[tooz44]

انتبه لايكون الاورنج لان الشبه بينهم كبير وبنفس السعر اللي كتبته مافي يلوناب ١٥٠٠

[Wedah]

صحيح كلامك ي tooz
اول كنت غشيمه بس ذحين خلاص =)
خلصيني اوضح
لقيت الاورنج وينق بس ماسعرته شكله كان مبهذل وحالته حاله
اليلوناب ب9000
و اليلوهد ب13500
اللي ب 1550 رمادي بس صيد خواف وجداااا مزعج يجاعر شي مو طبيعي