سؤال عن الفايتر ؟

[elgendylove]

انا عندى 2 فيتر انثى فى حوض 30*30*20 وحاطت فلتر فانوس وحاطت ذكرين فى فى الحوض طبعا كل واحد فى كيس ومنعزل عن التانى ..... دلوقتى السمكتين الانثى عمالين يرخموا على بعض شويه كده وكمان تقريبا فيهم بيض علشان بطنهم كبيره والفيتر الى فى الكيس كل ما شوفهم يتجنن وكمان فى سخان مظبطه على 28 .
دلوقتى عايز اعرف امتى يكونوا جاهزين للتزاوج لوضع البيض وازاى اعرف ان الانثى كده جاهزه وحكايه الذكر ده كل مايشوف انثى يتجنن ده غلط ولا ايه ؟

ممكن تفيدونى

[انجل مان]

طريقتك كلها غلط !!

بالاول .. جيب حوضين وضع كل حوض فيه ذكر ..

وجيب كوب زجاجي كبير شوي .. او برطمان زجاجي .. وضع في كل برطمان انثى على حدى !

وادخل كل كوب او برطمان داخل حوض الذكر .. بحيث ان الذكر يشوف الانثى ولا يستطيع الوصول اليها !!

بعدها تغذي الذكر والاناث لمدة اسبوع غذاء حي ! ولتضمن ان الانثى تكون ممتلئه بالبيض .. والذكر يكون مستعد

بعد مرور اسبوع ضع قطعه فلين صغيره على سطلح الماء لتساعد في تماسك بناء العش .. واهم شي الحوض ما يكون فيه اي فلتر او مضخه هواء فقط سخان ومضبط على 28

بعد اكتمال العش على سطح الماء .. تقوم بأنزال الانثى برفق .. وبعدها يتم مراسم التزاوج .. وبعد ما تطرح الانثى البيض .. والذكر يلقطه ويضعه بالعش ..

تقوم بأزاله الانثى فورا .. وارجاعها لحوضها وتغذيتها جيدا .. وبعدها انتظر فقس البيض وظهور الصغار ..

[elgendylove]

تمام والله ينور عليك يا اخ انجل .
انا عندى حوض واحد ودى المشكله ولو عرفت اعمل واحد كمان يبقى تمام بس انا طبعا المفرض اختار الانثى الى بطنها كبيره بس ليه الانثتين بيجروا ورا بعض طول النهار فى الحوض ؟؟؟؟؟؟؟؟؟؟؟؟
وبالنسبه لاكلهم كبده تانى ولا دود حى ؟ اكيد دود حى بس مش لاقيه عندنا .
واشغلهم الاضاءه ولا لاء

وفى سؤال اهم مفيش سمكه فيهم بتاكل الحبوب احطها فى الحوض واشيلها تانى محدش بيفكر يقربلها ولو عملها مش بياكلها بس لما حطيت كبده بكميه بسيطه جدا كلوا ؟؟؟؟؟؟؟؟؟

[سيف العراقي]

اخي الكريم السياميس فايتر ليست من الاسماك الشرهه في الاكل يعني القصد الفايتر مايكل مثل المولي والجولد فيش ويكون شره نسبيا .. ويكون ذواق وبطئ في الاكل يعني بين كل يومين اعطي نسبه جدا قليله من الاكل وراح تشوفهم ياكلون ان شاء الله

الاضائه خفيفه

[Dr Khaled]

لا حول و قوة إلا بالله يا بني إيه حكايه الكبدة معاك؟
لايكونش بتشتغل عند جزار؟
يوجد علف الأسماك القشور مذاقه ألطف من الحبوب و هنالك الدود المجمد كمان يفي بالغرض و الإضاءة طبيعية 12-10 ساعة
و مشكله الحوض دي سهلة تروح عند القزاز و تقلوا عاوز حوض سمك بالقياسات دي!!!! أو إنك تشتري جاهز.

[سيف العراقي]

هههههههههههههههههههههههههههههههههههههه حلوه منك دكتور

[elgendylove]

اصلهم عجبونى اوى وهما بيكلوا الكبده كانوا بيفتروا فى الاكل وكان فى السورتديل كان عامل زى الحيوان بياكل بعنف فعجبتنى الفكره . اما الدود الحى قليل لما الاقيه .
وعلى فكره انا بعمل الاحواض على ايدى وعندنا محل قزاز بتاع قريبى بروح اجيب منه القزاز واتسلى واعملى حوضين . واربى فيهم فراخ علشان اخد منهم الكبده ... ههههههههههههههههههههههههههههه

[Dr Khaled]

لالالالا مش كده ما ينفعش يا إبني إيه كبده و إيه الكلام ده!!!

طيب فصل حوض على كيفك و بالعكس يطلع حلو و ثبته كويس مش أيا كلام يعني؟

و الأكل الجاف الرقائق ينفع هو و الدود المجمد دا حلو بس ما تكترش من الدود يعني و إلا بتشوف سمك بشكي من معدته و يجيلوا إمساك ... يعني مرة مرتين لاإسبوع ما يضرش ....

[elgendylove]

شكرا اخ خالد انا هاخف من اكل الدود ليهم طبعا بس ده لما اجيب دود . وانا هادورلهم على اكل احسن من الحبوب علشان انا حاسس انها متكفيش ونفسى احافظ على الوان السمك وانا قريت انه لازم اى حاجه فيها بروتين علشان كده كنت فرحان بالكبده بس انا خلاص بطلتها . هاكلهم لحمه

[سيف العراقي]

تقول اسود مو سمك لحمه وكبده هههههههههههههههه