اشترك في نشرتنا البريدية ليصلك كل جديد

الكرواان · 13-12-2009, 05:51 PM

السلام عليكم

انا مبتدىء في تدريب الكاسكو فاسمحولي على الأسئلة السخيفة

الحين قام ياكل الكاسكو من إيدي داخل القفص
و لمن أوكله أقدر أمسح على بطنه الجزر الي يكون بوجهك أسفل جسمه تقريبا تحت منقاره
طبعا الطير هادي و يجاعر و لا يصيح
و أقدر ألمس منقاره
بس السؤال :
اشلون أمسح على راسه و على جسمه كله
و الطير عمره 11 شهر تقريبا
و السؤال الثني : هل ألبس قفاز لمن أدربه على الصعود إلى اليد و لمن أمسح عليه عشان لا أتأثر بالعظة لمن أمسح عليه

و شكرا ,,

هراقل · 13-12-2009, 06:36 PM

هلا بيك عزيزي
بالعكس السؤالين مهمين بالنسبة للمبتدئ
بس السؤال :
اشلون أمسح على راسه و على جسمه كله

عادي جدا طالما انه ياكل من ايدك وانك تقدر تلمس الكاسكو فمعنى ذلك انك كسرت الحاجز بينك وبينه بس هوا يظل شوي قلقان منك طالما انه يجعر ، بس عليك انك تلمسة من راسة من العظمة فوق العين وبكل هدوء وبطئ ولازم تخلي ايدك من خلف الراس من من امامة بس قبل الخطوة هذة حاول تحط شوية عسل على اصبعك وقربه جهه المنقار عشان يعرف انه اصبعك مو للعض وانما للحس

.
اما السؤال الثانى : هل ألبس قفاز لمن أدربه على الصعود إلى اليد و لمن أمسح عليه عشان لا أتأثر بالعظة لمن أمسح عليه
فماله داعى بس انت قوى قلبك شوي واذا حسين انه راح يعض اعمل قبضة يدك مثل البكس (اقفل يدك ) اما بالنسبة للاظافر قانا بالنسبة لي عادي اتحمل كمشة اظافرة . اهم شئ لا تتردد ولا تخاف طرا والله الطير يعرف بس انت شجعه وطبعا لاتنسى وقت التدريب لازم يكون جوعان ولازم تكافأة كل ما يتقدم خطوة لقدام .
تفضل تحياتى .

الكرواان · 13-12-2009, 07:43 PM

مشكووور أخوي على الإفادة بس أتوقع أنك فاهمني غلط

اهو ياكل من إيدي بس أنا أجيس بطنه و اهو منشغل بالإكل و لمن أرفع إصبعي يبده يرفع راسه و يفته منقاره

و أكرر مكووور على الإفادة ؟؟

هراقل · 13-12-2009, 08:02 PM

اقتباس:

المشاركة الأصلية كتبت بواسطة الكرواان

مشكووور أخوي على الإفادة بس أتوقع أنك فاهمني غلط

اهو ياكل من إيدي بس أنا أجيس بطنه و اهو منشغل بالإكل و لمن أرفع إصبعي يبده يرفع راسه و يفته منقاره

و أكرر مكووور على الإفادة ؟؟

بسيطة حبيبي والعفو
استمر وظلك طعمة من ايدك وتدريجيا يخليك تجيس على راسة و جسمة وياريت لو تنزل مقطع فيديو

الكرواان · 13-12-2009, 08:17 PM

للأسف ما أعرف أنزل فيديو ؟؟

ابو شيخه · 13-12-2009, 11:05 PM

السلام
امورك طيبه مره
بس طلعه على استاند او فوق القفص
وجوعه وجرب اتوكله وتمسح عليه بشويش
وكل مره حاول تمسح مكان غير الاول كم يوم
ويضبط معاك الطير بس خليك معاه الفتره هذي بذات
وشوف الطير كيف يصير

"مجرد علامة" · 14-12-2009, 12:17 AM

مبروك اخوي الكرواان
من رأيي لاتستعجل
انا حاس ان طيرك أليف بس شوي شوي يآخذ على الجو

لا تستعجل وتخوف الطير

زين انه ياكل من ايدك

رتب الأمور
اول شي اذا حسيت ان الطير ماصار يخاف من ايدك وجعيره خف

إبدأ بتعليمه الطلوع ع اليد

لأنه من تجربتي اذا صرت تمسح على راسه وتعود عليها ماراح يخليك تطلعه على يدك بسهولة

وكلما تقرب ايدك ينزل راسه واذا حاولت ترغمه يعض او يجعر

وتبدأ تتلخبط الامور

فخلك شوي شوي ترى العجلة بتسوي شي من اثنين :

يا يبدأ يعض او يتدهور وضع الجعير اذا كان خفيف يزيد مثلاً

أو يتعلم يهرب منك

فنصيحتي لك الطير ماشاء الله اليف وهذ اخبار حلوة بس لا تستعجل نهائي

وربي يوفقك

يارب عفوك

الكواسر ب · 14-12-2009, 01:00 AM

ما شاء الله شكله طيرك اليف طالما ياكل من يدك وتمسح عليه قطعت نصف المشوار

وبنسبه للجونتي انا ما انصحك انك تلبسه راح تخوف الببغاء منك

والله انا يدي تقطعت من الطير حقي كلها خرابيش وعض بس ايش نسوي هوايه ونحبها ونتحمل كل متاعبها

بووسلطان · 14-12-2009, 04:34 AM

الصبر وكثرة الجلوس مع الطير راح تجعل الطير يتوالف معك اكثر واكثر