طيري المسكيين .. ساعدوني لاتخذ القراار :(

[7mamah]

السلام عليكم ورحمة الله وبركااته


كيفكووووم ؟؟


ببغائي كسر خاطري

مسكيين لما يشوووف الطيور تطير من الشباك يقعد يطالعها لين تختفي ويظل يصرخ عليها

كأنه يريييد يطيير معااهم

افكر اخليه يطيييير حر

للعلم هو دره هنديه وعمره 5 شهوووور

وفي حارتناا كثييير من بني جنسه يطييرووون على الاشجار دايما اشوفهم

يعني لو خليته يطيير عندهم هل بيكون خطر عليه ؟؟

وبصرااحه انا في الفتره الاخييير كنت مشغووله كثيييير بس احط له الاكل الماي وما القى وقت اجلس معه علشان كذا صااار متوحش ويعض كثيير وعضاته قويه ما شااء الله حتى انه مره طلع لي دم في اصبعي

وصار شكله منتف مو مرتب مثل قبل

اعرف هذا من اهمالي له لكن مب بايدي والله

والحين اريد اعوض عليه واريده يكون حر بما اني للحين مشغوله اخاف لا يمووت وانا مشغووله عنه

انتوا شو راايكم

هل اطلقه مع طيور الدره اللي برا او شو اسوي ؟؟؟


آسفه ع الاطاله


ربي يحفظكم

[Prime Rose]

الصراحه خيتوو يمكن احسن تطلقيه لانه اكييد هذا سبب عدوانيته

وبلعكس مبين انك مشاء الله ماقصرتي معاه

واكيد انشاء الله مايكون خطر عليه

[7mamah]

ان شااء الله ما يكون خطر عليه لكن اللي مخوفني انه عمره صغييير

تسلميييين يالغااليه على ردك

جزاك الله كل خيير

[بندولة حب]

بعه علي

[7mamah]

اتمنى والله ألقى حد يهتم فيه لو انتي في الامارات ما كنت بعته لك

الا بعطيك ايااه هديه

كثير ناس يبوونه لكني رافضه اعطيهم ايااه لاني خايفه عليه لقلة خبرتهم

تراه غاالي علي لكن ظروفي مخلتني اهمله غصب

[زينه ونحول]

لااا ... لا تطيره .. الغربان مابيقصرو .. يعني اهمالك احسن له من انه يكون تحت رحمة غراب

مرا طيرت امي عصفور .. وبنففففففففس اللحظه صار سندويتشه بفم غراب طاير .. أمي سوت كده بعينها @@

[الحلم الوردي]

نصيحتي لك طيري

او بيعه لان الببغاء يحتاج الى الرعية والاهتمام

والراي فغي الاخير يعود لك

[dhoooomy]

هلا اختي اهم شي اذا طيرتيه صوريه فيديو ونزليه هنا بنشوفه وهو يتحرر

[..موني..]

لا اختي والله انا اشوف تبيعينه .. واذا ما حصلتي ناس عندهم خبره وانتي خايفه عليه

بيعيه فالسووق .. بس حرام لا تحررينه واهو صغييير ..

كل طيورنا يبون يطلعون ويتحررون بس مب معناته ان نخليهم على كيفهم

قد ما تقدرين عطيه من وقتج لو ربع ساعه فاليوم .. واذا ما قدرتي قلت لج بيعي فالسوق

وفالنهاية الشور شورج وهذا طيرج

تحيــآآتي .. موني ..

[مجنون فلته]

السلام عليكم

اختي الحمد لله الناس تهتم بالطيور والطير الي عندك صغير

يعني حرام تطيرينه لأنك ترمينه في التهلكه اصبري عليه شوي وبعدين طيريه

لأن الدره تعرف اشلون تعتني بنفسها من تدريب امها ولكن الدره الي عندك ماضلت مع امها على شان تتدرب

لكن اقول اصبري عليها وطيريها واحسن شي تطيرينها اذا مرو مرور الكرام طيور الدره

على شان تنظم معاهم

وتطمني عليها

وبالتوفيق